Ipru 11:10 - Chuukese Bible

¹⁰ Pun Apraham a witiwiti ewe fansoun pwe epwe nom lon ewe telinimw Kot a föri liosun o aüetä, ewe telinimw a wor longolongun esap tongeni tala.

Ipru 11:10 Iomraidhean Croise

Aisea 14:32

Meni sokun pworaus sipwe apworausa ngeni ekewe chon künö seni Filistia? Sipwe apworausa ngeniir pwe ewe Samol mi Lapalap a anüküchara Sion, nge nöün aramas mi nom lon riaföü repwe op lon.

Johannes 14:2

Mi wor chomong ruum lon imwen Semei. Üpwe feila o amolätä leniemi. Üsap ürenikemi ei are esap let.

2. Korint 5:1

Pun sia silei, pwe lupwen imwach imwen siamü sia nom lon, wewen inisich won ei fanüfan, epwe tala, mi wor imwach me ren Kot, imwach imwen wilipos mi nom läng tori feilfeilachök, esap förien aramas.

Filipi 3:20

Nge kich sia chon wiliposun läng. Sia ösüküsükü eman Chon Amanau ach Samol Jesus Kraist pwe epwe feito seni läng,

Ipru 11:16

Nge ra ösüküsükü eu fanü mi mürina seni, ewe fanü mi nom läng. Iei mine Kot esap säwäsiniir ar repwe aita ngeni i ar Kot, pun a amolätä eu telinimw fän iter.

Ipru 12:22

Nge ämi oua feito ngeni ewe Chuk Sion, pwal ngeni ewe telinimwen ewe Kot mi manau, ewe Jerusalem mi nom läng fiti ngeröün chon läng.

Ipru 12:28

Iei mine ousipwe kilisou, pun sia mwüni eu mwü esap tongeni siwil. Ousipwe kilisou o fel ngeni Kot fän suföl me menin lon eu lapalap i epwe pwapwa ren,

Ipru 13:14

Pun esap wor ach lenien wilipos ikei won fanüfan, pwe sia kütta ewe leni a souni kich me mürin.

Ipru 3:4

Ewer, iteiten imw aramas ra aüetä, nge Kot ewe mi aüetä mettoch meinisin.

Pwärätä 21:2

Iwe, üa küna ewe Telinimw mi Pin, ewe Jerusalem mi fö, a feitiu me läng seni Kot, a molotä usun eman fin apwüpwülü söfö a tolong lon foutan pwe epwe apwüpwülü ngeni pwülüan.