Ipru 13:18 - Chuukese Bible

¹⁸ Oupwe sopwela le iotek fän item. Sia silei, pwe mwelien letipem a limelimöch, pun sia fokun mochen föri mine a pwüng fansoun meinisin.

Ipru 13:18 Iomraidhean Croise

Föför 23:1

Iwe, Paulus a newenewen ngeni ewe mwichen soupwüng o apasa, “Ämi pwii kana re Israel! Üa manaueni manauei mwen mesen Kot, nge esap wor och mengiringirin letipei tori ikenai.”

Föför 24:16

Iei mine üa achocho ngeni fansoun meinisin, pwe esap wor mengiringirin letipei me mwen Kot me aramas.

Nöün Paulus Toropwe ngeni ekewe Souläng lon Rom 12:17

Are eman a föri mi ngau ngenikemi, ousap liwini ngeni lon föför mi ngau. Oupwe achocho le föri mine a öch ngeni aramas meinisin.

Nöün Paulus Toropwe ngeni ekewe Souläng lon Rom 13:13

Ousipwe föri föförün pwüng usun aramas mi nom lon saram. Sisap mongömong ika ünüpuch, sisap lisowu ika föföringau, sisap anini ika lolowo.

Nöün Paulus Toropwe ngeni ekewe Souläng lon Rom 15:30

Ämi pwii kana, üa pese ngenikemi fän iten ach Samol Jesus Kraist pwal fän iten ewe tong ewe Ngünmifel a fangeto, pwe oupwe etiei lon ämi tiliken le iotek ngeni Kot fänäsengesi.

2. Korint 1:12

Iwe, iei met aia aingaing won, pwe mwelien letipem a pwäri ngenikem pwe manauem won ei fanüfan, pwal fokun äm chiechifengen me ämi a fis fän let me wenechar mi feito seni Kot. Äm aia föri iei usun, sap fän tipachemen fanüfan, nge fän än Kot ümöümöch.

Filipi 4:8

Iwe, amüchülan ai kapas, ämi pwii kana, oupwe amwöchünükü lon ämi ekiek ekei mettoch mi mürina o amwarar: mettoch mi let me aüchea, mettoch mi pwüng me limöch, mettoch aramas ra efich me meniniti.

Kolose 4:3

Oupwe pwal iotek fän item pwe Kot epwe suki eu asam ngenikem, pwe aipwe tongeni afalafala an kapas usun ewe monomonen Kraist. Pun iei popun pwe üa nom lon imwen fötek.

1. Tesalonika 4:12

Are oua föri ei, chokewe resap lükü Jesus repwe meninitikemi, ousap pwal tüngor än eman epwe fang ngenikemi met oua osupwang ren.

1. Tesalonika 5:25

Ämi pwiim kana, oupwe iotek fänäsengesim.

2. Tesalonika 3:1

Iwe, ämi pwiim kana, oupwe iotek fän item, pwe än ewe Samol kapas epwe müttir chöfetal o aramas repwe etiwa fän ar suföl, usun chök a fen fisitä lefilemi.

1. Timoty 1:5

Popun ai ei allük pwe epwe afisätä ewe chen mi pop seni eu leluk mi limöch me eu mwelien letip mi mürina, pwal eu lükülük mi let.

1. Petrus 2:12

Oupwe eäni föföröch lein ekewe chon lükün lamalam, pwe lupwen repwe atipisikemi pwe oua föri föför mi ngau, repwe küna ämi föför mürina o mwareiti Kot lon ewe Rän epwe wareto lon.

1. Petrus 3:16

nge oupwe kapas ngeniir fän pwetete me menin. Oupwe tümwünü pwe esap wor mengiringirin letipemi, pwe chokewe mi kapas ingau usun ämi föför mürina pokiten oua tapwela mürin Kraist, repwe säw ren ar kapasen esitakemi.

1. Petrus 3:21

Ei koluk eu liosun papatais mi amanauakemi iei. Esap limetala pwülün inis, nge eu pwon ngeni Kot oua eäni seni eu mwelien letipemi mi limöch. Iwe, a amanauakemi ren än Jesus Kraist manausefäl,