Ipru 13:9 - Chuukese Bible

⁹ Ousap mwüt ngeni sokopaten afalafal mi mwäl repwe atokakemi seni ewe al mi pwüng. A fokun mürina ngenikemi pwe letipemi epwe pöchökül ren än Kot ümöümöch, nge sap ren ämi aleasochisi ekewe allük usun mongö. Chokewe mi aleasochisi ekei allük resap angei ar feiöch seniir.

Ipru 13:9 Iomraidhean Croise

Kölfel 112:8

Lelukan a kinamwe, esap niuokus. Lesopolan epwe pwapwa le küna än chon oputan kuf.

Mateus 24:24

Pun kraist chofona me soufos chofona repwe war o föri asisil me manaman mi lapalap, pwe repwe mwo nge atupu ekewe chon fil are repwe tongeni.

Mateus 24:4

Jesus a pölüeniir, “Oupwe mamasa, pwe esap wor eman epwe atupukemi.

Lukas 5:38

Nge wain mi fö sipwe alölöülong lon pör mi fö.

Föför 20:30

Epwe war ewe fansoun, lupwen ekoch me lon ämi we mwich repwe eäni kapas chofona ar repwe atokala ekewe chon lükü Jesus pwe repwe etiir.

Föför 20:32

Nge iei üa anomukemi fän tümwünüen Kot me an kapasen ümöümöch. I a tongeni apöchökülakemiitä o ngenikemi ekewe feiöch a iseis fän iten nöün aramas meinisin.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

Nöün Paulus Toropwe ngeni ekewe Souläng lon Rom 14:2

Eman aramas a lükü pwe a tongeni mongö sokun mongö meinisin, nge eman aramas mi apwangapwang lon an lükülük a chök mongö mongön atake.

Nöün Paulus Toropwe ngeni ekewe Souläng lon Rom 14:6

Ätewe mi ekieki pwe a fokun aüchea ewe eu rän, a föri iei usun fän iten an epwe pwärala pwe a alinga ach Samol. Ätewe mi mongö ekewe mongö meinisin, a föri iei usun pwe epwe alingala ach Samol, pokiten a kilisou ngeni Kot fän iten ewe mongö. Nge ätewe esap mochen mongö ekoch sokun mongö, a föri iei usun pwe epwe alinga ach Samol o kilisou ngeni Kot.

1. Korint 6:13

Ekoch repwe apasa, “Mongö a wor fänäsengesin lukach, nge lukach a wor fänäsengesin mongö.” Ewer, nge lon eu rän Kot epwe atala ir me ruu. Sisap aea inisich fänäsengesin föförün lisowu mi ngau, nge sipwe aea fänäsengesin ach angang ngeni ach Samol, iwe, ach Samol epwe tümwünü inisich.

1. Korint 8:8

Iwe, mongö esap alisikich lon ach chiechi ngeni Kot. Sisap lus och are sisap mongö och, sisap pwal feiöch ren are sia mongö och.

2. Korint 1:21

Iwe, püsin Kot a anükücharakem me ämi lon Kraist. I a afilikich

Kalatia 6:1

Ämi pwii kana, are eman me leimi a tur lon tipis, chokewe me leimi mi eäni Ngünmifel repwe apwüngü fän tipepwetete. Nge oupwe püsin afälikemi pwe ousap pwal turulong lon sosot.

Efisos 4:14

Mürin sisap chüen sokuni sokun semirit, sisap chüen chüwölüwölfeil ren no kana o mamaanfeil ren enienin asepwälin än chon likatuputup afalafal, ir ätekewe mi emweningaua ekoch aramas ren ar tunochofona.

Efisos 5:6

Ousap tup ren än aramas kapasen atuputup, pun ren ekei sokun föför än Kot song epwe tori chokewe mi lükümach ngeni.

Kolose 2:4

Iei mine üa ürenikemi, pwe ousap tupula ren ekewe kapasen anini mi mwäl, inamwo ika ra usun chök kapas mi mürina.

2. Tesalonika 2:17

epwe echipa letipemi o apöchökülakemi, pwe oupwe föri o apasa mine a mürina fansoun meinisin.

2. Tesalonika 2:2

pwe ousap müttir rukola lon ämi ekiek, ika osukosuk ren ewe kapas pwe ewe Ränin ach Samol a fen war. Eli oua ekieki, pwe aia apasa ei lupwen aia osuni ika aia afalafal ika aia makkei ekei kapas lon toropwe.

1. Timoty 6:20

Iwe, en Timoty, kopwe tümwünü met Kot a lükü ngonuk. Kosap aüseling ngeni kapas mi ngau me ekewe kapasen anini mi lomotongau, ekoch aramas ra aita ngeni “silelap”, nge a mwäl rer.

1. Johannes 4:1

Ämi chiechiei kana mi achengicheng, ousap lükü chokewe meinisin mi apasa pwe ra eäni Ngünmifel, nge oupwe sotuniir o küttaöchü are ekewe ngün ra feito seni Kot. Pun chomong soufos chofona ra feilfetal won fanüfan.

Jutas 1:12

Ekei aramas ra usun chök och limengau lefilemi lupwen oua chiechifengen lon ämi kametip ren ar säwemang lon ar momongö o ükün. Ra chök püsin tümwünüür. Ra usun chök ekewe kuchu esor koluk lor, äsepwäl a ässirela. Ra usun irä esap wor uar lon fansoun kinikin, irä mi üttütä fiti warer, ra wesewesen mäla.

Jutas 1:3

Ämi chiechiei kana mi achengicheng, üa achocho ngeni ai üpwe mak ngenikemi usun ewe manau mi fö sia eänifengeni. Nge iei üa mefi pwe a aüchea ai üpwe müttir mak ngenikemi o apöchökülakemi, pwe oupwe maun fänäsengesin ewe lükülük Kot a ngeni ekewe chon pin. Iei ewe lükülük esap tongeni siwil.