Ipru 11:16 - Chuukese Bible

¹⁶ Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Ipru 11:16 Iomraidhean Croise

Keneses 26:24

Iwe, ewe Samol mi Lapalap a pwä ngeni lon ewe chök pwin o apasa, “Ngang än semom Apraham we Kot. Kosap niuokus, pun ngang üa etuk, üpwe pwal afeiöchuk o achomongala mwirimwirum kana pokiten ai pwon ngeni nei we chon angang Apraham.”

Keneses 28:13

Nge ewe Samol mi Lapalap a ü asen ewe latta o apasa, “Ngang ewe Samol mi Lapalap än semom Apraham me Isaak we Kot. Ewe fanü ka kon won üpwe ngonuk me mwirimwirum kana.

Ekistos 3:15

Iwe, Kot a pwal üreni Moses, “Kopwe kapas ngeni ekewe aramasen Israel: Ewe Samol mi Lapalap, än ämi kewe lewo Apraham, Isaak me Jakop we Kot a tinieito remi. Iei itei tori feilfeilachök, nge ren ei it oupwe chechemeniei seni eu täppin aramas tori eu täppin.

Ekistos 3:6

A pwal apasa, “Ngang än om kewe lewo Apraham, Isaak me Jakop we Kot.” Iwe, Moses a pwölü mesan, pun a niuokus an epwe nenengeni Kot.

Ekistos 4:5

Iwe, ewe Samol mi Lapalap a üreni, “Ren ei repwe lükü pwe ngang ewe Samol mi Lapalap än ar kewe lewo Apraham, Isaak me Jakop we Kot a pwä ngonuk.”

Jeremaia 31:1

Iei alon ewe Samol mi Lapalap, “Lon ena fansoun ngang üpwe än ekewe ainangen Israel meinisin Kot, nge ir repwe nei aramas.

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Markus 12:26

Nge usun manausefälin sotup: Ousamwo aleani lon ewe puken Moses usun ewe iräfölüföl mi pulopulen ekkei? Seni lon ewe irä Kot a kapas ngeni Moses, ‘Ngang än Apraham, Isaak me Jakop we Kot.’

Markus 8:38

Are eman a säwäsiniei me ai kewe kapas me lein ei täppin aramas mi kirikiringau me tipis ngeni Kot, Nöün Aramas epwe pwal säwäsini lupwen epwe war me ekewe chon läng mi pin lon lingen Saman.”

Lukas 12:32

“Ousap niuokus, ämi mwich mi kisikis, pun Sememi a pwapwa ren an epwe ngenikemi ewe mwü.

Lukas 20:37

Pwal mwo nge Moses a pwärätä lon ewe pworaus usun ewe iräfölüföl mi pulopulen ekkei, pwe ekewe sotup repwe manausefäl. Pun ikenan a aita ngeni ewe Samol än Apraham Kot, än Isaak Kot me än Jakop Kot.

Johannes 14:2

Mi wor chomong ruum lon imwen Semei. Üpwe feila o amolätä leniemi. Üsap ürenikemi ei are esap let.

Föför 7:32

‘Ngang än om kewe lewo we Kot, ngang än Apraham, Isaak me Jakop we Kot.’ Iwe, Moses a chechech ren an niuokus, pwe esap tongeni nenengeni ewe mettoch.

Filipi 3:20

Nge kich sia chon wiliposun läng. Sia ösüküsükü eman Chon Amanau ach Samol Jesus Kraist pwe epwe feito seni läng,

2. Timoty 4:18

Ach samol epwe pwal angasaei seni ekewe sokun angangingau meinisin o amanauaei, pwe epwe uweeila ngeni mwün lon läng. I epwe ling tori feilfeilachök! Amen.

Ipru 10:34

Oua tongäsini chokewe mi nom lon imwen fötek, nge lupwen ra angei pisekimi meinisin fän pöchökül, oua likiti ngeniir fän pwapwa, pun oua silei pwe oua chüen eäni och mi mürina seni, epwe nonomola tori feilfeilachök.

Ipru 11:10

Pun Apraham a witiwiti ewe fansoun pwe epwe nom lon ewe telinimw Kot a föri liosun o aüetä, ewe telinimw a wor longolongun esap tongeni tala.

Ipru 11:14

Chokewe mi apasatä ei sokun kapas ra afatafichi, pwe ir ra kütta eu fanü repwe tongeni fanüeni.

Ipru 11:40

pun Kot a akota och mi fokun mürina fän itach, pwe repwe chök tongeni unusöchüla lupwen kich sipwe unusöchüla.

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Ipru 13:14

Pun esap wor ach lenien wilipos ikei won fanüfan, pwe sia kütta ewe leni a souni kich me mürin.

Ipru 2:11

Jesus a alimöchü aramas seni ar tipis, iwe, i me chokewe mi küna limöch ra semeni eman chök Sam. Iei popun Jesus esap säwäsini an aita ngeniir pwiin.

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.