Ipru 11:22 - Chuukese Bible

²² Ren än Josef lükü, a kapas usun än chon Israel towu seni Isip o amwirimwir ngeniir usun mine repwe föri ngeni chün, lupwen an fetal ngeni an epwe mäla.

Ipru 11:22 Iomraidhean Croise

Ekistos 13:19

Nge Moses a uwei chün Josef usun i a tüngorei ekewe aramasen Israel repwe pwon fän akapel pwe repwe uwei chün. Pun Josef a apasa, “Kot epwe fokun alisikemi, nge lupwen oupwe towu, oupwe uwei chüi seni ikei.”

Lukas 9:31

Ätekei ra pwä lon ling seni läng o kapas ngeni Jesus usun an epwe apwönüetä än Kot we akot ren an mäla lon Jerusalem.

Föför 7:16

Iwe, somäär kewe ra uwato Sikem o peiaseniir lon ewe peias Apraham a möni seni nöün Hamor kewe mwän.

Josua 24:32

Iwe, ekewe aramasen Israel ra peiaseni chün Josef ra uwato me Isip. Ra peiaseni lon Sikem, lon kinikinin ewe fanü Jakop a möni won ükükün ipükü föün moni silifer seni nöün Hamor kewe mwän, nge Hamor semen Sikem. Ei fanü a wiliti fanüen mwirimwirin Josef.