Ipru 12:12 - Chuukese Bible

¹² Iei mine oupwe apöchökülätä pöümi me pwäsukumi kana mi apwangapwang.

Ipru 12:12 Iomraidhean Croise

Kölfel 109:24

Pwäsuki ra apwangapwang ren ai öchüün, inisi a kichüchüla.

Aisea 35:3

Oupwe apöchöküla pau kana mi apwangapwang o anüküchara pwäsuk kana mi chechech.

Isikiel 21:7

Iwe, lupwen repwe aisinuk, ‘Pwota ka ngüngü?’ kopwe pälüeniir, ‘Pokiten a wor pworaus amairü. Iwe, are epwe fis, leluken aramas meinisin epwe uren niuokus, pöür repwe chök ititiu, pworan letiper epwe kisikisitiu, nge lepwäsukur meinisin repwe chechech.’ Nengeni, a war, epwe fokun pwönüetä,” iei alon Kot ewe Samol mi Lapalap.

Isikiel 7:17

Pöür meinisin repwe chök ititiu, nge lepwäsukur meinisin repwe chechech.

Taniel 5:6

Mürin, won mesen ewe king a wopwechepwechela, nge pwäsukun ra nechefengen, pun a fokun niuokus.

Nahum 2:10

Ewe telinimw a tala o pön, esap chüen so. Leluken aramas a kisikisila, pwäsukur a chechech, esap chüen wor ar pöchökül, won meser a pwechela.

Sefanaia 3:16

Lon ena fansoun repwe apasa ngeni Jerusalem, “Kosap niuokus, en Sion, kosap aitietiu poum.

1. Tesalonika 5:14

Ämi pwiim kana, aia pesekemi pwe oupwe fönöü chokewe mi chipwang, oupwe apöchöküla letipen chon niuokus, oupwe alisi ekewe chon apwangapwang, oupwe pwal mosonotam ngeni aramas meinisin.

Ipru 12:3

Oupwe ekieki usun watten an riaföü pokiten ekewe chon tipis mi oput i! Iei mine ousap apilükingau o fangatä.

Ipru 12:5

Ifa usun, oua manlükala ekewe kapasen apöchökül Kot a ürenikemi pokiten ämi nöün kana? “Nei, kosap aücheangauei än ewe Samol kapasen fön, Kosap apilükingau lupwen a amirituk.