Ipru 12:5 - Chuukese Bible

⁵ Ifa usun, oua manlükala ekewe kapasen apöchökül Kot a ürenikemi pokiten ämi nöün kana? “Nei, kosap aücheangauei än ewe Samol kapasen fön, Kosap apilükingau lupwen a amirituk.

Ipru 12:5 Iomraidhean Croise

Hiop 34:31

A mürina än eman aramas epwe pwäri ngeni Kot, ‘Üa tipis, üsap chüen föri och mi mwäl.

Kölfel 118:18

Ewe Samol mi Lapalap a fokun apwüngüei, nge esap atolongaei lon mäla.

Kölfel 119:109

Üa fangala manauei pwe üpwe tolong lon feiengauen mäla fansoun meinisin, nge üsap manlükala om kewe allük.

Kölfel 119:16

Üpwe pwapwaäsini om kewe allük, nge üsap manlükala om kewe kapas.

Kölfel 119:67

Mwen om atolongaei lon riaföü üa mwälechfeil, nge iei üa aleasochisi om kapas.

Kölfel 119:75

Ai Samol mi Lapalap, üa silei pwe om kewe apwüng ra pwüng, fän om allükülük ka ariaföüüei.

Kölfel 119:83

Inamwo ika üa lomotongau usun chök eu rumen wain seni silin man mi nürüfengen ren ötüöt, nge üsap manlükala om kewe allük.

Kölfel 94:12

Ai Samol mi Lapalap, a feiöch ewe mwän en ka amiriti, ätewe ka aiti ngeni om allük.

Än Salomon Fos 3:1

Nei, kosap manlükala mine üa aiti ngonuk, nge kopwe iseis lon lelukom ai kewe allük.

Än Salomon Fos 4:5

Kopwe kütta tipachem me silelap. Kosap manlükala ai kewe kapas, kosap pwal tok seniir.

Jeremaia 31:18

Üa rongorong mine Israel a eäni ngüngü, ‘En ka amiritiei, nge ngang üa küna amirit usun eman nienifön kow esamwo mirit. Kopwe aliwiniei pwe ngang üpwe liwin, pun en ewe Samol mi Lapalap ai we Kot.

Kölün kechü 3:39

Pwota eman aramas epwe lal, lupwen a küna apwüng fän iten an tipis?

Lukas 24:6

Esap nom ikei, pwe a manausefälitä. Oupwe chechemeni met a ürenikemi, lupwen a chüen nom lon Kalilea:

Lukas 24:8

Mürin ra chechemeni än Jesus kewe kapas.

1. Korint 11:32

Nge lupwen sia küna apwüng me ren ach Samol, i a amiritikich, pwe sisap eti fanüfan le küna liwiningauen tipis.

Kalatia 6:9

Iwe, sisap achanü le föföri mine a mürina. Pun are sisap achanü, epwe war ewe fansoun lupwen sipwe kini ewe räs.

1. Timoty 1:20

Ruoman me leir Himenäus me Aleksanter, ätekei üa likitiir ngeni Satan pwe epwe apwüngüür. Ren ei repwe kaiö pwe repwe ükütiu le turunufasei Kot.

Ipru 12:7

Oupwe likitü fän ewe riaföü a torikemi usun än sememi apwüngükemi. Kot a föri ngenikemi usun mine a föri ngeni nöün kana. Ifa usun, mi wor eman nau saman esap apwüngü?

Ipru 13:22

Ämi pwii kana, üa fokun tüngor ngenikemi, pwe oupwe rongorong ngeni ekei kapasen apöchökül fän tipeppos. Pun ei toropwe üa makkei ngenikemi esap langatam.

James 1:12

A feiöch eman aramas mi tipeppos lon sosot, pun are epwe mokos lon ewe sosot, epwe angei ewe mwärin manau Kot a pwon ngeni chokewe mi echeni i.

Pwärätä 3:19

Üa apwüngü o amiriti chokewe meinisin üa tongeer. Iei mine kopwe achocho o aier seni om tipis.