Ipru 11:7 - Chuukese Bible

⁷ Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 11:7 Iomraidhean Croise

Keneses 19:14

Iwe, Lot a towu ren kofotun nöün kewe föpwül o üreniir, “Oupwe feil seni ikei, pun ewe Samol mi Lapalap epwe atai ei telinimw.” Nge ir me ruoman ra ekieki pwe a chök urumwot.

Keneses 6:13

Nge Kot a üreni Noa, “Üpwe fokun arosala ekewe aramas meinisin, pun fanüfan a uren föförün mwäneson me rer. Üpwe fokun aroserela o ataala fanüfan.

Keneses 6:22

Iwe, Noa a föri meinisin mine Kot a allük ngeni.

Keneses 6:9

Iei uruwon Noa. Noa eman chon pwüng, i chök a föföröch lein pilon kana, a pwal chiechifengen me Kot.

Keneses 7:23

Iwe, Kot a arosala mönümanau meinisin mi nom won fanüfan: aramas, manfetal, mantötö me mansüsü. Ir meinisin ra rosola seni won fanüfan. Noa chök a manau me chokewe mi eti lon ewe waimw.

Keneses 7:5

Iwe, Noa a föri meinisin mine ewe Samol mi Lapalap a allük ngeni.

Keneses 8:16

“Oupwe towu me lon ewe waimw, en me pwülüom, pwal noum me pwülüer kewe.

2. King 4:5

Iwe, neminewe a feila seni Elisa, a tolong lon imwan o apüngürelong me nöün kewe ät lon. Lupwen nöün kewe ät ra uwato ekewe rume ren, a niiniilong apüra lor.

Hiop 35:8

Om föföringau a chök afeiengaua eman aramas usun chök en, nge om föri mine a pwüng a atoto feiöch won aramas.

Än Salomon Fos 22:3

Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.

Än Salomon Fos 27:12

Eman aramas mi mirit a küna ewe feiengau mi feito o opola, nge ekewe chon wewemang ra chök feilong lon o feiengau.

Isikiel 14:14

Nge are ekewe ülüman mwän Noa, Taniel me Hiop repwe nom lon ewe fanü, repwe chök püsin amanaueer ren ar pwüng,” iei alon Kot ewe Samol mi Lapalap.

Isikiel 14:20

mwo manauei, ngang Kot ewe Samol mi Lapalap üa apasa, are Noa, Taniel me Hiop repwe nonom lon, resap tongeni amanaua nöür mwän ika fefin, pwe repwe chök püsin amanaueer ren ar pwüng.”

Isikiel 33:5

Iwe, a rongorong puun säwi, nge esap aleasochisi, iei mine a püsin tipis ngeni manauan. Nge are epwe aleasochisi, epwe amanaua manauan.

Mateus 2:12

Iwe, Kot a öüröüra ngeniir lon ar tan, pwe resap chüen liwiniti Herotes, iei mine ra liwinsefäliti fanüer won pwal efoch al.

Mateus 24:15

“Iwe, ämi oupwe küna ewe ‘Mettoch mi Eniweniw’, ewe soufos Taniel a kapas usun. Epwe nom lon ewe leni mi pin. (Ewe chon aleani epwe weweiti met wewen ei.)

Mateus 24:25

Oupwe rongorong! Ngang üpwe pwäri ngenikemi ekei mettoch mwen ar repwe fis.

Mateus 24:38

Lon ekewe rän mwen ewe noter, ekewe aramas ra momongö o ükün, ra pwüpwülü o akapwüpwülüür tori ewe rän lupwen Noa a tolong lon ewe waimw.

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Lukas 17:26

Usun mine a fis lon fansoun Noa, iei usun epwe pwal fis lon ränin Nöün Aramas.

Nöün Paulus Toropwe ngeni ekewe Souläng lon Rom 1:17

Pun ewe Pworausen Manau a pwärätä usun än Kot akot fän iten än aramas repwe küna pwüng me mwan. Ei a fis ren lükülük seni lepoputän tori lesopolan. Usun ewe toropwe mi pin a apasa, “Ewe aramas mi küna pwüng mwen mesen Kot epwe manau ren an lükülük.”

