Ipru 12:21 - Chuukese Bible

²¹ Mine ekewe aramas ra küna a fokun eniweniw, pwe Moses a apasa, “Ngang üa chechech ren ai niuokus.”

Ipru 12:21 Iomraidhean Croise

Kölfel 119:120

Inisi a chechech ren ai niueituk. Üa niuokus ren om kewe kapwüng.

Ekistos 19:16

Nge lesosorun ewe aülüngatin rän a fis chopulap me fifi. A wor eu kuchuchol won ewe chuk, a pwal tik eu rappwa mi tikimong. Iwe, ekewe aramas mi nom lon ewe leni ra chechech ren ar niuokus.

Ekistos 19:19

Iwe, ewe rappwa a chök titikimongola. Mürin Moses a kapas, nge Kot a pälüeni ren chopulap.

Taniel 10:17

Ifa usun, ngang noum ei chon angang üpwe tongeni kapas ngonuk ai samol? Pun esap chüen wor pöchökülei, a pwal weires ai ngasangas.”

Taniel 10:8

Iwe, ngang chök üa nom o küna künaei we mi lapalap. Esap chüen wor pöchökülei, won mesei a fokun wopwechepwechela pwe esap wor eman a sileniei, üa pwal fokun apwangapwangala.

Tuteronomi 9:19

Pun üa niuokusiti än ewe Samol mi Lapalap song ngenikemi me an lingeringeritikemi, pwe a ekiekin arosakemiila. Nge ewe Samol mi Lapalap a aüselinga ai tüngor lon pwal ei fansoun.

Ipru 10:27

Nge sipwe chök witiwit fän niuokus ren ewe Ränin Kapwüng me afeiengauen ewe ekkei epwe arosala chokewe mi ü ngeni Kot.

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.