Ipru 13:23 - Chuukese Bible

²³ Üa mochen ämi oupwe silei pwe pwiich we Timoty a fen musowu seni imwen fötek. Are epwe müttir feito, i epwe etiei lupwen üpwe feila churikemi.

Ipru 13:23 Iomraidhean Croise

Nöün Paulus Toropwe ngeni ekewe Souläng lon Rom 15:25

Nge iei üpwe feila Jerusalem o uweela alilisin ekewe chon pin mi nom ikenan.

Nöün Paulus Toropwe ngeni ekewe Souläng lon Rom 15:28

Lupwen üpwe awesala ai angang o ngeniir unusen ewe moni aramas ra fesini fän iter, üpwe churikemi lon ai sai ngeni Spain.

Kolose 1:1

Ngang Paulus eman nöün Kraist Jesus soukünö ren letipen Kot, pwal pwiich ei Timoty,

1. Tesalonika 3:2

nge aipwe tinala Timoty, pwiim we mi etikem le angang ngeni Kot lon äm afalafala ewe Pworausen Manau usun Kraist. Äm aia tinala pwe epwe apöchöküla letipemi o alisikemi lon ämi lükülük,

1. Timoty 6:12

Kopwe eäni ewe maunen lükülük mi fokun mürina, iwe, kopwe angei ewe manau esemüch, pun iei met Kot a köruk ngeni, lupwen ka pwora le pwärätä om lükülük mwen mesen chomong chon pwärätä.

2. Timoty 1:8

Iei mine kosap säwäsini om kopwe pwärätä ach Samol, kosap pwal säwäsiniei, ngang eman chon fötek fän iten Kraist. Nge kopwe etiei le riaföü fän iten ewe Pworausen Manau ren än Kot manaman.

Filimon 1:1

Ngang Paulus eman chon fötek fän iten Kraist Jesus, pwal pwiich ei Timoty, aia kapong ngonuk en achengicheng Filimon, en chienach we chon angangen Kraist.

Filimon 1:22

Iwe, pwal och: Kose mochen kopwe amolätä eu ruum fän itei, pun üa apilüköch pwe Kot epwe apwönüetä mine oua tüngor lon ämi iotek pwe üpwe liwinsefälila remi.

Pwärätä 7:14

Üa pölüeni, “Ai samol, üsap silei, en mi silei.” Iwe, a üreniei, “Ekei aramas, ir chokewe mi towu seni ewe riaföü mi lapalap. Ra limeti üfer o apwecher lon chaan ewe Lam.