Ipru 11:25 - Chuukese Bible

²⁵ A filätä an epwe eti nöün Kot kewe aramas le riaföü, lap seni an epwe pwapwaiti tipis lon ekis chök fansoun.

Ipru 11:25 Iomraidhean Croise

Hiop 20:5

pwe än ekewe aramasangau mweireir a chök fis lon fansoun mochomoch, nge än chokewe resap aleasochisi Kot pwapwa a fis lon eu chök otun.

Hiop 36:21

Kopwe afäliik pwe kosap kul ngeni föföringau, pun iei popun ka küna sosot ren riaföü.

Kölfel 47:9

Ekewe samolun ekewe mwü ra mwichefengen, ir ewe mwichen aramas nöün än Apraham we Kot. Pun ekewe kingen fanüfan nöün Kot, i a fokun tekia mwer meinisin.

Kölfel 84:10

Pun ai nonom lon imwom lon ükükün eu chök rän a mürina seni ai nonom ekis lon ükükün engeröü rän. Üa efich ai üpwe nom lon asamalapen imwen ai Kot, lap seni ai üpwe nonom lon imwen ekewe aramasangau.

Aisea 21:4

A püngüpüng fän mwäri, inisi a chechech ren watten ai niuokus. Üa ösüküsükü lekuniol, nge lupwen üa tori, üa chök niuokus.

Taniel 3:18

Nge are esap amanauakem, en äm king kopwe silei pwe äm aisap fel ngeni om kewe kot, aisap pwal chapetiu ngeni om we uluulun aramas mi för seni kolt ka aüetä.”

Mateus 13:21

Pokiten ewe kapas esap warar lon manauer, esap tongeni nomotam. Pun lupwen a fis osukosuk me riaföü pokiten ewe kapasen Kot, ra müttir fangatä.

Lukas 16:25

Nge Apraham a üreni, ‘Nei, kopwe chechemeni pwe lon ränin manauom ka fen angei ekewe mettoch mi mürina meinisin, nge Lasarus a angei ekewe mettoch mi ngau. Nge iei a nom ikei lon an kinamwe, nge en ka nom ikenan lon om riaföü.

Föför 7:34

Üa küna ewe riaföü mi watte a fis ngeni nei kewe aramas lon Isip. Üa rongorong ar ngüngü o üa feila pwe üpwe angaseer. Kopwe etto iei, ngang üpwe tinukela Isip.’

Nöün Paulus Toropwe ngeni ekewe Souläng lon Rom 5:3

Nge sap iei chök, sia pwal pwapwaäsini ach kewe riaföü, pun sia silei pwe riaföü a afisätä ach tipeppos,

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

Kolose 1:24

Iwe, iei üa pwapwa lon ai riaföü fänäsengesimi, pun ren ai riaföü lon inisi üa alisi le aunusöchüela mine esamwo unus lon än Kraist riaföü fänäsengesin inisin we, iei ewe mwichefel.

2. Timoty 1:8

Iei mine kosap säwäsini om kopwe pwärätä ach Samol, kosap pwal säwäsiniei, ngang eman chon fötek fän iten Kraist. Nge kopwe etiei le riaföü fän iten ewe Pworausen Manau ren än Kot manaman.

Ipru 10:32

Oupwe chechemeni mine a fis ngenikemi me lom. Lon ekewe rän, mürin än Kot saram a tin lomi, oua küna chomong sokun riaföü, nge ousap kuf lon ekewe weires oua tolong lon.

Ipru 11:37

Ra mäla ren ar monei ngeniir fau, ren ar ngerefeseni inisiir, pwal ar niirela ren ketilas. Ra fetalfeil fän üfer seni ünüchen sip ika kuuch, ra mwelele, aramas ra ariaföüür o aweiresiir.

Ipru 4:9

Iwe, mi chüen wor eu asösö a witiwit fän iten nöün Kot kewe aramas, a usun chök ewe asösö än Kot lon ewe afisuen rän.

James 1:20

pun än aramas song esap apwönüetä ewe pwüng Kot a mochen.

James 5:5

Oua manaueni eu manau mi fokun mecheres won ei fanüfan, oua pwal eäni pwapwan fanüfan. Oua püsin föri met oupwe kitinup ren fän iten ewe ränin ninnila.

1. Petrus 2:10

Me lom ousap nöün Kot aramas, nge ikenai oua nöün. Me lom ousap angei än Kot ümöümöch, nge ikenai oua angei an ümöümöch.

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’