Ipru 12:2 - Chuukese Bible

² Ousipwe chök nenengeni Jesus ewe chon popuetä me chon awesala ach lükülük. Esap fangatä pokiten ewe iräpenges, nge fänäsengesin ewe pwapwa mi nom mwan esap ekieki itengauen an mäla won ewe iräpenges. Iwe, iei a mottiu lepelifichin Kot.

Ipru 12:2 Iomraidhean Croise

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 138:8

Ai Samol mi Lapalap, kopwe apwönüetä ekiekin letipom ngeniei. Ai Samol mi Lapalap, om tong ellet a nonom tori feilfeilachök. Kosap likitala ewe angang ka popuetä.

Aisea 31:1

Feiengauen chokewe ra kütta alilisir seni Isip. Ra lükülük won oris me woken pokiten chomongur, ra pwal lükülük won chon wawa oris pokiten ra fokun pöchökül, nge resap kütta alilisir me ren ewe Samol mi Lapalap, Ewe mi Pin lon Israel, resap pwal anomu ar apilükülük won.

Aisea 45:22

Oupwe kulitiei, ämi aramasen fanüfan meinisin, pwe oupwe küna manau. Pun ngang Kot, esap pwal wor eman lüki.

Aisea 53:3

A küna turunufas me koput me ren aramas kana, eman mwän mi örüni an nom lon cheuch me riaföü. A wewe ngeni eman chon anioput sa aopa mesach seni. A unusen itengau, pwe sa ekieki esap wor aüchean.

Aisea 8:17

Ewe Samol mi Lapalap a amonala mesan seni ekewe mwirimwirin Jakop, nge ngang üpwe chök lükü i o apilükülükü.

Mika 7:7

Nge ngang üpwe neta ngeni ewe Samol mi Lapalap. Üpwe ösüküsükü Kot ai we Chon Amanau. Ai Kot epwe aüselingaei.

Sekaraia 12:10

Üpwe tinato won ekewe mwirimwirin Tafit me chon Jerusalem eman ngün mi amefi ngeni aramas usun ewe ümöümöchün Kot me eman ngün mi atufichiir lon ar iotek. Iwe, repwe nenengeni ätewe ra posu o ngüngüres won, usun eman a ngüngüres won nöün aleman, repwe kechüengau won, usun eman a kechüengau won nöün mwänichi.

Numperis 21:9

Iei mine Moses a föri uluulun eman serepenit seni piras o eitiuätä won efoch mwüüch. Iwe, are eman serepenit a küw eman aramas, nge a nenengeni ewe uluulun serepenit seni piras, a manau.

Mateus 16:21

Seni lon ena fansoun Jesus a popuetä le pwäri ngeni nöün kewe chon kaiö, pwe i epwe fokun feila Jerusalem, iwe, epwe küna riaföü me ren ekewe souakom, ekewe souasor mi lap me ekewe Sensen Allük. Repwe niela, nge mürin ülüngat rän epwe manausefälitä.

Mateus 20:28

usun chök Nöün Aramas esap feito pwe aramas repwe angang ngeni, nge a feito an epwe angang ngeniir o fangala manauan fänäsengesin chomong aramas pwe möön manauer.”

Markus 14:36

Iwe, a iotek, “Semei, semei! Mettoch meinisin ra tufich ngonuk. Kose mochen kopwe angei seniei ei kapen riaföü. Nge esap letipei epwe fis, pwe letipom.”

Markus 15:28

[Iwe, a pwönüetä mine a mak lon ekewe Toropwe mi Pin, “A alealong lein ekewe chon pupungau.”]

Markus 16:19

Mürin än Jesus fos ngeni nöün kewe chon kaiö a feitä läng o mottiu lepelifichin Kot.

Markus 9:12

Nge Jesus a pölüeniir, “Mi pwüng pwe Elias epwe akomwen feito, pwe epwe amolätä mettoch meinisin. Nge pwota chök a mak lon ekewe Toropwe mi Pin, pwe Nöün Aramas epwe tolong lon riaföü watte o küna koput?

