Ipru 12:16 - Chuukese Bible

¹⁶ Esap pwal wor eman epwe föri föförün lisowu ika sufölingau ngeni Kot usun chök Esau, pun a amömöla wisan wisen mwänichi ren eu chök mongö.

Ipru 12:16 Iomraidhean Croise

Keneses 27:36

Iwe, Esau a apasa, “A let pwe itan Jakop. Pun iei aruuen an atupuei. Iwe, a angeala wisei we wisen mwänichi, nge iei a angeala feiöchi we.” Mürin a aisini saman we, “Ifa usun, esap wor pwal eu feiöch ka iseis fän itei?”

Markus 7:21

Pun seni me lon leluken eman aramas a towu ekiek mi ngau: ekiekin mocheisou, solä, ninni, lisowu,

Föför 15:20

Nge sipwe makkei echö toropwe o asile ngeniir, pwe resap mongö och mongö mi limengau a piin asor ngeni ekewe uluulun anümwäl, resap föri sokun lisowu, resap pwal ochoch fituken man mi ffor me ün cha.

Föför 15:29

Ousap mongö ekewe mongö ra piin asor ngeni ekewe uluulun anümwäl, ousap ün cha, ousap ochoch fituken man mi ffor, ousap föri sokun lisowu. Are oua tümwünükemi seni ekei mettoch, oupwe feiöch. Äm aia kapong ngenikemi meinisin.”

1. Korint 10:8

Sisap fokun föri föförün lisowu mi fokun ngau usun ekoch me leir ra föri, iwe, lon eu chök rän rüe me ülüngatngeröü ra mäla.

2. Korint 12:21

Üa niuokus, pwe lupwen üpwe liwinsefälito remi, ai Kot epwe atekisonaeitiu me mwemi, iwe, ngang üpwe kechüeiti chomong mi tipis me lom, nge resap aier seni ar föför mi fokun ngau, ar föförün lisowu me ar mocheisou.

Efisos 5:3

Pokiten ämi nöün Kot aramas mi pin, esap pwüng pwe sokopaten föförün lisowu ika mocheisou ika tipemong epwe fen mwo nge fis ika föü lefilemi.

Efisos 5:5

Oupwe fokun silei, pwe esap wor eman mi föri sokun föförün lisowu ika mocheisou ika tipemong (pun tipemong a wewe ngeni angang ngeni anümwäl) epwe angei och feiöch seni lon ewe Mwün Kraist me Kot.

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

1. Timoty 1:9

Sia pwal silei pwe ekewe allük resap för fän iten ekewe chon pwüng, nge ra för fän iten ekewe chon atai allük me chon ü ngeni mwü, fän iten chokewe resap meniniti Kot me chon tipis, fän iten chokewe resap mochen apini manauer me chokewe resap meniniti lamalam, fän iten chokewe mi niela semer me iner, pwal fän iten ekewe chon niela aramas,

Ipru 13:4

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Pwärätä 22:15

Nge me lükün ewe telinimw a wor chon föri sokun föför mi ngau usun kolak, chon föri angangen rong, chon lisowu, chon niela aramas, chon angang ngeni anümwäl me chon chofona lon ar kapas pwal lon ar föför.