Ipru 2:17 - Chuukese Bible

¹⁷ Wewen ei, pwe epwe wiliti aramas usun pwiin kewe lon mettoch meinisin fän iten an epwe nöür Souasor mi Lap mi eäni tong o allükülük lon an angang ngeni Kot, pwe än ekewe aramas tipis epwe musala.

Ipru 2:17 Iomraidhean Croise

2. Kronika 29:24

Mürin, ekewe souasor ra nirela o ninätiu char won ewe rongen asor, pwe asoren amusamusen tipis fän iten chon Israel meinisin. Pun ewe king a allük pwe repwe eäni ewe asoren kek me asoren tipis fän iten chon Israel meinisin.

Aisea 11:5

Epwe nemeni nöün aramas fän pwüng me allükülük.

Isikiel 45:15

Iteiten familien chon Israel epwe eäni asor eman sip seni iteiten akaruopükü sip. Iei ewe asoren mongö, asoren kek me asoren kilisou fän iten amusamusen ämi tipis. Ngang Kot ewe Samol mi Lapalap üa kapas.

Isikiel 45:17

Nge ewe samol epwe wisen awora ekewe asoren kek, asoren mongö me asoren ün mi fis lupwen ekewe chulap, lupwen chulapen popun maram me ekewe ränin sapat, pwal sokun chulap meinisin chon Israel ra eäni. I epwe awora ewe mönün asoren amusamusen tipis, ewe asoren mongö me asoren kek, pwal asoren kilisou fän iten amusamusen än chon Israel tipis.”

Isikiel 45:20

Iei usun oupwe pwal föri lon afisuen ränin ewe maram fän iten ekewe aramas mi tipis ren ar chechengau. Ina usun oupwe limeti ewe Imwenfel.

Taniel 9:24

Iwe, a pwüngüla pwe ükükün fisu fän fik ier a kaüküla fän iten aramasom me om we telinimw mi pin. Mürin, pupungau epwe ükütiu, tipis epwe müchüla, epwe fis amusamusen tipis, nge pwüng esemüch epwe pwönüetä pwe alon soufos me künaer epwe fisitä, epwe pwal fis apinipinin ewe Leni mi Unusen Pin.

Lifitikos 14:18

Iwe, lusun ewe noppuk mi chüen nom lepöün epwe epiti ngeni möküren ätewe mi mochen limöch. Ren ei ewe souasor epwe föri asoren amusamusen tipis fän iten ewe aramas fän mesen ewe Samol mi Lapalap.

Lifitikos 16:16

Iei usun Aaron epwe föri asoren limelim fän iten ewe leni mi unusen pin pokiten limengauen ekewe aramasen Israel, pwal pokiten ar pupungau me ar tipis meinisin. Iei usun epwe pwal föri fän iten ewe imwenfel seni mangaku mi nom rer lon lenier mi limengau.

Lifitikos 6:30

Nge resap tongeni mongö seni ewe sokun asoren tipis ra uwala chan lon ewe imwenfel seni mangaku, pwe repwe föri asoren amusamusen tipis lon ewe leni mi pin. Ei asor epwe kekila.

Lifitikos 8:15

Iwe, Moses a niela ewe mönün asor, a angei ekis chan o aea pöün le tofi ewe cha ngeni mächän ewe rongen asor me fofoch, pwe epwe alimöchü ewe rongen asor. Nge lusun ewe cha a ninätiu lepopun ewe rongen asor o apini, pwe epwe föri asoren amusamusen limengauen ewe rongen asor.

Numperis 15:25

Iwe, ewe souasor epwe föri asoren amusamusen tipis fän iten unusen ewe mwichen chon Israel. Ar föför mi mwäl epwe musala, pun esap fis seni mochenin letiper, ra pwal uwato ar asoren kek ewe Samol mi Lapalap a efich pwoon, me ar asoren tipis.

Nöün Paulus Toropwe ngeni ekewe Souläng lon Rom 15:17

Iei mine lon ai eufengen me Kraist üa tongeni aingaing lon ai angang ngeni Kot.

Nöün Paulus Toropwe ngeni ekewe Souläng lon Rom 5:10

Me lom kich chon oputa Kot, nge sia chäfengen me Kot ren mälan Nöün we. Iwe, iei sia chäfengen me Kot, nge epwe le fen ifan me watten än Kraist amanauakich pokiten a manausefäl!

