Ipru 12:6 - Chuukese Bible

⁶ Pun ewe Samol a fönöü iö a echeni, a fokun apwüngü meinisin i a etiweer pwe nöün.”

Ipru 12:6 Iomraidhean Croise

2. Samuel 7:14

Iwe, ngang üpwe saman, nge i epwe nei. Lupwen epwe föföringau, üpwe emiriti ren wokun aramas, üpwe pwal wichi usun eman sam a wichi nöün.

Kölfel 119:71

A mürina ngeniei pwe üa riaföü, pun ren ei üa tongeni kaiö om kewe allük.

Kölfel 119:75

Ai Samol mi Lapalap, üa silei pwe om kewe apwüng ra pwüng, fän om allükülük ka ariaföüüei.

Kölfel 94:12

Ai Samol mi Lapalap, a feiöch ewe mwän en ka amiriti, ätewe ka aiti ngeni om allük.

Än Salomon Fos 13:24

Eman esap apwüngü nöün a oput nöün, nge eman mi tongei nöün a achocho le emiriti.

Än Salomon Fos 3:11

Nei, kosap oput än ewe Samol mi Lapalap emirit, kosap pwal chipwang ngeni an kapasen fön,

Än Salomon Fos 3:12

pun ewe Samol mi Lapalap a emiriti ätewe a echeni, usun eman sam a emiriti nöün we a pwapwaiti.

Aisea 27:9

Nge än chon Israel tipis epwe chök musala, are ra atai ekewe rongen uluulun anümwäl, pwe föür repwe wiliti pwül moromor, are ra pwal ataela ekewe uluulun ewe anüfefin Astarot, pwal ekewe rongen asoren ötüöt, pwe resap chüen nom.

Jeremaia 10:24

Ai Samol mi Lapalap, kopwe apwüngüei fän aüküköch, nge kosap apwüngüei fän om song, pwe ete much manauei.

Kölün kechü 3:39

Pwota eman aramas epwe lal, lupwen a küna apwüng fän iten an tipis?

Tuteronomi 8:5

Iei mine oupwe mefi lon lelukemi pwe ewe Samol mi Lapalap ämi we Kot a emiritikemi, usun eman mwän a emiriti nöün.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

James 5:11

Sia apasa pwe ir chon feiöch pokiten ar likitü. Oua rongorong usun än Hiop likitü, oua pwal silei met ach Samol a amolätä fän itan lesopolan. Pun ach Samol a uren kirikiröch me tong.

Pwärätä 3:19

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.

Rut 1:3

Elimelek pwülüen Naomi a mäla. Nge Naomi chök me nöün kewe ruoman alüal ra nonom.