Ipru 12:15 - Chuukese Bible

¹⁵ Oupwe tümwünüfichikemi pwe esap wor eman leimi epwe kul seni än Kot ümöümöch. Esap pwal wor eman epwe usun chök efoch irä maras mi märitä o afisätä chomong fitikoko, pwe chomong repwe limengau ren.

Ipru 12:15 Iomraidhean Croise

1. King 14:16

Iwe, epwe asechala chon Israel pokiten än Jeropoam tipis a föri, pwal pokiten an emweni chon Israel ngeni tipis.”

Ekistos 32:21

Iwe, Moses a aisini Aaron, “Met ekei aramas ra föri ngonuk pwe ka uwato wor eu tipis mi lapalap?”

Än Salomon Fos 4:23

Kopwe fokun tümwünü lelukom lap seni om tümwünü och pisek aüchea, pun manau a pop seni lon lelukom.

Aisea 5:4

Ifa usun, a chüen wor och angang üsamwo föri fän iten ai tanipin wain? Pwota a chök afisätä ua mi ngau, lupwen üa witiwiti an epwe afisätä ua mi öch?

Aisea 5:7

Iwe, än ewe Samol mi Unusen Manaman tanipin wain ekewe chon Israel, nge fotukian irä mi mürina ekewe chon Juta. A awiti pwe aramas repwe föri mine a mürina, nge ra chök nimanau. A awiti pwe repwe föri mine a pwüng, nge a chök rong kechüen riaföü pokiten pwüngingau.

Jeremaia 2:21

Nge ngang üa fotukuk usun efoch irän wain mi mürina, a pwük seni föün mi unusen mürina. Pwota ka ingauala o wiliti efoch irän wain mi mwacho o lomotongau?

Lukas 22:32

Nge ngang üa iotek fän itom Simon, pwe om lükülük esap ükütiu. Iwe, lupwen om kopwe liwinsefäl, kopwe apöchöküla pwiüm kewe.”

1. Korint 10:12

Iei mine iö a ekieki pwe a nüküchar, epwe fokun tümwünüfichi pwe esap turula.

1. Korint 13:8

Chen epwe nonomola tori feilfeilachök. Ach kapasen osuni epwe müchüla, ach fos lon kapasen ekis epwe ükütiu, nge ach silelap epwe müchüla.

1. Korint 15:33

Ousap püsin atupukemi: “Chiechi ngeni aramas mi ngau a angauala manauach.”

1. Korint 5:6

Esap öch ngenikemi pwe oupwe lamalamtekia. Ousap silei pwe ekis chök iis a apwola unusen eu pilawa?

2. Korint 13:5

Oupwe püsin sotunikemi o apwüngükemi, pwe oupwe silei ika oua wesewesen lükü Kraist. Ifa usun, ousap silei pwe Jesus Kraist a nonom lomi? Are ousap silei, oua lipwäkingau lon ewe sosot.

2. Korint 6:1

Iwe, lon äm angangfengen me Kot, aia tüngormau ngenikemi, pwe ousap alomotongauei än Kot ümöümöch oua angei.

Kalatia 2:13

Iwe, pwal ekewe ekoch souläng ir chon Juta ra pwal eti Petrus lon an likatuputup, pwal mwo nge Parnapas a tokola ren ar likatuputup.

Kalatia 5:4

Iwe, chokewe me leimi mi sotuni ar repwe küna pwüng me ren Kot ren ar aleasochisi ekewe Allük, ra püsin aimwürela seni Kraist. Iwe, ir ra nonom lükün än Kot ümöümöch.

Efisos 5:3

Pokiten ämi nöün Kot aramas mi pin, esap pwüng pwe sokopaten föförün lisowu ika mocheisou ika tipemong epwe fen mwo nge fis ika föü lefilemi.

Tuteronomi 29:18

Oupwe afälikemi pwe esap wor me leimi eman mwän ika fefin, eu famili ika eu ainang ikenai epwe tokola seni ewe Samol mi Lapalap ach we Kot, pwe epwe feila o fel ngeni koten ekewe mwü. Pun ika eman epwe föri iei usun, epwe usun chök waaren efoch irä pwennan a märitä o uani ua mi poison me maras,

Tuteronomi 32:32

Iwe, ar irän wain a feito seni ekewe irän wain lon Sotom, pwal seni ekewe tanipi lon Komora. Ar kewe föün irän wain ra poison, umwur ra maras.

Tuteronomi 4:9

“Iwe, oupwe afälikemi o tümwünükemi pwe ousap manlükala ekewe mettoch mesemi ra fen küna, ousap pwal mwüt ngeni pwe repwe ettiwu seni lon lelukemi lon ränin manauemi meinisin. Nge oupwe aiti ngeni nöümi me nöün nöümi,

Kolose 3:5

Iei mine oupwe amäloi ekewe mochenian fanüfan mi nom remi: sokopaten föförün lisowu, lüangau, mocheisou, mocheniangau me tipemong. (Pun tipemong och sokun angang ngeni anümwäl.)

Titus 1:15

Mettoch meinisin ra limöch ngeni chokewe mi limöch manauer, nge esap wor och a limöch ngeni chokewe mi limengau manauer, ir chokewe mi lükümang, pun ar ekiek me mwelien letiper a fen limengau.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.

Ipru 4:1

Iwe, Kot a ngenikich ewe pwon, pwe sipwe tolong lon ewe asösö a kapas usun me mwan. Iei mine sipwe fokun tümwünüfichi pwe esap wor eman leimi esap tolong lon ewe asösö Kot a fen pwon.

Ipru 4:11

Iei mine sipwe fokun achocho ach sipwe tolong lon ewe asösö, pwe esap wor eman leich epwe tur usun ir pokiten ar aleasolap.

Ipru 6:11

Äm aia fokun mochen, pwe eman me eman leimi epwe chök achocho tori sopolan, pwe ekewe mettoch oua apilükülükü repwe pwönüetä.

Josua 6:18

Nge ämi oupwe afälikemi ren ekewe mettoch mi pin repwe kata. Pun lupwen oupwe apiniir pwe repwe kata, nge mürin oua angei och seniir, oupwe atoto tatakis me feiengau won lenien chon Israel.

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

2. Petrus 2:18

Ra lamalamtekia lon ar apasatä kapas mi pön o aea sokun mochenian fituk mi ngau le atupu chokewe mi kärän sü seni ekewe aramas mi manaueni ei manau mi mwäl.

2. Petrus 3:11

Pokiten ekei mettoch meinisin repwe tala lon ei lapalap, met sokun aramas oupwe usuni? Oupwe manaueni eu manau mi pin mi nonom fän nemenien Kot,

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

2. Johannes 1:8

Iei mine oupwe mamasakemi, pwe esap pöüt senikemi mine sia angang fän itan, nge oupwe angei ewe liwin mi unus.