Ipru 11:19 - Chuukese Bible

¹⁹ Apraham a apilükülükü pwe Kot a tongeni amanauasefäli Isaak seni mäla. Iwe, sia tongeni apasa, pwe Apraham a angesefäli Isaak seni mäla.

Ipru 11:19 Iomraidhean Croise

Keneses 22:13

Iwe, Apraham a nenela o küna eman ätemwänin sip a mwöch lein pötöwöl ren mächän. Iwe, Apraham a feila, a angei ewe ätemwänin sip o eäni asor won ewe rongen asoren kek siwilin nöün we.

Mateus 12:36

Nge üpwe ürenikemi, pwe lon ewe ränin apwüng aramas meinisin repwe küna apwüng ren iteiten kapas lomotongau ra apasatä.

Mateus 9:28

Iwe, lupwen Jesus a tolong lon ewe imw, ekewe ruoman chon chun ra tolong ren. Jesus a aisiniir, “Oua lükü pwe ngang üa tongeni aneneloi mesemi?” Ir ra pölüeni, “Ewer, äm samol.”

Nöün Paulus Toropwe ngeni ekewe Souläng lon Rom 5:14

Nge seni ewe fansoun Atam tori fansoun Moses, mäla a nemeni aramas meinisin, pwal mwo nge chokewe resap tipis usun Atam lupwen a aleasolap ngeni än Kot we allük. Atam a aliosunätä ewe eman epwe war me mürin.

Efisos 3:20

Sipwe mwareiti Kot, i ewe a tongeni föri mettoch meinisin lap seni mine sia tongeni tüngor ika ekieki ren an we manaman mi akangang loch,

Ipru 9:24

Pun Kraist esap tolong lon eu Leni mi Pin aramas ra föri, ewe mi chök aliosunätä ewe wesewesen Leni mi Pin. Nge a tolong lon läng o a nonom mwen mesen Kot iei fänäsengesich.

Ipru 9:9

Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.