Ipru 12:7 - Chuukese Bible

⁷ Oupwe likitü fän ewe riaföü a torikemi usun än sememi apwüngükemi. Kot a föri ngenikemi usun mine a föri ngeni nöün kana. Ifa usun, mi wor eman nau saman esap apwüngü?

Ipru 12:7 Iomraidhean Croise

2. Samuel 7:14

Iwe, ngang üpwe saman, nge i epwe nei. Lupwen epwe föföringau, üpwe emiriti ren wokun aramas, üpwe pwal wichi usun eman sam a wichi nöün.

1. King 1:6

Nge Tafit saman we esap fokun apwüngü fän eu ren an epwe aisini pwota a föri ei sokun lapalap. Atonia a pwal eman mwän mi fokun äteöch, a uputiu mürin Apsalom.

Än Salomon Fos 13:24

Eman esap apwüngü nöün a oput nöün, nge eman mi tongei nöün a achocho le emiriti.

Än Salomon Fos 19:18

Kopwe apwüngü noum ät, lupwen a chüen kükün, pwe a mecheres an epwe kaiö mirit, nge kopwe tümwünüfichi pwe kosap wichi tori an epwe mäla.

Än Salomon Fos 22:15

Semirit ra chök föri föförün chon tiparoch, nge lupwen ra angei wichiwich, repwe kaiö mine a öch.

Än Salomon Fos 29:15

Efoch wok me kapasen fön ra atoto tipachem, nge eman semirit, esap wor eman a apwüngü, epwe atoto säw won inan.

Än Salomon Fos 29:17

Kopwe apwüngü noum, pwe i epwe akinamweek, epwe pwal apwapwai lelukom.

Föför 14:22

Ra apöchöküla ekewe chon lükü o anüküchareer pwe repwe tupwöl lon ar lükülük. Ra pwal üreniir, “Sipwe tolong lon Mwün Kot ren riaföü mi chomong.”

1. Korint 11:32

Nge lupwen sia küna apwüng me ren ach Samol, i a amiritikich, pwe sisap eti fanüfan le küna liwiningauen tipis.

Tuteronomi 8:5

Iei mine oupwe mefi lon lelukemi pwe ewe Samol mi Lapalap ämi we Kot a emiritikemi, usun eman mwän a emiriti nöün.

1. Samuel 2:29

Pwota chök oua turunufasei ai kewe mönün asor me ai kewe asor üa allük ngenikemi? Ka asamolu noum kewe mwän lap seniei ren om mwütätä pwe repwe ekitinupuur ren ekewe kinikinin asor mi fokun mürina seni än nei kewe aramasen Israel asor meinisin ra eäni ngeniei.’

1. Samuel 2:34

Iwe, mine epwe fis ngeni noum kewe ruoman mwän Hofni me Pineas epwe eu asisil ngonuk: Ir me ruoman repwe mäla lon eu chök rän.

1. Samuel 3:13

Pun üa fen üreni pwe iei üpwe apwüngü chon leimwan tori feilfeilachök, pokiten a silei ewe föföringau nöün kewe mwän ra turunufaseei ren, nge esap apwüngüür.