Ipru 13:2 - Chuukese Bible

² Oupwe chechemeni ämi oupwe etiwa chon ekis lon imwemi. Pun mi wor ekoch aramas mi föri iei usun, ra etiwa chon läng, nge resap silei.

Ipru 13:2 Iomraidhean Croise

Keneses 18:1

Iwe, ewe Samol mi Lapalap a pwä ngeni Apraham lein ekewe irä ook än Mamre, lupwen a mot leasamalapen imwan imw mangaku leolokenin ewe rän.

Keneses 19:1

Iwe, lupwen ekewe ruoman chon läng ra tori Sotom lekuniol, Lot a mot lon asamalapen tittin Sotom. Nge lupwen Lot a küneer, a ütä o feila rer. Iwe, a chapetiu lepwül

2. King 4:8

Iwe, lon eu rän Elisa a feila Shunem, ia eman fefin mi pisekisek a nom ie. Neminewe a pesei Elisa pwe epwe momongö ren. Iei mine iteiten fansoun, lupwen Elisa a feito Shunem, a feila ngeni imwen neminewe o mongö ren.

Hiop 31:19

Lupwen üa küna eman mi mwelele esap wor üfan, ika eman mi wöüngau esap wor pwölüpwölün,

Hiop 31:32

Ekewe chon saifetal resap nomofetal won al lepwin, pun üa etiweer lon imwei.

Aisea 58:7

Kopwe ineti ngeni chon echik anom mongö, nge chon mwelele kopwe panalong lon imwom. Are kopwe küna eman mi selela, kopwe aüföüfa, nge kosap kul seni püsin aramasom.

Lifitikos 19:34

Ewe chon ekis mi nom remi epwe usun chök eman re wilipos leimi. Kopwe echeni i usun püsin om echenuk, pun ämi oua fen piin wasöla lon ewe fanü Isip. Ngang ewe Samol mi Lapalap ämi we Kot.

Mateus 25:35

Pun ngang üa echik, nge ämi oua amongöüei, üa kaka, nge ämi oua aünüei, üa wasöla, nge ämi oua etiwaei lon imwemi.

Mateus 25:40

Iwe, ewe king epwe pölüeni, ‘Enlet, üpwe ürenikemi: Mine oua föri ngeni eman lein ekewe pwii mi fokun kisikis, iei oua föri ngeniei.’

Mateus 25:43

Üa wasöla, nge ämi ousap etiwaei lon imwemi, üa selela, nge ämi ousap aüföüfaei, üa apwangapwang o nom lon fötek, nge ämi ousap tümwünüei.’

Föför 16:15

Mürin än neminei me chon leimwan papatais a tüngor ngenikem, “Oupwe feito o nonom lon imwei are oua ekieki pwe ngang eman chon enletin lükü ach Samol.” Iwe, a pesekem pwe aipwe feila lon imwan.

Nöün Paulus Toropwe ngeni ekewe Souläng lon Rom 12:13

Oupwe alisi pwimi kewe souläng mi osupwang, oupwe etiwaöchü ekewe wasöla.

Nöün Paulus Toropwe ngeni ekewe Souläng lon Rom 16:23

Kaius, ätewe üa nonom ren, pwal chon ewe mwichefel a mwichfengen lon imwan ra kapong ngenikemi. Erastus, ewe chon tümwünü moni fän iten ewe telinimw, me pwiich Kwartus ra kapong ngenikemi.

1. Timoty 3:2

Iwe, eman soumas epwe fokun unusöch lon manauan. Epwe pwülüeni eman chök fefin, epwe tipefesir, epwe tufichin nemeni püsin inisin, epwe mirit, epwe etiwaöchü wasöla, epwe pwal lipwäköch le asukul.

1. Timoty 5:10

a pwal sil me ren aramas ren an föför mürina, a foleniöchü nöün kana, a etiwaöchü wasöla lon imwan, a talü pechen ekewe chon pin, a alisi aramas mi nom lon osupwang o fokun achocho le föri föför mürina fansoun meinisin.

Titus 1:8

Epwe etiwöchü wasöla, epwe pwapwaiti le föri mine a mürina, epwe tufichin nemeni püsin inisin, epwe föri mine a pwüng, epwe apini manauan o eäni mirit lon manauan.

1. Petrus 4:9

Oupwe etiwafengenikemi lefilemi, nge ousap lal ren.

3. Johannes 1:5

En chiechiei mi achengicheng, ka allükülük lon ewe angang ka föri fän iten pwiich kewe souläng, inamwo ika ir chon ekis.