Ipru 13:16 - Chuukese Bible

¹⁶ Ousap manlükala ämi oupwe föri föför mi öch o alilisfengen lefilemi, pun ena sokun asor Kot a pwapwa ren.

Ipru 13:16 Iomraidhean Croise

Kölfel 37:3

Kopwe apilükülükü ewe Samol mi Lapalap o föri mine a mürina, pwe kopwe nonom lon ewe fanü fän kinamwe.

Kölfel 51:19

Mürin kopwe pwapwa ren ekewe asor mi fis fän pwüng, pwal ren äm kewe asoren kek. Mürin, ekewe ätemwänin kow repwe kekila won om rongen asor.

Lukas 18:22

Lupwen Jesus a rong ekei kapas, a üreni, “Mi chüen wor eu mettoch ka mang ngeni. Kopwe amömöla meinisin mine ka eäni, nge ewe moni kopwe fangala ngeni ekewe chon wöüngau, pwe epwe wor woumw lon läng. Mürin kopwe feito o tapweto müri.”

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 9:36

A wor eman fefin itan Tapita lon Joppa, a lükü Jesus. (Itan lon kapasen Krik Torkas, wewen: eman chia.) Neminei a fang an fansoun meinisin le föri föför mürina o alisi chon wöüngau.

Nöün Paulus Toropwe ngeni ekewe Souläng lon Rom 12:13

Oupwe alisi pwimi kewe souläng mi osupwang, oupwe etiwaöchü ekewe wasöla.

Kalatia 6:10

Iei mine lupwen mi wor ach fansoun fich, sipwe eäni kirikiröch ngeni aramas meinisin, nge akaeuin ngeni chokewe mi nom lon ewe familien chon lükülük.

Kalatia 6:6

Eman mi kaiö Kapasen Kot epwe aeafengen me nöün we sense ekewe mettoch meinisin mi mürina a eäni.

Efisos 4:28

Eman mi sosolä me lom epwe ükütiu le solä, nge epwe achocho le angang pwe epwe wor met epwe lomot ngeni püsin i, epwe pwal tongeni alisi ekewe mi wöüngau.

Filipi 4:14

Nge a fokun öch pwe oua alisiei lon ai osupwang.

Filipi 4:18

Iei toropwen ekewe mettoch meinisin oua ngeniei, ewer, a fen somwosomwola. Iei a wor rei mettoch meinisin, pun üa angei seni Epafrotitus ekewe lifang oua tinato rei. Ekei lifang ra usun chök eu asor ngeni Kot mi poöch, eu lifang Kot a etiwa o pwapwa ren.

1. Tesalonika 5:15

Oupwe pii pwe esap wor eman epwe liwiningauei föföringauen eman ngeni, nge fansoun meinisin oupwe achocho le föri mine a mürina lefilemi, pwal ngeni aramas meinisin.

2. Tesalonika 3:13

Nge ämi pwiim kana, ousap fokun chipwangela lon ämi föföröch.

1. Timoty 6:18

Kopwe allük ngeniir, pwe repwe föri mine a mürina, pwe repwe pisekisek lon ar föför mürina, repwe kichiöch o mochen alisi aramas.

Filimon 1:6

Üa iotek pwe ach chiechifengen me en lon ach lükü Jesus epwe atoto watten ach weweöchiti ekewe sokopaten feiöch sia eäni lon Kraist.

Ipru 6:10

Kot esap eäni föför esepwüng, esap manlükala ewe angang oua föri me ewe chen oua pwäri ngeni i lupwen oua alisi chiechiemi kewe souläng, nge oua pwal sopwela le alisiir.

3. Johannes 1:11

En chienei mi achengicheng, kosap apirü mine a ngau, nge kopwe apirü mine a öch. Eman mi föri mine a öch i nöün Kot, nge eman mi föri mine a ngau esap silei Kot.