Ipru 11:1 - Chuukese Bible

¹ Iwe, iei wewen lükü: sia alletätä ekewe mettoch sia apilüküni, sia pwal silei usun mettoch mi wor sisap tongeni küna.

Ipru 11:1 Iomraidhean Croise

Kölfel 27:13

Nge ngang üa lükü pwe ewe Samol mi Lapalap epwe kirikiröch ngeniei lon fansoun ai manau won fanüfan.

Kölfel 42:11

Ngüni, pwota ka letipengau, pwota ka ngüngü me loi? Üpwe apilükülükü Kot, pun üpwe mwareitisefäli i ai Chon Amanau me ai Kot.

Föför 20:21

Üa apöchöküla ai fön ngeni ekewe chon Juta me ekewe chon lükün Israel, pwe repwe kul seni ar tipis kana o kul ngeni Kot, repwe pwal lükü ach Samol Jesus.

1. Korint 13:13

Iei usun ekei ülüngat repwe nonomola: lükülük, apilükülüköch me chen, nge chen a lapalap seniir.

2. Korint 11:17

Ewer, met üpwe apasa iei, esap iei met ach Samol a mochen üpwe apasa. Ren ei sokun aingaing üa wesewesen kapas usun eman esap mirit.

2. Korint 4:18

Pun sisap afota mesach won ekewe mettoch sia tongeni küna, nge sia afota mesach won ekewe mettoch sisap tongeni küna. Pun ekewe mettoch sia tongeni küna repwe müchüla, nge ekewe mettoch sisap tongeni küna repwe nonom tori feilfeilachök.

2. Korint 5:17

Iei mine are eman a nonom lon Kraist, i eman förien Kot mi fö. Ewe manauen lom a wes, nge eu manau mi fö a fis.

2. Korint 5:7

Pun sia manau lon lükülük, nge sap lon met sia küna.

2. Korint 9:4

Pun are ekewe souläng seni Masetonia repwe etiei o künakemi pwe oua molongau, äm aipwe fokun säw pokiten äm apilükülükükemi, nge ämi oupwe pwal säw.

Kalatia 5:6

Pun lupwen sia fen nonom lon Kraist Jesus, esap chüen wor lomoten ach sipwe sirkomsais ika sisap sirkomsais, nge met chök a aüchea, iei ach lükü Jesus mi pwä lon ach echeni aramas.

Titus 1:1

Kapong seni ngang Paulus, eman nöün Kot chon angang me eman nöün Jesus Kraist soukünö. Kot a filiei o tinieila, pwe üpwe alisi nöün Kot kewe mi fil lon ar lükülük o emweniir ngeni ar repwe silei ewe let sia kaiö seni ach lamalam.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 10:39

Nge kich sisap eti chokewe mi liwinsefäl o pöütmwälila, pwe sia eti chokewe mi lükü o küna manau.

Ipru 11:13

Ekei aramas meinisin ra mäla lon ar lükülük, nge resap angei ekewe mettoch Kot a pwon ngeniir. Ra küna ekewe mettoch me toau o ra pwapwa rer. Ra pwärätä mwen mesen aramas pwe ir chon ekis me choisä won fanüfan.

Ipru 11:27

Ren än Moses lükü, a likitala Isip, nge esap niuokusiti än ewe king song. Moses a chök likitü, pun usun chök nge a küna ewe Kot sisap tongeni küna.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

Ipru 3:14

Pun oukich meinisin sia chiechien Kraist are sia kamwöchünük tori lesopolan won ewe apilüköch sia eäni seni me lepoputän.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

2. Petrus 1:1

Ngang Simon Petrus, eman nöün Jesus Kraist chon angang me soukünö, üa kapong ngeni ämi mi angei eu lükülük mi aüchea usun chök äm ren än ach Kot me Chon Amanau Jesus Kraist pwüng.