Ipru 11:13 - Chuukese Bible

¹³ Ekei aramas meinisin ra mäla lon ar lükülük, nge resap angei ekewe mettoch Kot a pwon ngeniir. Ra küna ekewe mettoch me toau o ra pwapwa rer. Ra pwärätä mwen mesen aramas pwe ir chon ekis me choisä won fanüfan.

Ipru 11:13 Iomraidhean Croise

Keneses 21:34

Iwe, Apraham a wasöla lon ewe fanü Filistia fansoun langatam.

Keneses 23:4

“Ngang eman wasöla mi siamü remi. Ouse mochen oupwe amömö ngeniei eu fanü pwe ai lenien peias, pun üa mochen peiaseni ai ei somä.”

Keneses 25:8

Mürin, Apraham a mäla lupwen a wesewesen chinlap. Iwe, a chufengen me an kewe lewo.

Keneses 47:9

Iwe, Jakop a pälüeni, “Ierin ai siamüfetal ipükü ilik. A chokükün ierin manauei, a pwal aweires, nge esap tori ükükün ierin manauen semelapei kewe lon ar siamüfetal.”

Keneses 48:21

Mürin, Israel a üreni Josef, “Nengeni, üpwe le mäla, nge Kot epwe etikemiila o aliwinikemiila lon fanüen semelapemi kewe.

Keneses 49:10

Esap mwöküt senuk, Juta, ewe asisilen samol, nge mwirimwirum kana repwe nemenem fansoun meinisin tori epwe war ätewe mine an ewe nemenem. Iwe, chon ekewe mwü meinisin repwe aleasochis ngonuk.

Keneses 49:18

Ai Samol mi Lapalap, üa asüküsükü om kopwe amanauaei.

Keneses 49:28

Iei ekewe engol me ruu ainangen Israel, pwal iei usun mine semer we a üreniir, lupwen a afeiöchü eman me eman ren eu feiöch mi fich ngeniir.

Keneses 49:33

Nge lupwen Jakop a awesala an fönöü nöün kewe mwän, a numätä pechen won an peet, mürin a müchüla ngasangasan. Iwe, a chufengen me an kewe lewo.

Keneses 50:24

Iwe, Josef a üreni pwin kewe, “Ngang üpwe le mäla. Nge Kot epwe fokun alisikemi, epwe emwenikemiiwu seni ei fanü o aliwinikemiila lon ewe fanü a pwon ngeni Apraham, Isaak me Jakop.”

Hiop 19:25

Ngang üa silei pwe ailei a manau, nge lon eu rän i epwe ütä won fanüfan.

Kölfel 119:19

Ngang eman chon siamü won fanüfan, kosap aopala om kewe allük seniei.

Kölfel 39:12

Ai Samol mi Lapalap, kopwe aüselinga ai iotek, kopwe aü selingom ngeni ai siö. Kosap fanafanala, lupwen üa kechü. Pun ngang üa chök eman wasöla reöm, üa eman chon siamü usun ai kewe lewo meinisin.

Ekistos 2:22

Iwe, neminewe a nöüni eman ät, nge Moses a aita ngeni Kersom, pun a apasa, “Ngang eman chon siamü lon fanüen ekis.”

Lifitikos 25:23

Iei mine ousap amömö ewe fanü tori feilfeilachök. Pun ei fanü fanüen Kot, nge ämi oua usun chök chon ekis me chon siamü won.

Numperis 10:30

Nge Hopap a üreni, “Üsap etikemi. Üpwe liwinsefäliti poputän fanüei me aramasei.”

Numperis 24:17

Üa küna i, nge esap iei, üa nenengeni, nge esap kanoto. Eföü fü epwe tötä seni Israel, eman king epwe ütä seni lon Israel pwe epwe nemenem. Epwe amökü möküren ekewe chon Moap o niela ekewe mwirimwirin Set meinisin.

Mateus 13:17

Enlet, üpwe ürenikemi, pwe chomong soufos me aramas mi pwüng ra fokun mochen küna met ämi oua küna, nge resap tongeni küna. Ra pwal mochen rongorong met ämi oua rongorong, nge resap tongeni rongorong.

Johannes 12:41

Aisea a apasa ekei kapas, pun a küna än Jesus ling o kapas usun i.

Johannes 8:56

Apraham sememi we a fokun pwapwa pwe epwe le küna fansoun ai feito. A küna ewe fansoun o pwapwaäsini.”

Nöün Paulus Toropwe ngeni ekewe Souläng lon Rom 4:21

A fokun lükü pwe Kot a tongeni apwönüetä mine a eäni pwon.

Nöün Paulus Toropwe ngeni ekewe Souläng lon Rom 8:24

Pun ren ei apilükülük sia küna manau. Nge are sia küna mine sia eäni apilükülük, ei esap wesewesen apilükülüköch. Pun iö epwe apilükülükü mine a fen küna?

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

2. Korint 5:6

Iei mine fansoun meinisin sia fokun apilükülük o silei, pwe lupwen sia nom lon inisich me fanüfan, sia toau seni lenien ach Samol.

Efisos 2:19

Iei mine ämi chon lükün Israel ousap chüen chon ekis ika wasöla, nge iei oua chon wilipos fiti nöün Kot kewe aramas, oua chon ewe familien Kot.

Ipru 11:14

Chokewe mi apasatä ei sokun kapas ra afatafichi, pwe ir ra kütta eu fanü repwe tongeni fanüeni.

Ipru 11:17

Ren än Apraham lükü, a eäni asor Isaak nöün we, lupwen Kot a sotuni. Apraham, ätewe Kot a eäni ewe pwon ngeni, nge a fen molotä an epwe eäni asor nöün we aleman,

Ipru 11:27

Ren än Moses lükü, a likitala Isip, nge esap niuokusiti än ewe king song. Moses a chök likitü, pun usun chök nge a küna ewe Kot sisap tongeni küna.

Ipru 11:39

Ekei aramas meinisin ra fokun iteüöch ren ar lükü, nge resap angei mine Kot a pwon ngeniir,

1. Petrus 1:1

Ngang Petrus nöün Jesus Kraist we soukünö, üa kapong ngeni nöün Kot kewe aramas mi fil, ir choisä mi toropasfeil lon ekewe fanü Pontus, Kalatia, Kapatosia, Asia me Petinia.

1. Petrus 1:17

Lupwen oua iotek ngeni Kot, oua aita ngeni i Samach, i ewe mi apwüngü aramas meinisin won ükükün mine eman me eman a föri, nge esap lifilifil. Iei mine lon fansoun ämi manau won ei fanüfan oupwe asamolu o meniniti i.

1. Petrus 2:11

Ämi chiechiei mi achengicheng, üa tüngormau ngenikemi usun ämi chon ekis me choisä won ei fanüfan, ousap apwönüetä ekewe mochenian fituk mi fiu ngeni ngünümi.

1. Johannes 3:19

Iwe, iei usun sia silei pwe sia pop seni ewe let. Iei usun sipwe pwal eäni apilükülük mwen mesen Kot.