Ipru 13:1 - Chuukese Bible

¹ Oupwe sopwela le tongfengen lefilemi, pun ämi pwipwi lon Kraist.

Ipru 13:1 Iomraidhean Croise

Kölfel 133:1

Nengeni usun mürinan me apwapwan, lupwen pwipwi ra nonomfengen fän tipeeu.

Johannes 15:17

Iei ai allük ngenikemi: Oupwe echenifengenikemi lefilemi!

Föför 2:1

Iwe, lupwen a tori ewe ränin Pentikost, ekewe chon lükü Jesus meinisin ra chufengen lon eu leni.

Föför 4:32

Iwe, ewe mwichen chon lükü Jesus ra ekiekeu me tipeeu. Esap fokun wor eman leir epwe apasa, pwe mine a wor ren epwe an chök, nge ra alilisfengen lefiler won meinisin mine ra eäni.

Kalatia 5:13

Nge ämi pwii kana, Kot a körikemi pwe oupwe ngas. Nge pokiten oua ngas, ousap ekieki pwe oua tongeni mwüt ngeni mochenian fitukemi epwe chüen nemenikemi, nge oupwe angangfengen lefilemi fän tong.

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Efisos 4:3

Oupwe fokun achocho le tümwünü ämi tipeeufengen lon ewe Ngünmifel ren ewe kinamwe mi rifengenikemi.

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.

2. Tesalonika 1:3

Ämi pwiim kana, äm aia fokun kilisou ngeni Kot fänäsengesimi fansoun meinisin. A pwüng ngenikem pwe aipwe föri ei, pokiten ämi lükülük a fokun fefeitä o ämi chen lefilemi a fokun lapalapala.

Ipru 10:24

Ousipwe ekiekifengeni usun ach sipwe tongeni alollolätai chienach ren ach eäni chen me föför mürina.

1. Petrus 1:22

Iwe, pokiten oua alimöchükemi ren ämi aleasochisi mine a let o oua eäni tong enlet ngeni pwiimi kewe souläng, oupwe wesewesen echenifengenikemi ren unusen lelukemi.

1. Petrus 2:17

Oupwe meniniti aramas meinisin, oupwe echeni chienemi kewe souläng, oupwe niuokusiti Kot o suföliti ewe king.

1. Petrus 3:8

Iwe, iei sopolan mine üa mochen ürenikemi: Oupwe eänifengeni eu chök tip me eu chök memef. Oupwe echenifengenikemi lefilemi usun chök pwipwi, oupwe eäni kirikiröch o tipetekisonfengen lefilemi.

1. Petrus 4:8

Nge mwen mettoch meinisin oupwe tupwöl le echenifengenikemi lefilemi, pun chen a pwölüela chomong tipis.

2. Petrus 1:7

ämi tongei pwimi souläng ngeni tipeppos, chen ngeni ämi tongei pwimi souläng.

1. Johannes 3:23

Iei an allük: Sipwe lükü Nöün we Jesus Kraist, sipwe pwal echenifengenikich lefilach, usun Kraist a fen allük ngenikich.

1. Johannes 4:20

Are eman a apasa, “Üa echeni Kot,” nge a oput pwiin, i eman chon chofona. Pun epwe ifa usun an epwe echeni Kot, ewe esap küna, nge ese fen echeni pwiin we mi küna?

Pwärätä 2:4

Nge iei met üpwe pölüenuk won: Iei kosap chüen echeniei, usun om echeniei me lepoputän.