Ipru 11:6 - Chuukese Bible

⁶ Esap wor eman a tongeni apwapwai Kot are esap wor an lükü. Pun iö a feito ren Kot epwe fokun lükü pwe mi wor Kot, nge epwe ngeni chokewe mi kütta i liwiniir.

Ipru 11:6 Iomraidhean Croise

Keneses 15:1

Iwe, wesin ewe maun ewe Samol mi Lapalap a kapas ngeni Apram lon künaan, “Kosap niuokus Apram. Ngang tittum, nge liwinum epwe fokun watte.”

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

Hiop 21:14

Ra üreni Kot, ‘Kopwe feila senikem. Äm aisap mochen silei letipom fän iten manauem.

Kölfel 106:24

Mürin, ra oput ewe fanü mi mürina, resap lükü an we pwon.

Kölfel 119:10

Üa küttok ren unusen lelukei. Kosap mwüt ngeniei pwe üpwe aleasolap ngeni om kewe allük.

Kölfel 58:11

Iwe, aramas repwe apasa, “Ellet, ekewe chon pwüng ra angei liwinir. Ellet, mi wor eman Kot mi eäni kapwüng won fanüfan.”

Kölfel 73:28

Nge me rei, a mürina pwe üpwe kan ngeni Kot. Üa filätä Kot ewe Samol mi Lapalap pwe epwe ai lenien op, pwe üpwe apworausa an kewe föför meinisin.

Kölfel 78:22

pun esap wor ar lükülük won Kot, resap pwal lükü an manaman pwe a tongeni amanaueer.

Kölfel 78:32

Iwe, ekei mettoch meinisin ra fis, nge ekewe aramas ra chök sopwela le tipis. Kot a föri an kewe manaman, nge resap fokun lükü.

Än Salomon Fos 11:18

Eman aramasangau a angei winnen an angang nge esor iammürin, nge eman mi föri föför mi pwüng epwe angei liwinin mi nonomola.

Än Salomon Fos 8:17

Üa echeni chokewe mi echeniei, nge chokewe mi achocho le küttaei repwe künaei.

Aisea 55:3

Oupwe aü selingemi o feito rei. Oupwe rongorong pwe ngünümi epwe manau. Iwe, ngang üpwe föri eu pwon esemüch ngenikemi o apwönüetä ai ümöümöch me tong usun üa fen pwon ngeni Tafit.

Aisea 7:9

Iwe, Samaria epwe chök samolun telinimwen Israel, nge nöün Remalia we epwe chök samolun Samaria. Are ousap nüküchar lon ämi lükülük, ousap tongeni nonom.’”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Numperis 14:11

Iwe, ewe Samol mi Lapalap a üreni Moses, “Ifa ükükün fansoun än ekei aramas turunufaseei? Ifa ükükün fansoun ar resap mochen lüküei, inamwo ika ra fen küna ekewe manaman üa föri lefiler?

Numperis 20:12

Nge ewe Samol mi Lapalap a üreni Moses me Aaron, “Pokiten ousap lüküei, ousap pwal apiniöchüei me fän mesen ekewe aramasen Israel, iei mine ousap emwenirelong lon ewe fanü üpwe ngeniir.”

Mateus 11:26

Ewer, Semei, pun iei usun ka pwapwaiti an epwe fis.”

Mateus 5:12

Oupwe pwapwa o mwanek, pun liwinimi epwe watte lon läng. Iei usun ra pwal ariaföüü ekewe soufos mi akom mwemi.

Mateus 6:16

“Iwe, lupwen oupwe echikefel, ousap wowongau usun ekewe chon likatuputup ra föri. Ra awowongaueer, pwe aramas meinisin repwe küna pwe ra echikefel. Enlet, üpwe ürenikemi, pwe ra fen wes le angei liwiniir.

Mateus 6:33

Nge oupwe chök ekieki lon letipemi ewe Mwün Kot me pwüngün, iwe, i epwe ngenikemi ekei mettoch meinisin.

Mateus 6:5

“Iwe, lupwen oupwe iotek, ousap föri usun ekewe chon likatuputup. Ra efich ar repwe ütä o iotek lon ar kewe imwen felikis pwal lepwokukun ekewe al, pwe aramas repwe küneer. Enlet, üpwe ürenikemi, pwe ra fen wes le angei liwiniir.

