Ipru 2:11 - Chuukese Bible

¹¹ Jesus a alimöchü aramas seni ar tipis, iwe, i me chokewe mi küna limöch ra semeni eman chök Sam. Iei popun Jesus esap säwäsini an aita ngeniir pwiin.

Ipru 2:11 Iomraidhean Croise

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Mateus 28:10

Jesus a üreniir, “Ousap niuokus! Oupwe feila o üreni pwii kewe pwe repwe feila Kalilea, ikenan repwe künaei.”

Markus 3:34

Iwe, Jesus a nenengeni ekewe aramas mi mot ünükün o apasa, “Nengeni, ikkei ir inei me pwii kana.

Markus 8:38

Are eman a säwäsiniei me ai kewe kapas me lein ei täppin aramas mi kirikiringau me tipis ngeni Kot, Nöün Aramas epwe pwal säwäsini lupwen epwe war me ekewe chon läng mi pin lon lingen Saman.”

Lukas 9:26

Are eman a säwäsiniei me ai kewe kapas, Nöün Aramas epwe pwal säwäsini lupwen epwe war lon an ling me än Saman ling me än ekewe chon läng mi pin ling.

Johannes 17:19

Iwe, üa püsin apiniei fänäsengesiir, pwe pwal ir repwe pin lon let.

Johannes 17:21

Semei, üa iotek pwe ir meinisin repwe eu chök. Usun chök en ka nonom loi, nge ngang üa nonom lomw, iei usun ir repwe nonom loch, pwe fanüfan epwe lükü pwe en ka tinieito.

Johannes 20:17

Jesus a üreni, “Kosap atapaei, pun üsamwo feitä ren Semei. Nge kopwe feila ren pwii kewe o üreniir, pwe üpwe feitä ren Semei pwal Semer, ren ai Kot pwal ar Kot.”

Föför 17:26

Seni eman aramas i a föri sokun aramas meinisin, pwe repwe nonom won unusen fanüfan. Mwen an föriir, a akota fansoun manauer o alenier lon en me lenian.

Föför 17:28

usun eman a fen apasa, ‘Sia manau me mwökütüküt me nonom lon i.’ A usun chök ekoch me lein nöümi chon makkei köl ra apasa, ‘Pwal kich sia nöün.’

Nöün Paulus Toropwe ngeni ekewe Souläng lon Rom 8:29

Iwe, chokewe Kot a fen filiiretä me lom a pwal aimwürela pwe repwe wewe ngeni Nöün we lon lapalapan, pwe i ewe epwe mwänichi lein pwiin kewe mi chomong.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

Ipru 10:10

Pokiten Jesus Kraist a föri mine Kot a mochen pwe epwe föri, kich meinisin sia küna limöch seni tipis pun a eäni asor püsin inisin fän eu chök, nge a naf ngeni fansoun meinisin.

Ipru 10:14

Pun ren eu chök asor a aunusöchüela chokewe meinisin mi küna limöch seni ar tipis tori feilfeilachök.

Ipru 11:16

Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Ipru 13:12

Iei popun Jesus a pwal mäla lükün ewe telinimw, pwe epwe apini ekewe aramas ren püsin chaan.

Ipru 2:14

Pokiten ekei nau, ir aramas seni fituk me cha, püsin Jesus a wiliti aramas usun ir o sokuni sokur. A föri ei, pwe ren an mäla epwe atala manamanen Tefil a eäni nemenem won mäla.

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.