Ipru 2:8 - Chuukese Bible

⁸ o awisa pwe epwe nemeni mettoch meinisin.” A apasa pwe Kot a awisa ngeni aramas pwe epwe “nemeni mettoch meinisin”. Wewen ei, esap fokun wor och mine esap nonom fän nemenian. Iwe, lon ei fansoun kich sisap küna pwe mettoch meinisin ra nom fän nemenian.

Ipru 2:8 Iomraidhean Croise

Kölfel 2:6

Iwe, a apasa, “Üa seikätä ai king lon wisan me won Sion chuki we mi pin.”

Kölfel 8:6

Ka awisa ngeni pwe epwe nemeni mettoch meinisin ka föri. Ka anomu fän nemenian föriom kewe meinisin,

Taniel 7:14

Iwe, a angei an nemenem me lingan me mwün, pwe aramasen fanü me mwü, pwal aramas mi eäni sokopaten fos repwe angang ngeni. An nemenem epwe nom tori feilfeilachök, esap tongeni wesila, nge mwün esap tongeni tala.

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Johannes 13:3

Jesus a silei pwe Saman a fen atolonga mettoch meinisin fän nemenian. A silei pwe a feito seni Kot, nge epwe pwal liwinsefäl ngeni Kot.

Johannes 3:35

Ewe Sam a echeni Nöün o atolonga mettoch meinisin fän nemeneman.

1. Korint 15:27

Pun iei mine a mak lon ekewe Toropwe mi Pin, “Kot a anomu mettoch meinisin fän pechen.” Ewer, a fokun fat pwe ewe kapas “mettoch meinisin” Kot esap pachelong lon, i ewe mi anomu mettoch meinsin fän nemenien Kraist.

Ipru 1:13

Kot esap fokun apasa ngeni eman nöün kewe chon läng, “Kopwe mottiu lepelifichi tori üpwe anomu chon oputom, pwe repwe lenien puun pecheöm.”

Ipru 1:2

Nge lon ekei ränin sopolan a kapas ngenikich ren Nöün we. I ätewe Kot a föri fanüfan me läng ren, ätewe Kot a filätä pwe epwe eäni mettoch meinisin.

Ipru 2:5

Iwe, Kot esap awisa ngeni ekewe chon läng pwe repwe nemeni ewe fanüfan mi fö epwe fisitä, iei ewe fanüfan sia fen kapas usun.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.

Pwärätä 1:18

Ngang ewe mi manau! Üa mäla, nge iei üa manau tori feilfeilachök. A wor ai nemenem won mäla me ewe lenien sotup.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,