Ipru 12:23 - Chuukese Bible

²³ Oua feito ren ewe mwichen souläng mi usun chök nöün Kot kewe mwänichi, ra chufengen fän pwapwa, iter a mak lon läng. Oua feito ren Kot ewe soukapwüng fän iten aramas meinisin, pwal ren ngünün ekewe chon pwüng mi unusöch.

Ipru 12:23 Iomraidhean Croise

Keneses 18:25

Ese tufich om kopwe föri ina usun, pwe kopwe niela ekewe chon pwüng fiti chon pwüngingau, pwe chon pwüng repwe chök wewe ngeni chon pwüngingau. Ese tufich om kopwe föri ina usun. Ifa usun, ewe Souapwüngün unusen fanüfan esap eäni apwüng fän pwüng?”

Kölfel 111:1

Ousipwe mwareiti ewe Samol mi Lapalap. Üpwe kilisou ngeni ewe Samol mi Lapalap ren unusen lelukei lon ewe mwichen chon wenechar, pwal lein ewe mwichen aramas.

Kölfel 69:28

Kopwe amoela iter seni ewe puken manau, nge kosap makelong iter lein chon pwüng.

Kölfel 89:27

Üpwe filätä i pwe epwe nei mwänichi, epwe tekia me lein ekewe kingen fanüfan.

Kölfel 89:7

En ewe Kot ewe mwichen chon pin a niwelapeituk. Ka kon eniwokus lap seni meinisin mi nom ünükumw.

Kölfel 94:2

En soukapwüngün fanüfan, kopwe ütä o liwini ngeni ekewe chon lamalamtekia ükükün ar föför.

Kölfel 96:13

fän mesen ewe Samol mi Lapalap, pun i epwe feito, epwe feito pwe epwe apwüngü chon fanüfan. Epwe apwüngü fanüfan fän pwüng, pwal ekewe aramas fän let.

Kölfel 98:9

Repwe köl me fän mesen ewe Samol mi Lapalap, pun epwe feito o apwüngü chon fanüfan. Epwe apwüngü chon ekewe mwü fän pwüng me wenechar.

Ekistos 13:2

“Oupwe apini fän itei ekewe mwänichi meinisin. Iwe, meinisin mine a akomwen uputiu lein aramas me man lon Israel nei.”

Ekistos 32:32

Iwe, kose mochen kopwe amusala ar tipis. Nge ika kosap mochen, üa tüngor ngonuk, kopwe pwal talawu itei seni om puk ia ka makei iten noum kana ie.”

Ekistos 4:22

Mürin, en kopwe kapas ngeni Farao, ‘Iei alon ewe Samol mi Lapalap: Israel nei mwänichi.

Än Salomon Afalafal 12:7

Iwe, kopwe chechemeni Kot mwen inisum epwe liwiniti pwül, pun a pop seni pwül, pwal mwen ngünum epwe liwinla ren Kot, ewe a ngonuk.

Jeremaia 31:9

Repwe feito fän kechü, repwe iotek lupwen üpwe aliwinireto. Üpwe emwenirela ünükün chanpupu, repwe fetal won efoch al mi wenechar, ia resap chepetek me ie. Pun üa eman sam ngeni Israel, nge Efraim nei mwänichi.”

Lukas 10:20

Nge ousap pwapwa pwe ekewe ngününgau ra aleasochisikemi, nge oupwe pwapwa pwe itemi a mak lon läng.”

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Föför 20:28

Iei mine oupwe mamasakemi me unusen chon ewe mwichefel ewe Ngünmifel a atolongeer fän ämi tümwün. Oupwe chon masen ewe mwichefelin Kot, i a möni ren chaan püsin Nöün we.

1. Korint 13:12

Pun mine sia küna iei a usun chök ngününgünün mettoch mi toputop lon kilas, nge mürin sipwe tongeni wesewesen küna fatöchün ren mesach. Met ngang üa silei iei esap unus, nge mürin üpwe silei unusan, usun chök Kot a wesewesen sileei.

1. Korint 15:49

Usun sia sokuni sokun ewe aramas mi för seni pwül, ina usun sipwe pwal sokuni sokun ewe Aramas seni läng.