Markus 16:17

Iwe, chokewe mi lükülük repwe angei tufich pwe repwe föri ekei manaman: Repwe asüela anün rochopwak fän itei, repwe fos lon kapasen ekis.

Lukas 12:31

Nge oupwe chök ekieki lon letipemi ewe Mwün Kot, iwe, i epwe ngenikemi ekei mettoch meinisin.

Lukas 6:35

Nge ämi oupwe echeni chon oputakemi o föföröch ngeniir. Oupwe mwütätä pisekimi ngeniir, nge ousap ekiekin angesefäli. Mürin oupwe angei liwinimi mi watte o wiliti Nöün Kot ewe mi Unusen Tekia. Pun Kot a kirikiröch ngeni chokewe resap sile kilisou, pwal ngeni ekewe aramasangau.

Johannes 14:6

Jesus a üreni, “Ngang ewe al me ewe let me ewe manau. Esap wor eman epwe tongeni feila ren Semei me lüki.”

Johannes 8:24

Iei popun ai ürenikemi pwe oupwe mäla lon ämi tipis. Pun are ousap lüküei pwe ‘Ngang chök ewe Eman’, oupwe fokun mäla lon ämi tipis.”

Nöün Paulus Toropwe ngeni ekewe Souläng lon Rom 10:14

Nge ifa usun ar repwe tongeni köri i, are resap lükü? Ifa usun ar repwe tongeni lükü, are resap rongorong an kapas? Nge ifa usun ar repwe tongeni rongorong ewe kapas, are esap wor eman a asile ngeniir?

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Ipru 11:26

A ekieki pwe an küna itengau fän iten ewe Mesaia a aüchea seni wöün Isip, pun a nenengeni ewe liwin epwe angei me mürin.

Ipru 3:12

Ämi pwii kana mi lükü Jesus, oupwe afälikemi pwe esap wor eman leimi epwe eäni eu leluk mi ngau o lükümang, pwe epwe tokola seni ewe Kot mi manau.

Ipru 4:2

Pun sia pwal rongorong ewe Pworausen Manau usun chök ir. Ir ra rongorong ewe pworaus, nge resap feiöch ren, pun lupwen ar rongorong, resap etiwa fän ar lükü.

Ipru 4:6

Iwe, chokewe mi akomwen rongorong ewe Pworaus Allim resap tolong lon ewe asösö, pun ra aleasolap. Nge mi wor pwal ekoch a mwümwütä ngeniir pwe repwe tolong lon ewe asösö.

Ipru 7:19

Pun ekewe Allük resap tongeni aunusöchüela och mettoch. Nge iei eu apilükülüköch mi mürina seni a fen molotä fän itach, pwe sipwe arap ngeni Kot ren.

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

2. Petrus 1:10

Iei mine ämi pwii kana, oupwe fokun achocho le anüküchara ämi kö me fil, pun are oupwe föri iei usun, ousap fokun tur lon tipis.

2. Petrus 1:5

Iwe, iei popun oupwe achocho le apachatä manauöch ngeni ämi lükülük, silelap ngeni ämi manauöch,

2. Petrus 3:14

Iei mine, ämi chiechiei mi achengicheng, pokiten oua witiwiti ei Rän, oupwe fokun achocho ngeni pwe oupwe limöch, pwe esap wor ämi mwäl mwen mesen Kot, nge oupwe pwal nom lon kinamwe.

Pwärätä 21:8

Nge ekewe chon niuoken me chon lükümang, ekewe chon limengau me chon niela aramas, ekewe chon lisowu me chon angangen rong, ekewe chon angang ngeni anümwäl me chon chofona meinisin repwe nom lon ewe noom mi pulopul ren ekkei me primston, iei ewe aruen mäla.”

Rut 2:12

Ewe Samol mi Lapalap epwe liwini ngonuk meinisin mine ka föri, nge liwinum epwe unus me ren ewe Samol mi Lapalap ewe Koten Israel, ewe ka feito ren pwe kopwe op fän pöün.”