Ipru 2:13 - Chuukese Bible

¹³ A pwal apasa, “Üpwe anomu ai apilükülük won Kot.” A pwal apasa, “Ngang üa nom ikei me ekewe nau Kot a ngeniei.”

Ipru 2:13 Iomraidhean Croise

Keneses 33:5

Nge lupwen Esau a netä, a küna ekewe fefin me nöür kewe o aisini Jakop, “Nöün iö kana mi nom reöm?” Jakop a pälüeni, “Ai samol, ir meinisin nei, Kot a ngeniei lon an ümöümöch.”

Keneses 48:9

Iwe, Josef a üreni saman we, “Ir nei, Kot a ngeniei me lon ei fanü.” Nge Israel a apasa, “Kose mochen kopwe emwenireto pwe üpwe afeiöchüür.”

2. Samuel 22:3

ai Kot ai achau ewe ia üa op ie. A epeti seniei feiengau usun eu tittin maun, a peniei o tümwünüei. I ai chon amanau, a tümwünüei o amanauaei seni föförün mwäneson.

Kölfel 127:3

Nau eu lifang seni ewe Samol mi Lapalap, ir eu liwin mi öch.

Kölfel 16:1

Ai Kot, kopwe tümwünüei, pun üa anomu ai apilükülük womw pwe kopwe ti seniei feiengau.

Kölfel 18:2

Ewe Samol mi Lapalap ai achau, i imwei imwen maun, pwal i chon angasaei, ai Kot, ai achau ewe ia üa op ie. A epeti seniei feiengau usun eu tittin maun, a peniei o tümwünüei.

Kölfel 91:2

epwe kapas ngeni ewe Samol mi Lapalap, “En ai lenien op me imwei imwen maun, en ai Kot üa apilükülükuk.”

Aisea 12:2

Ellet, Kot ai Chon Amanau. Üa lükü, nge üsap niuokus. Kot ewe Samol mi Lapalap a ngeniei pöchökül me manaman. Ewer, i ai Chon Amanau.”

Aisea 53:10

Iwe, iei letipen ewe Samol mi Lapalap, pwe a kinas o cheuch. Are a fangala manauan pwe eu asor fän iten tipis, epwe wor mwirimwirin, epwe pwal alangatama ränin manauan. Iwe, letipen ewe Samol mi Lapalap epwe fisitä ren.

Mateus 27:43

A lükü Kot o püsin aita ngeni pwe i Nöün Kot. Iwe, sipwe pii are Kot a mochen amanaua i lon ei otun!”

Johannes 10:29

Semei a ngeniei ekei sip, o i a lap seni meinisin, iwe, esap wor eman a tongeni ettiir seni lepöün Semei.

1. Korint 4:15

Pun inamwo ika a wor engol ngeröü nöümi souemwen lon manauen ämi souläng, nge oua chök semeni eman. Pun lon Kraist Jesus üa wiliti eman sememi ren ai afalafala ewe Pworausen Manau ngenikemi.