1. Korint 15:54

Iwe, lupwen met mi morola epwe siwil ngeni met esap tongeni morola, o met mi mämmä epwe siwil ngeni met esap tongeni mämmä, mürin epwe pwönüetä mine a mak lon ekewe Toropwe mi Pin, “Manau a akufu mäla pwe esap chüen wor!”

2. Korint 5:8

Sia fokun apilükülüköch o sia fokun mochen ach sipwe towu seni inisich o feila pwe sipwe nom ren ach Samol.

Efisos 1:22

Kot a anomu mettoch meinisin fän nemenien Kraist. A awisa i pwe epwe möküren mwichefel o nemeni mettoch meinisin.

Tuteronomi 21:17

Iwe, epwe föri pwüngün inetin mwänichi ngeni ewe mwänichi nöün neminewe esap sani ren an epwe ngeni ruu inetin seni meinisin mine a eäni. Pokiten i aemanün nöün lon an pöchökül, iei mine ewe wisen mwänichi an.”

Filipi 4:3

Iwe, pwal en chienei chon angang mi allükülük, üa tüngor ngonuk pwe kopwe alisi ekei fefin, pun ra fokun angang weires o etiei le arongafeili ewe Pworausen Manau, irfengen me Klement me pwal ekewe ekoch mi etiei lon ewe angang, ir chokewe meinisin mi mak iter lon än Kot we puken iten chon manau.

Kolose 1:12

Oupwe pwapwa lon ämi kilisou ngeni Samach Kot, i ewe mi atufichikemi pwe oupwe eäni ekewe feiöch Kot a iseis fän iten ekewe chon pin lon ewe mwün saram.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

1. Timoty 3:5

Pun are eman esap silei usun an epwe emwenöchü püsin chon an famili, ifa usun an epwe tongeni tümwünüöchü mwichefelin Kot?

Ipru 11:4

Ren än Epel lükü, a eäni ngeni Kot eu asor mi mürina seni än Kain asor. Ren an lükü Kot a alletätä pwe i eman chon pwüng, pun Kot a tipeeu ngeni an lifang kana. Ren än Epel lükülük a chüen afalafal ikenai, inamwo ika a fen mäla.

Ipru 11:40

pun Kot a akota och mi fokun mürina fän itach, pwe repwe chök tongeni unusöchüla lupwen kich sipwe unusöchüla.

Ipru 2:12

Iwe, a apasa ngeni Kot, “Üpwe apworausa ngeni pwii kewe mine ka föri, üpwe mwareituk lein ewe mwichen aramas.”

Ipru 9:27

Aramas meinisin repwe mäla fän eu chök, nge mürin Kot epwe apwüngüür.

James 1:18

Ren püsin letipan a afisikich ren ewe kapas mi let, pwe sipwe nöün mwänichi lein förian kana meinisin.

1. Petrus 2:23

Lupwen ra kapasingau usun esap pwal pölüeni lon kapas mi ngau. Lupwen aramas ra ariaföüü esap pwal eniweer, nge a anomu an apilükülüköch won Kot ewe soukapwüng mi eäni pwüng lon kapwüng.

Pwärätä 13:8

Iwe, aramas meinisin mi nom won fanüfan repwe fel ngeni, chilon chök chokewe iter a mak lon ewe puken iten chon manau me mwen än Kot esamwo föri fanüfan, iei ewe puk än ewe Lam mi ninnila.

Pwärätä 14:4

Ir chokewe mi püsin tümwünüür pwe resap alimengauer ren ar tipis ngeni fefin, ra usun chök föpwül resamwo tori mwän. Ra tapwela mürin ewe Lam ekis meinisin ia a feila ie. Ra fen küna manau me lein ekewe aramasen fanüfan, pwe ir ekewe mweinöü fän iten Kot me ewe Lam.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.

Pwärätä 6:11

Mürin Kot a ngeni eman me eman leir echö üf mi pwechepwech o a üreniir, pwe repwe mwo asösö ekis chök fansoun mochomoch, tori epwe unus iteiten chiechier kewe chon angang me pwiir kewe repwe ninnila usun chök ir.

Pwärätä 6:9

Mürin ewe Lam a ülei ewe alimuen pwau. Iwe, üa küna fän ewe rongen asor ngünün chokewe mi ninnila pokiten ar arongafeili än Kot kapas o eäni allükülük lon ar pwärätä itan.