Markus 9:24

Lon ewe chök otun semen ewe ät a kökkö fan leüömong, “Üa lükülük! Kopwe alisiei, pwe üsap chüen lükülükümang.”

Lukas 17:5

Iwe, ekewe chon künö ra üreni ewe Samol, “Kopwe alisikem pwe äm lükü en epwe wattela.”

Lukas 23:11

Nge Herotes me nöün kewe sounfiu ra urumwotei o turunufasei Jesus. Mürin ar aüföüfa ngeni echö üf mi fokun ling, Herotes a tinsefäliela ren Pilatus.

Lukas 24:26

Ifa usun, esap wisen Kraist pwe epwe küna ekei riaföü meinisin me mwen an epwe tolong lon an ling?”

Johannes 1:29

Iwe, sorotän ewe rän Johannes a küna pwe Jesus a feito ren, iwe, a apasa, “Iei i ewe Lamen Kot a uweela tipisin chon fanüfan.

Johannes 12:24

Enlet, üpwe wesewesen ürenikemi: Eföü föün wiich epwe chök nonom lon ususun are esap mworotiu lepwül o mäla. Nge are epwe mäla, mürin epwe awora chomong föün wiich.

Johannes 12:32

Lupwen ngang üpwe tekiatä seni ei fanüfan, üpwe ofato aramas meinisin rei.”

Johannes 13:3

Jesus a silei pwe Saman a fen atolonga mettoch meinisin fän nemenian. A silei pwe a feito seni Kot, nge epwe pwal liwinsefäl ngeni Kot.

Johannes 6:40

Pun iei letipen Semei, pwe meinisin mi nenengeni ewe Nau o lükü i repwe eäni manau esemüch. Ngang üpwe amanaueer lon ewe ränin sopolan.”

Johannes 8:56

Apraham sememi we a fokun pwapwa pwe epwe le küna fansoun ai feito. A küna ewe fansoun o pwapwaäsini.”

Föför 2:36

Iei mine ekewe chon Israel meinisin repwe fokun silei, pwe ätei Jesus ämi oua iräpengesi, i ätewe Kot a seikätä pwe epwe Samol me Kraist!”

Föför 3:15

Ämi oua niela ätewe mi emweni aramas ngeni manau. Nge Kot a amanauasefäli seni mäla o äm aia chon pwärätä pwe a fis ei.

Föför 5:31

Nge Kot a atekiatai o anomu lepelifichin pwe epwe Samol me Chon Amanau, pwe epwe awora ekieksefäl me amusamusen tipis ngeni chon Israel.

Föför 5:41

Iwe, ekewe soukünö ra towu seni ewe mwichen soupwüng, ra fokun pwapwa, pun ra tongeni tolong lon riaföü me itengau fän iten Jesus.

1. Korint 1:18

Pun ewe kapas usun än Kraist mäla won iräpenges och kapas mi umwes ngeni chokewe mi pöütmwälila, nge ngenikich mi küna manau och manamanen Kot.

1. Korint 1:23

Nge kich sia arongafeili ewe Kraist mi iräpenges, iei ewe kapas chon Juta ra chepetek ren, nge ekewe chon lükün Israel ra apasa pwe och kapas mi umwes.

Efisos 2:16

Ren än Kraist mäla won ewe iräpenges a amola ar oputfengen lefiler. Pun ren ewe iräpenges a achäfengeni ekewe ruu sokun mwichen aramas, pwe repwe eu chök mwich o aliwinisefäliir ngeni Kot.

Efisos 5:2

Chen epwe nemeni manauemi, usun Kraist a echenikich o fangala manauan fän itach pwe epwe eu asor mi pwoöch me eu lifang mi apwapwai Kot.

