Ipru 13:11 - Chuukese Bible

¹¹ Ewe Souasor mi Lap a uwato chaan ekewe mönün asor lon ewe Leni mi Unusen Pin, pwe epwe eäni asor fän iten amusamusen tipis, nge inisin ekewe man ra kek lükün ewe leni ia ekewe aramas ra nom ie.

Ipru 13:11 Iomraidhean Croise

Ekistos 29:14

nge fituken ewe ätemwänin kow me silin pwal taran kopwe kenirela lükün ewe ia chon Israel ra nonom ie, pun iei eu asoren tipis fän iten ekewe souasor.

Isikiel 43:21

Mürin kopwe angei ewe ätemwänin kow fän iten asoren amusamusen tipis o kenala lon ewe leni mi fil fän iten ei angang, a nom lükün ewe Imwenfel.

Lifitikos 16:27

Iwe, repwe uwala lükün ewe ia ra nonom ie ekewe mönün asoren tipis, iei ewe ätemwänin kow me ewe kuuch, mine char ewe Aaron a fen uwala lon ewe leni mi unusen pin pwe asoren amusamusen tipis. Iwe, silir me fituker pwal tarer repwe kek.

Lifitikos 6:11

Mürin epwe siwili üfan kewe o uwawu ewe falang lon eu leni mi limöch lükün ewe ia ra nonom ie.

Lifitikos 6:30

Nge resap tongeni mongö seni ewe sokun asoren tipis ra uwala chan lon ewe imwenfel seni mangaku, pwe repwe föri asoren amusamusen tipis lon ewe leni mi pin. Ei asor epwe kekila.

Lifitikos 9:11

Nge fituken ewe mönün asor me silin a kenirela lükün ewe ia aramas ra nonom ie.

Lifitikos 9:9

Nge nöün Aaron kewe mwän ra uwato chan ewe mönün asor ren. Iwe, Aaron a otukalong aütün lon ewe cha o tofi ngeni mächän ewe rongen asor, nge lusun a ninätiu lepopun ewe rongen asor.

Numperis 19:3

Iwe, oupwe ngeni ewe souasor Eleasar ewe kow. Nge ewe kow epwe nukunukula lükün ewe ia oua imweimw ie o ninnila me fän mesan.

Numperis 19:7

Mürin, ewe souasor epwe sopuni üfan o tütü. Iwe, mürin epwe tolong lon ewe ia oua nonom ie, nge epwe nom lon tettelin chon limengau tori lekuniol.