Ipru 2:3 - Chuukese Bible

³ Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

Ipru 2:3 Iomraidhean Croise

Aisea 12:2

Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

Aisea 20:6

Lon ena fansoun chokewe mi nonom arosetin ewe fanü Filistia repwe apasa, ‘Nengeni mine a fis ngeni chokewe sa anomu ach apilükülük wor, sa pwal süla rer pwe repwe alisikich o angasakich seni ewe kingen Asiria. Ifa usun ach sipwe tongeni sü seni ei feiengau?’”

Aisea 51:5

Iwe, ai pwüng epwe müttir kaneto, fansoun ai amanaueer a fefeito. Püsin ngang üpwe nemeni chon ekewe mwü won fanüfan. Iwe, ekewe fanüen lematau ra witiwitiei, ra apilükülükü ai üpwe amanaueer.

Aisea 51:8

Pun repwe rosola usun echö katup pwötür ra eni, repwe pwal wewe ngeni mangaku seni ülen man mi eniman. Nge ai pwüng epwe nonom fochofoch, ai manau epwe tori ekewe täppin aramas meinisin.”

Aisea 62:11

Ewe Samol mi Lapalap a aronga ngeni aramas won unusen fanüfan, “Oupwe üreni ekewe aramasen Jerusalem: Nengeni, ämi Chon Amanau a war, a uwato an liwin fän iten nöün aramas, nge liwiningau fän iten chon oputan.”

Isikiel 17:15

Nge ewe kingen Juta a ütä ngeni ewe kingen Papilon o tinala nöün chon künö Isip, pwe epwe tüngor seni oris me sounfiu mi chomong. Ifa usun, epwe pwäk ngeni? Ifa usun, eman aramas mi föri ei sokun esap angei liwinin an föför? Ifa usun, a tongeni atai eu pwonen atipeeu, nge esap angei liwinin?

Isikiel 17:18

Iwe, a aücheangaua o atai ewe pwonen atipeeu a eäni fän akapel me mwan. A föri ekana sokun föför meinisin, iei popun epwe fokun angei liwinin.”

Mateus 23:33

Ämi serepenit me etelien serepenit! Ifa usun, ämi oupwe tongeni sü seni liwiningauen ämi tipis lon hell?

Mateus 4:17

Seni ena fansoun Jesus a popuetä le eäni ei afalafal, “Oupwe aier seni ämi tipis, pun a arap Mwün Läng!”

Markus 1:14

Iwe, mürin an Johannes tolong lon imwen fötek, Jesus a feila Kalilea o arongafeili ewe Pworausen Manau seni Kot.

Lukas 1:2

Ra makkeetiu usun met sia rongorong seni chokewe mi wesewesen küna ekei mettoch seni lepoputän o usun ar arongafeili ewe Pworausen Manau.

Lukas 1:69

A awora fän itach eman Chon Amanau mi manaman, i eman mwirimwirin nöün chon angang Tafit.

Lukas 24:19

Jesus a aisiniir, “Ikafan ekewe mettoch?” Iwe, ra pölüeni, “Ekewe mettoch mi fis ngeni Jesus, ewe re Nasaret. Ei mwän eman soufos a wor manamanen an kapas me an föför mwen mesen Kot me aramas meinisin.

Johannes 15:27

Pwal ämi oupwe pwärätä usi, pun ämi oua nonom rei seni lepopun.

Föför 1:22

Eman a fokun nom rech seni ewe fansoun Johannes a popuetä le föri an angangen papatais tori ewe rän Jesus a feil senikich o feitä läng. Pun eman me lein ätekei epwe fokun etikich le pwärätä pwe Jesus a manausefäl.”

Föför 2:22

“Ämi aramasen Israel, oupwe rong ekei kapas: Jesus seni Nasaret, eman aramas mi wor an pwüüng me ren Kot, usun a pwä ngenikemi ren ekewe tufich me manaman me asisil Kot a föri ren Jesus. Oua püsin silei usun ei, pun ra fis ikei lefilemi.

Föför 4:12

Aramas repwe küna manau ren Jesus chök. Pun esap fokun wor pwal eu it won fanüfan Kot a ngeni aramas, pwe sipwe küna manau ren.”

Nöün Paulus Toropwe ngeni ekewe Souläng lon Rom 11:14

Eli üpwe tongeni föri, pwe püsin aramasei repwe lolloletä, pwe lupwen üpwe angang ngeniir, Kot epwe amanaua ekoch me leir.

Nöün Paulus Toropwe ngeni ekewe Souläng lon Rom 2:3

Nge en pwii, ka püsin föri ekei sokun föför ka apwüngü ekoch won! Ifa usun, ka ekieki pwe ka tongeni sü seni än Kot apwüng?

1. Korint 1:21

Pun lon än Kot tipachem, a föri pwe aramas resap tongeni silei i ren püsin ar tipachem. Nge Kot a akota pwe epwe amanaua chokewe mi lükü ewe kapas aia afalafala, iei ewe kapas ekoch aramas ra aita ngeni pwe och kapasen umwes.

1. Tesalonika 5:3

Lupwen aramas ra apasa, “Mettoch meinisin a kinamwe o nükünüköch”, mürin feiengau epwe müttir toriir usun cheuchen fam a tori eman fefin, nge esap wor eman aramas epwe tongeni sü seni.

1. Timoty 1:15

A allükülük ewe kapas pwe aramas repwe fokun etiwa o lükü: Kraist Jesus a feito lon ei fanüfan pwe epwe amanaua chon tipis. Ngang eman chon tipis mi ngau seniir meinisin.

Titus 2:11

Pun Kot a pwärala an ümöümöch, pwe aramas meinisin repwe küna manau ren.

Ipru 1:1

Me lom Kot a kapas ngeni ach kewe lewo fän chomong pwal lon sokopaten lapalap ren ekewe soufos.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Ipru 1:2

Nge lon ekei ränin sopolan a kapas ngenikich ren Nöün we. I ätewe Kot a föri fanüfan me läng ren, ätewe Kot a filätä pwe epwe eäni mettoch meinisin.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 4:1

Iwe, Kot a ngenikich ewe pwon, pwe sipwe tolong lon ewe asösö a kapas usun me mwan. Iei mine sipwe fokun tümwünüfichi pwe esap wor eman leimi esap tolong lon ewe asösö Kot a fen pwon.

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

1. Johannes 1:1

Äm aia mak ngenikemi usun ewe Kapasen Manau mi nonom chök seni me lepoputän. Aia fen rongorong ren selingem me küna ren mesem, ewer, aia fen küna o atapa ren pöüm.

Jutas 1:17

Nge ämi chiechiei kana mi achengicheng, oupwe chechemeni mine ekewe soukünö nöün ach Samol Jesus Kraist ra osuni me lom.

Pwärätä 7:10

Iwe, ra kökkö ren mwelier mi leüömong, “Sia küna manau me ren ach we Kot, ewe mi mot won ewe lenien motun king, pwal me ren ewe Lam.”