Ipru 2:6 - Chuukese Bible

⁶ Nge iei usun a mak lon eu kewe Toropwe mi Pin, “Ai Kot, met aüchean aramas pwe ka ekieki usun, nge met aüchean nöün aramas pwe ka tümwünü?

Ipru 2:6 Iomraidhean Croise

Keneses 50:24

Iwe, Josef a üreni pwin kewe, “Ngang üpwe le mäla. Nge Kot epwe fokun alisikemi, epwe emwenikemiiwu seni ei fanü o aliwinikemiila lon ewe fanü a pwon ngeni Apraham, Isaak me Jakop.”

Hiop 15:14

Ifa usun, eman aramas a tongeni limöch? Ika eman mi uputiu seni eman fefin a tongeni pwüng?

Hiop 25:6

Nge eman aramas a kon kis seni, pun i eman möttö, nöün aramas a eman moso chök.”

Kölfel 144:3

Ai Samol mi Lapalap, met aüchean aramas pwe ka chüngüw, nge met aüchean nöün aramas pwe ka ekieki usun?

Aisea 40:17

Iwe, ekewe mwü meinisin esap wor aüchear fän mesan, pwe ra lomotongau usun mettoch mi pön.

Aisea 51:12

Iwe, ewe Samol mi Lapalap a apasa, “Ngang ewe üa achipok. Pwota ka niueiti aramas mi mäkai, ir upun won aramas mi wewe ngeni fetil?

Lukas 1:68

“Ousipwe mwareiti ewe Samol, ewe Koten Israel! Pun a feito pwe epwe alisi nöün aramas o angaseer.

Lukas 1:78

Ach Kot a ümöümöch o lukpwetete. Epwe awora ngenikich ewe Saramen Manau seni läng,

Lukas 7:16

Iwe, aramas meinisin ra uren niuokus, ra mwareiti Kot o apasa, “Eman soufos mi lap a pwä lefilach. Kot a feito pwe epwe amanaua nöün aramas.”

1. Tesalonika 4:6

Iwe, ren ei lapalap esap wor eman mwän epwe föri och mi mwäl ngeni chiechian souläng ika föri angangen atuputup ngeni. Äm aia fen ürenikemi ei me mwan o aia fokun fönöü ngenikemi, pwe ach Samol epwe apwüngü chokewe mi föri ei sokun föför mi ngau.

Ipru 4:4

Pun a mak lon eu kewe Toropwe mi Pin usun ewe afisuen rän, “Kot a asösö seni an kewe angang meinisin lon ewe afisuen rän.”

Ipru 5:6

A pwal apasa lon eu kewe Toropwe mi Pin, “En kopwe eman souasor tori feilfeilachök lon tettelin Melkisetek.”

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.