Filipi 1:6

Üa fokun lükü, pwe Kot ewe mi popuetä lomi ei angang mi mürina epwe pwal sopwela tori an epwe wesöchüela lon ewe Ränin än Kraist Jesus epwe liwinsefälito.

Filipi 3:20

Nge kich sia chon wiliposun läng. Sia ösüküsükü eman Chon Amanau ach Samol Jesus Kraist pwe epwe feito seni läng,

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Ipru 1:13

Kot esap fokun apasa ngeni eman nöün kewe chon läng, “Kopwe mottiu lepelifichi tori üpwe anomu chon oputom, pwe repwe lenien puun pecheöm.”

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Ipru 10:14

Pun ren eu chök asor a aunusöchüela chokewe meinisin mi küna limöch seni ar tipis tori feilfeilachök.

Ipru 10:33

Fän ekoch oua küna turunufas me riaföü mwen mesen aramas, nge pwal fän ekoch oua chiechi ngeni chokewe mi tolong lon ekei sokun riaföü.

Ipru 11:36

Ekoch ra küna turunufas me wichiwich, nge pwal ekoch ra föfö o koturulong lon imwen fötek.

Ipru 12:3

Oupwe ekieki usun watten an riaföü pokiten ekewe chon tipis mi oput i! Iei mine ousap apilükingau o fangatä.

Ipru 13:13

Iei mine ousipwe feila ren lükün ewe leni ia ekewe aramas ra nom ie, pwe sipwe eti i lon an itengau.

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

Ipru 7:19

Pun ekewe Allük resap tongeni aunusöchüela och mettoch. Nge iei eu apilükülüköch mi mürina seni a fen molotä fän itach, pwe sipwe arap ngeni Kot ren.

Ipru 8:1

Iwe, iei aüchean mine sia kapas usun: Sia eäni eman Souasor mi Lap a mot lepelifichin ewe mi Unusen Tekia lon läng.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

James 2:1

Ämi pwii kana, ämi chon lükü ach Samol Jesus Kraist, ewe Samol mi ling, ousap lifilifil aramas pokiten chök lapalapen inisiir me lükün.

1. Petrus 1:11

Ra küttafichi inet fansoun me lapalapen an epwe feito. Iei ewe fansoun ewe Ngünün Kraist mi nom lor a itini lupwen ra kapas usun ekewe riaföü Kraist epwe tolong lon, pwal usun ewe ling epwe tori me mürin.

1. Petrus 3:18

Pun Kraist a mäla fän iten tipis fän eu chök, nge a naf ngeni fansoun meinisin, ewe chon pwüng fän iten ekewe chon tipis, pwe epwe emwenikich ngeni Kot. A mäla lon inisin, nge a manausefäl lon ngünün.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.

Jutas 1:21

Iwe, oupwe püsin tümwünükemi lon än Kot chen lupwen oua witiwiti ach Samol Jesus Kraist pwe epwe ngenikemi manau esemüch lon an ümöümöch.

Pwärätä 1:11

A apasa, “Kopwe makkeetiu lon toropwe mine ka küna o kopwe tinala ngeni ekewe fisu mwichefel: Efisos, Smirna, Perkamon, Tiatira, Sartis, Filatelfia me Laotisea.”

Pwärätä 1:17

Iwe, lupwen üa küna i, üa chapetiu arun pechen, nge üa usun chök eman aramas mi mäla. Mürin a wätä pöüifichin woi o apasa, “Kosap niuokus! Ngang ewe Aemanün me ewe Amüchülan.

Pwärätä 1:8

“Ngang ewe Aemanün me Amüchülan,” iei alon ewe Samol, ewe Kot mi Unusen Manaman, i ewe a nom iei, ewe a fen nonom me ewe epwe feito me mürin.

Pwärätä 2:8

“Kopwe makkei ngeni ewe chon künöön ewe mwichefel lon Smirna: Iei alon ewe Aemanün me ewe Amüchülan, ewe mi mäla o manausefäl.