Ipru 2:1 - Chuukese Bible

¹ Iei mine sipwe fokun kamwöchünük won ekewe kapas mi let sia fen rongorong, pwe sisap tokola seni.

Ipru 2:1 Iomraidhean Croise

1. Kronika 22:13

Are kopwe tümwünüöchü le apwönüetä ekewe allük me pwüüng ewe Samol mi Lapalap a allük ngeni Moses fän iten chon Israel, mürin kopwefefeitä. Kopwe pöchökül o tipepwora, kosap niuokus, kosap pwal apilükingau.

Kölfel 119:9

Epwe ifa usun än eman alüal tümwünü manauan pwe epwe limöch? Ei a chök tongeni fis ren an aleasochisi om kapas.

Än Salomon Fos 3:21

Nei, kopwe kamwöch won tipachem me mirit, nge kosap mwüt ngeniir repwe sü senuk.

Apakuk 1:6

Ngang üpwe äpwächa ekewe chon Papilon, ewe mwü mi rochongau o mwökütükai. Ra feila lemenen unusen fanüfan o liapeni lenien aramas sap lenier.

Apakuk 2:16

Iei kopwe pwölüla ren säw, nge sap ren ling. Kopwe püsin ün o taroporopfetal. Ewe Samol mi Lapalap epwe aünü ngonuk püsin om kapen feiengau, nge om ling epwe wiliti säw.

Mateus 16:9

Ifa usun, ousamwo wewela? Ousap chechemeni lupwen üa kinikisietiu ekewe limeföü pilawa fän iten ekewe limengeröü mwän? Fitu chüük oua amasoua ren ekewe lusun mongö?

Markus 8:18

A wor mesemi, pwota ousap küna och? A wor selingemi, pwota ousap rongorong? Ousap chechemeni

Lukas 8:15

Nge ekewe pwükil mi mworotiu lon pwül mi mürina ra wewe ngeni chokewe mi rongorong kapasen Kot o amwöchü lon eu leluk mi mürina o aleasochis, ra likitü tori ra ua.

Lukas 9:44

“Ousap manlükala met ei üpwe le ürenikemi. Nöün Aramas epwe tolong lepöün aramas.”

Johannes 8:59

Lupwen ekewe aramas ra rong ekei kapas, ra angei fau pwe repwe mone ngeni. Nge Jesus a opola o towu seni ewe imwenfel.

Tuteronomi 4:23

Oupwe püsin äfälikemi pwe ousap manlükala ewe pwon ewe Samol mi Lapalap ämi we Kot a föri ngenikemi. Ousap föri eu uluulun anümwäl lon lapalapen mettoch meinisin i a pinei senikemi.

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Ipru 12:5

Ifa usun, oua manlükala ekewe kapasen apöchökül Kot a ürenikemi pokiten ämi nöün kana? “Nei, kosap aücheangauei än ewe Samol kapasen fön, Kosap apilükingau lupwen a amirituk.

2. Petrus 1:15

Iei mine üpwe achocho ngeni ai üpwe alisikemi, pwe oupwe chechemeni ekei mettoch fansoun meinisin mürin ai mäla.

2. Petrus 3:1

Iwe, ämi chiechiei mi achengicheng, iei aruachön nei toropwe ngenikemi. Lon ekei ruochö toropwe üa sotuni ai üpwe amwökütü ekewe ekiek mi limöch lon letipemi ren ai achema ngenikemi ekei mettoch.