Ipru 2:10 - Chuukese Bible

¹⁰ A fokun pwüng pwe Kot, ewe mi föri o tümwünü mettoch meinisin, a föri pwe Jesus epwe unusöch ren an riaföü fän iten an epwe emwenato chomong nöün, pwe repwe eti i lon an ling. Pun Jesus ewe mi emweniir ngeni ar repwe küna manau.

Ipru 2:10 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Än Salomon Fos 16:4

Mettoch meinisin ewe Samol mi Lapalap a föri a wor sopolan, nge sopolan ekewe aramasangau repwe feiengau.

Aisea 43:21

Ir ekewe aramas üa afisiir fän itei, pwe repwe pwärätä ai ling.

Aisea 55:4

Nengeni, üa awisa pwe epwe souemwen me samolun mwü kana, epwe pwärätä ngeni aramasen fanüfan ai manaman.

Osea 8:10

Nge iei ngang üpwe achufengeniir pwe üpwe apwüngüür. Iwe, repwe popuetä le chokükünüla pokiten ewe kingen Asiria a ariaföüür.

Mika 2:13

Kot epwe suki ewe al fän iten chon Israel o emwenirewu seni ar oola. Ir repwe pwerewu me lon asamalapen ewe telinimw o feila. Ar we king, ewe Samol mi Lapalap, epwe emweniir o akom mwer.

Numperis 7:15

eman nienifön ätemwänin kow, eman ätemwänin sip me eman ätemwänin lam eu ierin fän iten asoren kek.

Lukas 13:32

Jesus a pölüeniir, “Oupwe feila o üreni ena foks, ‘Ngang üa asüela anün rochopwak o apöchöküla aramas ikenai me lesor, nge lon ewe aülüngatin rän üpwe awesala ai we angang.’

Lukas 2:14

“Kot epwe ling lon läng, epwe wor kinamwe won fanüfan ngeni aramas, chokewe Kot a pwapwa rer.”

Lukas 24:26

Ifa usun, esap wisen Kraist pwe epwe küna ekei riaföü meinisin me mwen an epwe tolong lon an ling?”

Lukas 24:46

Iwe, a üreniir, “Iei usun a fen mak, pwe Kraist epwe fokun riaföü o manausefäl seni mäla lon aülüngatin rän.

Johannes 11:52

Nge sap fän iter chök, pwe pwal fän iten ekewe aramasen Kot mi toropasfeil ar repwe chufengen lon eu chök mwich.

Johannes 19:30

Lupwen Jesus a wes me ün ewe wain, a apasa, “A wesila!” Mürin a rotiu o mäla.

Föför 3:15

Ämi oua niela ätewe mi emweni aramas ngeni manau. Nge Kot a amanauasefäli seni mäla o äm aia chon pwärätä pwe a fis ei.

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Nöün Paulus Toropwe ngeni ekewe Souläng lon Rom 11:36

Pun Kot a föri mettoch meinisin, mettoch meinisin ra manau ren o nom fänäsengesin. Kot epwe ling tori feilfeilachök! Amen.

Nöün Paulus Toropwe ngeni ekewe Souläng lon Rom 9:23

A pwal mochen pwärala an ling mi lapalap, a torikich, kich chokewe a ümöümöch ngeni, o a amolakich pwe sipwe angei an we ling.

1. Korint 2:7

Ewe tipachem sia arongafeili, iei än Kot we tipachem mi monomon, a monola seni aramas, nge Kot a fen amolätä me mwen än fanüfan esamwo wor, pwe sipwe küna ling ren.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

2. Korint 3:18

Nge kich meinisin esap pwölüpwöl won mesach, sia nenengeni lingen ach Samol o lingela ren. A awilikich ngeni eu ling tori pwal eu ling, tori sipwe fokun wewe ngeni i lon ususun. Ei a pop seni ach Samol, i ewe Ngünmifel.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

2. Korint 5:18

Ekei mettoch meinisin ra pop seni Kot, i ewe mi achäfengenikich me i ren Kraist o ngenikich ewe angangen achächä.

2. Korint 6:18

Ngang üpwe sememi, Nge ämi oupwe nei mwän me nei fefin, iei alon ewe Samol mi Unusen Manaman.”

Kalatia 3:26

Lon Kraist Jesus ämi meinisin oua nöün Kot ren ämi lükü.

Efisos 2:7

A föri iei usun, pwe epwe pwärätä lon ekewe fansoun repwe feito an we ümöümöch mi fokun lapalap esap wor eman a tongeni awewei, a nom lon an we chen a pwäri ngenikich lon Kraist Jesus.

Efisos 3:10

pwe lon fansoun ikenai mwichefel epwe iei ewe leni ia ekewe sounemenem me manaman mi nom lon läng repwe silei usun mesemesekisin än Kot tipachem.

Kolose 3:4

Kraist i wesewesen ämi manau, nge lupwen i epwe pwä, mürin pwal ämi oupwe pwä fiti i lon lingan.

2. Timoty 2:10

Iei mine üa likitü lon ekei riaföü meinisin fänäsengesin nöün Kot kewe mi fil, pwe pwal ir repwe küna ewe manau a nom lon Kraist Jesus me ewe ling esemüch.

Ipru 12:2

Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 6:20

Fän itach Jesus a akomwolong mwach lon ewe leni o wiliti eman souasor mi lap tori feilfeilachök lon tettelin Melkisetek.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

Ipru 7:28

Lon pwüngün ekewe Allük, aramas resap unusöch ra kefilitä lon ewe wisen souasor mi lap. Nge än Kot pwon mi fis fän akapel a tapweto me mürin ekewe Allük, a filätä ewe Nau mi unusöch tori feilfeilachök.

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

1. Petrus 5:1

Ngang pwal eman souakom üa pesei ekewe souakom me leimi lon ämi kewe mwichefel. Ngang eman chon pwärätä usun än Kraist riaföü, üpwe pwal angei wisei lon ewe ling epwe pwä. Iwe, üpwe pesekemi

1. Petrus 5:10

Nge mürin ämi küna riaföü lon fansoun mochomoch, ewe Koten ümöümöch meinisin mi körikemi pwe oupwe eti lon an ling esemüch lon Kraist, i epwe püsin aunusöchükemiila, epwe anükücharakemi o apöchöküla letipemi, pwe oupwe nük lon ämi lükü Kraist.

Pwärätä 4:11

“Ach Samol me ach Kot, en ka fich ngeni om kopwe angei ling me iteüöch me manaman. Pun ka föri mettoch meinisin, nge ren letipom ra fis o manau.”

Pwärätä 7:9

Mürin ei, üa küna eu mwich mi fokun chocho, esap wor eman aramas a tongeni aleaniir. Ra feito seni sokopaten mwich, ainang, mwü me kapas meinisin. Iwe, ra ütä me mwen ewe lenien motun king me ewe Lam, ra üföüf üf mi pwechepwech o ra amwöchü paan nü lepöür.