Ipru 11:12 - Chuukese Bible

¹² Inamwo ika Apraham a usun chök eman mi mäla, seni ei chök eman mwän a wor chomong mwirimwirin usun chomongun ekewe fü, pwal usun chomongun ekewe pien aroset.

Ipru 11:12 Iomraidhean Croise

Keneses 15:5

Nge Kot a üreni Apram pwe epwe towu me lon imwan. Mürin a kapas ngeni, “Kopwe netä läng o aleani ekewe fü. Ifa usun, ka tongeni aleaniir? Iei usun mwirimwirum kana repwe chomong usun chomongun ekewe fü.”

Keneses 22:17

ngang üpwe fokun afeiöchuk, üpwe pwal achomongala mwirimwirum kana pwe repwe usun chök chomongun ekewe fün läng, pwal usun pien aroset. Iwe, mwirimwirum kana repwe nemeni fanüen ekewe chon oputeer.

Keneses 26:4

Ngang üpwe achomongala mwirimwirum kana pwe repwe usun chök chomongun fün läng, üpwe pwal ngeniir unusen ei fanü. Iwe, chon ekewe mwü meinisin won fanüfan repwe küna feiöch reöm,

Keneses 32:12

Nge en ka pwon ngeniei pwe kopwe atoto feiöch woi o achomonga mwirimwiri usun pien aroset pwe esap wor eman a tongeni aleaniir pokiten chomonguur.”

2. Samuel 17:11

Nge iei ai öüröür ngonuk. Kopwe emwichato reöm chon Israel meinisin seni Tan tori Persepa, pwe repwe usun chök pien aroset ren chomongur, nge en kopwe akom mwer le feila maun.

1. King 4:20

Iwe, chon Juta me chon Israel ra fokun chomong usun chök chomongun föün pien aroset. Ra momongö, ra ükkün o pwapwa.

1. Kronika 27:23

Ewe king Tafit esap angei iteiten chokewe resamwo ier rüe, pun ewe Samol mi Lapalap a pwon pwe epwe achomongala chon Israel usun chomongun ekewe fün läng.

Nehemia 9:23

Ka achomonga mwirimwirir kewe pwe ra chomong usun chomongun ekewe fün läng, ka pwal emwenirelong lon ewe fanü, ka fen üreni ar kewe lewo pwe repwe tolong lon o fanüeni.

Ekistos 32:13

Kopwe chechemeni noum kewe chon angang Apraham, Isaak, me Israel, pun ka pwon fän akapel ngeniir fän püsin itom o üreniir pwe kopwe achomongala mwirimwirir usun fün läng, kopwe pwal ngeni mwirimwirir unusen ewe fanü, pwe repwe fanüeni tori feilfeilachök usun ka fen pwon ngeniir.”

Aisea 10:22

Pun inamwo ika ekewe chon Israel ra chomong usun chök pien aroset, ekoch chök leir repwe liwinsefäl. Iwe, Kot a apwüngala fän pwüng an epwe afeiengaua chon Israel.

Aisea 48:19

Iwe, noum kewe repwe wewe ngeni pien aroset, nge mwirimwirum kana repwe chomong usun chomongun föün pi. Iwe, iter esap fokun mola ika talüla seni fän mesei.”

Jeremaia 33:22

Usun ekewe fün läng resap tongeni lea, pwal usun ekewe föün pien aroset resap tongeni aükük, iei usun üpwe achomonga ekewe mwirimwirin Tafit nei chon angang me ekewe souasor seni ewe ainangen Lefi mi angang ngeniei.”

Osea 1:10

Nge iteiten ekewe chon Israel repwe wewe ngeni ekewe föün pien aroset esap tongeni aükük ika lea. Iwe, iei Kot a üreniir, “Ämi ousap nei aramas.” Nge epwe war ewe fansoun epwe üreniir, “Ämi nöün Kot ewe mi Manau.”

Apakuk 1:9

Ir meinisin ra feito pwe repwe föri angangen mwänewüs, eniweniw a akom mwer. Ra achufengeni chon oola usun föün pi.

Nöün Paulus Toropwe ngeni ekewe Souläng lon Rom 9:27

Iwe, Aisea a kökkö fän leüömong usun Israel, “Inamwo ika ekewe chon Israel ra chomong usun pien aroset, ekoch chök me leir repwe küna manau,

Tuteronomi 1:10

Ewe Samol mi Lapalap ämi we Kot a achomongakemiila pwe ikenai oua chomong usun ekewe fün läng.

Tuteronomi 28:62

Ika mwo oua chomong usun fün läng, ämi mi chüen manau oupwe chök chokükünüla pokiten ousap aleasochisi alon ewe Samol mi Lapalap ämi we Kot.

Josua 11:4

Iwe, ra feito me nöür kewe sounfiu meinisin lon mwicheicher mi fokun watte, ükükün chochor usun föün pien aroset. A pwal wor rer chomong oris me woken.

Pwärätä 20:8

Epwe feila pwe epwe atupu chon ekewe mwü won unusen fanüfan, ekei mwü Kok me Makok. Satan epwe achufengeniir meinisin pwe repwe maun, iteiter meinisin ra usun iteiten föün pien aroset.

Soukapwüng 7:12

Iwe, ekewe chon Mitian me chon Amalek, pwal ekewe aramas meinisin seni ötiu ra nom lon ewe lemol, usun epwi pwiin lifichimas ren chomongur. Nge nöür kamel ese lea, pun ra usun chök föün pien aroset.

1. Samuel 12:5

Nge Samuel a üreniir, “Ewe Samol mi Lapalap a küna, pwal nöün we mi kepit a küna ikenai pwe ousap oori ngeniei och.” Iwe, ra üreni, “Ewer, Kot a küna.”