Ipru 13:7 - Chuukese Bible

⁷ Oupwe chechemeni ämi souemwen me lom, chokewe mi afalafalakemi kapasen Kot. Oupwe ekieki usun nonomur, pwal usun ar mäla, pwe oupwe apirü ar lükülük.

Ipru 13:7 Iomraidhean Croise

Än Salomon Köl 1:8

Are kosap silei ewe leni, en mi liöch mwen ekewe fefin, kopwe tapwala mürin ipwen ekewe pwiin sip. Kopwe foleni noum nienifön kuuch ünükün imwen ekewe chon mas imw mangaku.

Mateus 24:45

“Iwe, iö chök ewe chon angang mi allükülük o tipachem? Ätewe an masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Lukas 12:42

Iwe, ewe Samol a pölüeni, “Iö chök ewe chon angang mi allükülük o tipachem? Ätewe nöün masta epwe seikätä pwe epwe nemeni nöün kewe chon angang o ngeniir wiser mongö lon fansoun fich.

Lukas 5:1

Lon eu rän, lupwen Jesus a ütä arun ewe nomun Kalilea, ekewe aramas ra mwicheto o etieti ngeni, pwe repwe rongorong än Kot kapas.

Lukas 8:11

“Iei wewen ewe pworausen awewe: Ewe pwükil ina ewe kapasen Kot.

Föför 13:46

Mürin Paulus me Parnapas ra pölüeniir fän pwora, “A pwüng ngenikem äm aipwe akomwen afalafala ngenikemi ewe kapasen Kot. Nge pokiten ousap etiwa, ousap pwal ekieki pwe oua fich ngeni ewe manau esemüch, aipwe likitikemi o feila ngeni ekewe chon lükün Israel.

Föför 14:23

Iwe, Paulus me Parnapas ra filätä souakom fän iten ekewe souläng lon eu me eu kewe mwichefel. Mürin ar iotek fan echikefel ra likitiir ngeni ach Samol, ewe ir ra anomu ar apilükülük won.

Föför 4:31

Iwe, lupwen ra wes le iotek ewe leni ia ra mwichfengen ie a mwökütüküt. Ir meinisin ra urela ren Ngünmifel o ra popuetä le asilefeili än Kot kapas fän pwora.

Nöün Paulus Toropwe ngeni ekewe Souläng lon Rom 10:17

Iei mine än eman lükülük a pop seni an rongorong ewe kapas, nge ewe kapas a pop seni än eman afalafala Kraist.

1. Korint 10:13

Ekewe sosot ra torikemi sosotun aramas chök. Nge Kot a apwönüetä an pwon o esap mwütätä ngenikemi pwe oupwe tolong lon sokun sosot mi lap seni ämi tufich. Nge lupwen oupwe tolong lon sosot, i epwe föri efoch alen towu, pwe oupwe tongeni pwora ngeni.

1. Korint 11:1

Oupwe apirüei usun ngang üa apirü Kraist.

1. Korint 4:16

Iei mine üa tüngormau ngenikemi pwe oupwe apirüei.

Filipi 3:17

Ämi pwii kana, oupwe chök sopwela le apirüei. Oupwe nenengeni chokewe mi föri sokun föför mi pwüng äm aia aiti ngenikemi.

1. Tesalonika 1:6

Ämi oua apirükem me ach Samol. Inamwo ika oua tolong lon watten riaföü, oua etiwa ewe Kapasen Kot fän pwapwa mi feito seni ewe Ngünmifel.

1. Tesalonika 2:13

Iwe, mi pwal wor eu popun pwota sia kilisoufochofoch ngeni Kot. Lupwen sia uwato remi ewe kapasen Kot, oua rongorong ngeni o etiwa. Ousap ekieki pwe kapasen aramas, nge oua etiwa pwe iei wesewesen kapasen Kot. Pun ewe kapas a angang lomi ämi mi lükülük.

2. Tesalonika 3:7

Ämi oua fokun silei pwe oupwe chök föri usun mine aia föri. Äm aisap chipwang le angang lupwen aia nonom remi,

2. Tesalonika 3:9

Aia föri ei, sap pokiten esap wor äm pwüüng äm aipwe angei äm alilis senikemi, nge aia föri ei pwe aipwe eu lenien apirü fän itemi.

1. Timoty 3:5

Pun are eman esap silei usun an epwe emwenöchü püsin chon an famili, ifa usun an epwe tongeni tümwünüöchü mwichefelin Kot?

Ipru 13:17

Oupwe aleasochisi nöümi kewe souemwen o föri mine ra allük ngenikemi. Ra mamasa ngünümi fansoun meinisin, pun ra wisen pwäri ngeni Kot usun mine ra föri lon ar angang. Are oua aleasochisiir, repwe föri ar angang fän pwapwa, nge are oua lükümach, repwe föri ar angang fän letipeta. Ren ei ousap feiöch ren.

Ipru 13:24

Äm kapong ngeni nöümi kewe souemwen meinisin, pwal ngeni nöün Kot kewe aramas meinisin. Pwiimi kewe souläng seni Itali ra pwal kapong ngenikemi.

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

1. Petrus 4:11

Are eman a afalafal, epwe fokun afalafala än Kot Kapas. Are eman a alisi aramas, epwe alilis lon ükükün an pöchökül Kot a ngeni lon ewe angang, pwe lon mettoch meinisin Kot epwe küna ling ren Jesus Kraist, ewe mi eäni ling me manaman tori feilfeilachök. Amen.

Pwärätä 1:9

Ngang Johannes, pwiimi we lon Jesus, üa chienenikemi lon ämi likitü fän mosonotam lon ewe riaföü mi tori chokewe ir chon mwün Kraist. Ra anomuei won ewe fanü Patmos pokiten üa arongafeili än Kot kapas me ewe let Jesus a pwärätä.

Pwärätä 20:4

Mürin üa küna ekoch lenien motun king, nge chokewe mi mot wor ra angei ewe pöchökül pwe repwe tongeni eäni kapwüng. Üa pwal küna ngünün chokewe mi ninnila pokiten ar arongafeili ewe let Jesus a pwärätä me än Kot kapas. Ir chokewe resap fel ngeni ewe manmwacho ika uluulun we, resap pwal angei asisilen ewe manmwacho won chamwer ika won pöür. Ra manausefäl o eti Jesus le nemenem lon ükükün engeröü ier.

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.