Nöün Paulus Toropwe ngeni ekewe Souläng lon Rom 10:6

Nge iei usun mine a mak lon ekewe Toropwe mi Pin usun än aramas repwe küna pwüng me ren Kot ren ar lükülük, “Kosap püsin ais ngonuk: Iö epwe feitä läng?” (wewen, iö epwe uwätiu Kraist).

Nöün Paulus Toropwe ngeni ekewe Souläng lon Rom 3:22

Kot a föri pwe aramas ra küna pwüng ren ar lükü Jesus Kraist. Kot a föri ei ngeni chokewe meinisin mi lükü Kraist, pun esap wor sokofesenin lefiler meinisin:

Nöün Paulus Toropwe ngeni ekewe Souläng lon Rom 4:11

An sirkomsais a fis me mürin. Nge an sirkomsais eu asisil mi pwärätä pwe pokiten an lükülük a küna pwüng me ren Kot me mwen an esamwo sirkomsais. Iei usun Apraham a semelapen chokewe meinisin mi lükü Kot o küna pwüng me ren, inamwo ika resap sirkomsais.

Nöün Paulus Toropwe ngeni ekewe Souläng lon Rom 4:13

Lupwen Kot a pwon ngeni Apraham me mwirimwirin kana pwe repwe fanüeni fanüfan, a föri ei sap pokiten än Apraham aleasochisi ekewe Allük, nge pokiten an küna pwüng me ren Kot ren an lükülük.

Nöün Paulus Toropwe ngeni ekewe Souläng lon Rom 9:30

Iwe, met sipwe tongeni apasa? Ekewe chon lükün Israel resap kütta usun ar repwe eäni pwüng me ren Kot, ra küna pwüng ren ar lükülük.

Kalatia 5:5

Nge kich sia apilükülükü pwe Kot epwe föri pwe sipwe küna pwüng me ren. Iei met sia witiwiti ren ewe manamanen Ngünün Kot mi angang loch ren ach lükülük.

Filipi 3:9

o wesewesen eufengen me i. Üsap chüen eäni püsin ai pwüng, ewe sokun pwüng üa angei ren ai aleasochisi ekewe Allük. Iei üa eäni ewe pwüng a toriei ren ai lükü Kraist, ewe pwüng mi feito seni Kot o a longolong won ai lükü Kraist.

Ipru 11:1

Iwe, iei wewen lükü: sia alletätä ekewe mettoch sia apilüküni, sia pwal silei usun mettoch mi wor sisap tongeni küna.

Ipru 12:25

Iwe, oupwe tümwünüfichi pwe ousap oput ätewe mi kapas. Chokewe mi oput ätewe mi aronga än Kot kapas won fanüfan, resap tongeni sü seni liwiningauen ar tipis. Are epwe iei usun, epwe ifan me watten ewe liwiningau sipwe küna, are sia kul seni ewe mi kapas seni läng.

Ipru 5:7

Lon fansoun än Jesus manau won fanüfan, a iotek o tüngor fän mwelian mi leüömong, a pwal kechü ngeni Kot, ewe mi tongeni amanaua i seni mäla. Iwe, Kot a aüselinga i, pun a meniniti i.

Ipru 8:5

Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

1. Petrus 3:20

Ikei ir ngünün chokewe mi aleasolap ngeni Kot, lupwen a witiwit lon an mosonotam lon ekewe rän, lupwen Noa a föri ewe waimw. Ekoch chök aramas, fokun waluman chök, ra nonom lon ewe waimw o küna manau seni ewe koluk.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.

2. Petrus 2:5

Kot esap achika ewe fanüfan me lom, nge a aworato ewe noter won ekewe aramas resap meniniti i. A chök amanaua Noa ewe chon afalafala usun pwüng me pwal füman aramas.

2. Petrus 3:6

Iwe, pwal ren koluk, iei kolukun ewe noter, ewe fanüfan me lomlom a tala ren.