Ipru 12:11 - Chuukese Bible

¹¹ Lupwen Kot a apwüngükich usun itä nge sia mefi lon ewe otun pwe och mettoch sia letipeta ren, nge sisap pwapwa. Nge mürin chokewe mi angei ei sokun apwüng repwe manaueni eu manauen kinamwe me pwüng.

Ipru 12:11 Iomraidhean Croise

Keneses 21:11

Iwe, Apraham a fokun oput alon Sara usun Ismael nöün we.

Kölfel 118:18

Ewe Samol mi Lapalap a fokun apwüngüei, nge esap atolongaei lon mäla.

Kölfel 119:165

Chokewe mi aücheani om allük ra fokun kinamwe. Esap wor och ra tongeni chepetek ren.

Kölfel 89:32

mürin üpwe apwüngüür pokiten ar pupungau, üpwe pwal ariaföüür pokiten ar tipis.

Än Salomon Fos 15:10

Mi wor eu apwüng mi chou fän iten ätewe mi föri mine a ngau, nge ätewe mi oput kapasen fön epwe mäla.

Än Salomon Fos 19:18

Kopwe apwüngü noum ät, lupwen a chüen kükün, pwe a mecheres an epwe kaiö mirit, nge kopwe tümwünüfichi pwe kosap wichi tori an epwe mäla.

Aisea 19:22

Iwe, ewe Samol mi Lapalap epwe fokun afeiengaua chon Isip ren eu mätter, nge mürin epwe pwal apöchöküeler. Repwe liwiniti ewe Samol mi Lapalap, nge i epwe aüselinga ar kewe tüngor o apöchöküleer.

Aisea 32:17

Iwe, uän pwüng kinamwe, nge esenipaen pwüng nonomöch me lükülük tori feilfeilachök.

Nöün Paulus Toropwe ngeni ekewe Souläng lon Rom 14:17

Pun Mwün Kot esap longolong won anach me ünümach, nge a longolong won pwüng, kinamwe me pwapwa mi feito seni ewe Ngünmifel.

2. Korint 4:17

A müchükai ach riaföü, a pwal pal, nge epwe atoto ngenikich eu watten ling esemüch a fokun lapalap seni ekei riaföü.

2. Timoty 4:8

Seni iei a iseis ngeniei ewe mwärin pwüng, ewe win ach Samol ewe Soukapwüng mi pwüng epwe ngeniei lon ewe Rän. Nge esap ngeniei chök, nge pwal ngeni chokewe meinisin mi fokun witiwiti an wareto.

Ipru 12:10

Samach kana lon pekin fituk ra apwüngükich lon fansoun mochomoch, usun ra ekieki pwe a pwüng. Nge Kot a ekieki ach feiöch lupwen a apwüngükich, pwe sipwe eäni an pin.

Ipru 5:14

Nge mongö mi pöchökül a chök fän iten ekewe aramas mi mwukula, ir chokewe mi aörüni ngeniir ar repwe tufichin alefila lefilen mine a öch me mine a ngau.

1. Petrus 1:6

Oupwe fokun pwapwa ren ekei feiöch, inamwo ika oua küna letipeta iei lon fansoun mochomoch chök pokiten chomong sokun sosot oua riaföü ren.

2. Petrus 2:14

Ra chök mochen nenengeni ekewe fin lisowu, resap fokun ükütiu le föri föför mi ngau. Ra atupu ekewe aramas mi apwangapwang lon ar lükü pwe repwe tipis. Ra sipeöch lon ar tipemong. Ra nom fän än Kot anümamau!