Ipru 2:2 - Chuukese Bible

² Ekewe kapas, ekewe chon läng ra ngeni ach kewe lewo a pwä pwe ra let, nge are eman esap tümwünü ika aleasochis ngeni a angei liwiningauen an föför usun a fich ngeni.

Ipru 2:2 Iomraidhean Croise

Kölfel 68:17

Ewe Samol a feito seni ewe chuk Sinai ngeni ewe leni mi pin fiti ngeröün wan woken mi pöchökül.

Numperis 11:33

Nge lupwen ra chüen ochoch ewe fituk, nge esamwo itela, ewe Samol mi Lapalap a fokun song ngeniir, pwe a niela ekewe aramas ren eu mätter mi watte.

Numperis 16:49

Iwe, iteiten chokewe mi mäla ren ewe mätter ükükün engol me rüanüngeröü füpükü lükün chokewe mi mäla pokiten ar eti Kora le tipis.

Numperis 21:6

Mürin, ewe Samol mi Lapalap a tinato serepenit mi poison lein ekewe aramas. Iwe, ra küw chomong aramasen Israel, pwe ra mäla.

Numperis 25:9

Nge chokewe ra fen mäla ren ewe mätter ükükün rüe me rüanüngeröü.

Föför 7:53

Ämi chokewe mi angei än Kot kewe Allük mi feito me ren ekewe chon läng, nge ämi ousap aleasochis ngeni!”

Kalatia 3:19

Iwe, met popun a wor ekewe Allük? Kot a apachatä ekewe Allük ngeni ewe pwonen atipeeu ar repwe aiti ngeni aramas ar föför mi mwäl, repwe pwal nonom tori epwe war mwirimwirin Apraham we, ätewe Kot a eäni ewe pwon fän itan. Ekewe chon läng ra uwätiu ekewe Allük le pöün eman chon afför lefilen Kot me aramas.

Tuteronomi 17:12

Nge are eman a aücho pwe esap aleasochis ngeni mine a kapwüngüla me ren ewe soukapwüng ika souasor mi angang ngeni ewe Samol mi Lapalap ämi we Kot, ewe aramas epwe fokun ninnila. Iei usun oupwe limetawu mine a ngau seni lon Israel.

Tuteronomi 17:2

Iwe, are a fis me lon eu lein ämi kewe telinimw Kot epwe ngenikemi, pwe eman mwän ika eman fefin a föri mine a ngau me fän mesen ewe Samol mi Lapalap ämi we Kot ren an purätiu än Kot we pwon,

Tuteronomi 17:5

mürin oupwe emwenato ewe mwän ika fefin mi föri mine a ngau ren asamalapen ämi telinimw o monei ngeni fau ewe aramas tori a mäla.

Tuteronomi 27:26

‘A anümamau eman mwän esap aleasochisi ekei allük o apwönüretä meinisin.’ Nge ekewe aramas meinisin repwe apasa, ‘Amen.’”

Tuteronomi 32:2

Amwo ai kapasen kait epwe püngütiu usun üt, ai kapas epwe wüch usun amurenipwin, epwe usun chimwo won ewe fetil mi pwüküfö, pwal usun püngün üt won iräkis.

Ipru 1:1

Me lom Kot a kapas ngeni ach kewe lewo fän chomong pwal lon sokopaten lapalap ren ekewe soufos.

Ipru 10:28

Are ruoman ika ülüman chon pwärätä ra tongeni alletätä pwe eman aramas a tipisin aleasolap ngeni än Moses Allük, epwe chök ninnila, nge esap küna ümöümöch.

Ipru 10:35

Ousap pöütala ämi apilüköch, pun epwe atoto ngenikemi eu liwin mi watte.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 11:6

Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

2. Petrus 1:19

Iei mine aia fokun apilükülükü ekewe kapas ekewe soufos ra arongafeili. A men öch ngenikemi pwe oupwe tümwünüöchü, pun a usun chök eu lamp mi tittin lon eu leni mi rochopwak tori an epwe ränila o ewe füün rän epwe tin lon letipemi.

Jutas 1:5

Pun inamwo ika oua silei ekei mettoch meinisin, nge üa chök mochen ai üpwe achema ngenikemi usun än ewe Samol a amanaua ekewe aramasen Israel seni Isip, nge mürin a arosala chokewe resap lükü.