Ipru 11:9 - Chuukese Bible

⁹ Ren an lükü a nonom lon ewe fanü Kot a pwon ngeni usun eman chon ekis. A nom lon imw mangaku usun chök pwal Isaak me Jakop, ätekewe mi pwal angei ewe chök pwon me ren Kot.

Ipru 11:9 Iomraidhean Croise

Keneses 12:8

Seni ikenan a feila ngeni ewe fanü mi chukuchukutä ötiuen Petel. Iwe, a aüetä imwan imw mangaku lefilen Petel mi nom lotou me Ai mi nom ötiu. Nge ikenan a pwal senätä eu rongen asor fän iten ewe Samol mi Lapalap o fel ngeni.

Keneses 13:18

Iei mine Apram a atomwala imwan imw mangaku o feila. A aüetä imwan lein ekewe irä ook än Mamre lon ewe leni itan Hepron o nonom ikenan. Iwe, ikenan a pwal senätä eu rongen asor fän iten ewe Samol mi Lapalap.

Keneses 13:3

Mürin a sai seni ikenan, a sai seni eu leni tori pwal eu o feila ngeni Petel. Iwe, a tori ewe leni lefilen Petel me Ai ia imwan imw mangaku a nom ie me mwan.

Keneses 17:8

Iwe, üpwe ngonuk pwal ngeni mwirimwirum kana unusen ewe fanü Kanaan ka wasöla lon. Iwe, repwe fanüeni ewe fanü tori feilfeilachök, nge ngang üpwe ar Kot.”

Keneses 18:6

Iwe, Apraham a müttirilong lon imwan imw mangaku o üreni Sara, “Kopwe müttir angei eu tuk pilawa mi mürina, kopwe öüwa o umuni.”

Keneses 18:9

Iwe, ra aisini, “Ifa i Sara pwülüom we?” Nge Apraham a pälüeniir, “A nom leimw.”

Keneses 21:34

Iwe, Apraham a wasöla lon ewe fanü Filistia fansoun langatam.

Keneses 23:4

“Ngang eman wasöla mi siamü remi. Ouse mochen oupwe amömö ngeniei eu fanü pwe ai lenien peias, pun üa mochen peiaseni ai ei somä.”

Keneses 25:27

Iwe, lupwen ekewe ät ra mämäritä, Esau a fokun foukus le likapich manmwacho, eman mi sani le nom lemäl. Nge Jakop eman mwän mi mosonoson, a chök nonom leimw.

Keneses 28:4

Amwo epwe afeiöchuk me mwirimwirum kana usun an afeiöchü Apraham, pwe kopwe fanüeni ewe fanü ka wasöla lon, ewe fanü Kot a fen ngeni Apraham!”

Keneses 31:25

Iwe, lupwen Lapan a tori Jakop, Jakop a fen aüetä imwan imw mangaku won ewe fanü mi chukuchukutä lon Kiliat. Pwal Lapan me aramasan ra aüetä imwer imw mangaku ikenan.

Keneses 35:27

Iwe, Jakop a feito ren Isaak saman we lon Mamre mi arap ngeni Kiriat Arpa ika Hepron, ewe ia Apraham me Isaak ra wasöla ie.

Keneses 36:7

A feila, pun wöür ra kon chomong pwe resap tongeni nomfengen, nge ewe fanü ra nom lon esap naf ngeniir pokiten chomongun nöür kewe pwiin man.

Keneses 47:9

Iwe, Jakop a pälüeni, “Ierin ai siamüfetal ipükü ilik. A chokükün ierin manauei, a pwal aweires, nge esap tori ükükün ierin manauen semelapei kewe lon ar siamüfetal.”

Kölfel 105:12

Lupwen nöün Kot kewe aramas ra fokun chokükün, lupwen ra chon siamü lon ewe fanü Kanaan

Jeremaia 35:7

Ousap aüetä imwemi, ousap amwora pwükil ika fotuki irän wain. Nge oupwe nonom lon imw mangaku lon unusen ränin manauemi, mürin oupwe manauatam me lon ewe fanü ia oua siamü ie.’

Ipru 6:17

Kot a mochen afata ngeni chokewe repwe angei mine a eäni pwon pwe esap fokun siwili ekiekin letipan, iei mine a apacha an akapel ngeni mine a eäni pwon.