Efisos 2:16

Ren än Kraist mäla won ewe iräpenges a amola ar oputfengen lefiler. Pun ren ewe iräpenges a achäfengeni ekewe ruu sokun mwichen aramas, pwe repwe eu chök mwich o aliwinisefäliir ngeni Kot.

Kolose 1:21

Me lom oua toau seni Kot o chon oputa i pokiten ekewe mettoch oua föföri o ekkekieki.

Ipru 10:21

Sia eäni eman souasor mi tekia, a nemeni ewe imwen Kot.

Ipru 2:11

Jesus a alimöchü aramas seni ar tipis, iwe, i me chokewe mi küna limöch ra semeni eman chök Sam. Iei popun Jesus esap säwäsini an aita ngeniir pwiin.

Ipru 2:14

Pokiten ekei nau, ir aramas seni fituk me cha, püsin Jesus a wiliti aramas usun ir o sokuni sokur. A föri ei, pwe ren an mäla epwe atala manamanen Tefil a eäni nemenem won mäla.

Ipru 2:16

Pun a fat pwe esap alisi ekewe chon läng. Nge usun a mak lon ekewe Toropwe mi Pin, “A alisi ekewe mwirimwirin Apraham.”

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.

Ipru 3:2

I a allükülük ngeni Kot, ewe mi filätä an epwe föri ei angang, usun chök Moses a allükülük lon an angang lon imwen Kot.

Ipru 3:5

Moses a allükülük lon wisen eman chon angang lon unusen imwen Kot, a kapas usun ekewe mettoch Kot epwe apasa lon ekewe fansoun repwe feito.

Ipru 4:14

Iei mine ousipwe kamwöchünük won ewe lükü sia pwärätä usun. Pun a nom rech eman Souasor mi Lap, Jesus ewe Nöün Kot, a feitä läng o a nonom mwen mesen Kot.

Ipru 4:15

Pun ach we Souasor mi Lap esap eman mi tongomang ngeni ach apwangapwang. Nge a nom rech eman Souasor mi Lap mi tolong lon sokopaten sosot usun chök kich, nge esap tipis.

Ipru 5:1

Iwe, iteiten souasor mi lap a kefilitä me lein aramasan, a angei wisan an epwe angang ngeni Kot fän iten ekewe aramas, pwe epwe föri angangen asor o föri ekewe asoren tipis.

Ipru 5:10

Iwe, Kot a aita ngeni souasor mi lap lon tettelin Melkisetek.

Ipru 5:2

Pokiten i a apwangapwang lon püsin manauan, a tongeni tipepwetete ngeni chokewe mi wewemang o föri mine a mwäl.

Ipru 5:5

Ina chök usun Kraist, esap püsin seikätä an epwe wiseni ewe wisen souasor mi lap. Nge Kot a üreni, “En Nei, ikenai üa wiliti Semom.”

Ipru 6:20

Fän itach Jesus a akomwolong mwach lon ewe leni o wiliti eman souasor mi lap tori feilfeilachök lon tettelin Melkisetek.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

Ipru 7:28

Lon pwüngün ekewe Allük, aramas resap unusöch ra kefilitä lon ewe wisen souasor mi lap. Nge än Kot pwon mi fis fän akapel a tapweto me mürin ekewe Allük, a filätä ewe Nau mi unusöch tori feilfeilachök.

Ipru 8:1

Iwe, iei aüchean mine sia kapas usun: Sia eäni eman Souasor mi Lap a mot lepelifichin ewe mi Unusen Tekia lon läng.

Ipru 8:3

Iteiten eman me eman souasor mi lap a kefilitä pwe epwe uwato sokopaten asor o eäni asoren man ngeni Kot. Iei mine ach we Souasor mi Lap epwe pwal fokun wor mine epwe eäni asor.

Ipru 9:11

Nge Kraist a feito lon ewe wisen Souasor mi Lap fän iten ekewe mettoch mi mürina ra fen nom ikei. Ewe imwenfel seni mangaku i a angang lon a lap o fokun unusöch. Esap för ren pöün aramas, pun esap eu kinikinin minen fanüfan.