Ipru 10:4 - Chuukese Bible

⁴ Pun chaan ekewe ätemwänin kow me chaan ekewe kuuch resap fokun tongeni amorala tipis.

Ipru 10:4 Iomraidhean Croise

Kölfel 51:16

Pun en kosap efich asor, ika ngang üpwe uwato reöm. En kosap pwapwa ren asoren kek.

Aisea 66:3

Nge eman mi niela eman kow fän iten asor, nge esap föri letipei, a usun chök eman mi niela eman aramas. Eman mi eäni asor eman sip a usun chök eman mi niela eman kolak. Iwe, eman mi uwato asoren mongö a usun chök eman mi eäni asor chan pik, nge eman mi keni apach mi pwokus a usun chök eman mi fel ngeni uluulun anümwäl. Iwe, ekana sokun aramas ra chök püsin filätä letiper, nge leluker a pwapwaiti ar föför mi anioput.

Jeremaia 6:20

Met popun pwe ra uwato rei apach mi pwokus seni Sepa, ika ekewe nofitin mongö mi arar seni fanü toau? Üsap etiwa ar asoren kek, üsap pwal pwapwa ren ar kewe asor.

Osea 14:2

Oupwe liwiniti ewe Samol mi Lapalap o eäni ei iotek ngeni, “Kopwe amusala äm kewe tipis meinisin o etiwakem fän om ümöümöch, pwe aipwe mwareituk usun äm aia fen pwon.

Osea 6:6

Pun üa mochen ämi oupwe eäni tong ellet, nge sap ämi mönün asor. Üa mochen ämi nei aramas oupwe sileei, nge sap ämi asoren kek.

Markus 12:33

Iwe, eman aramas epwe echeni Kot ren unusen lelukan, ren unusen ekiekin me unusen tufichin, epwe pwal echeni chon arun usun chök püsin an echeni. A men fokun aüchea än eman epwe aleasochisi ekei ruu allük, lap seni än epwe eäni asor man me sokopaten asor ngeni Kot.”

Johannes 1:29

Iwe, sorotän ewe rän Johannes a küna pwe Jesus a feito ren, iwe, a apasa, “Iei i ewe Lamen Kot a uweela tipisin chon fanüfan.

Nöün Paulus Toropwe ngeni ekewe Souläng lon Rom 11:27

Üpwe föri ei pwon ngeniir, lupwen üpwe angei seniir ar kewe tipis.”

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 10:11

Ekewe souasor meinisin ra föri ar angang iteiten rän o eäni asor ekewe chök sokun asor fän chomong. Nge ekei asor resap tongeni amorala än aramas tipis.

Ipru 10:8

A akomwen apasa, “Kosap mochen ika pwapwaiti ekewe asor me lifang, ika asoren man mi kekkila won ewe rongen asor me sokun asor mi amorala tipis.” A apasa ei, inamwo ika ekei asor meinisin ra fis fän pwüngün ekewe Allük.

Ipru 9:9

Iei eu lios fän itach ikenai. Wewen pwe ekewe sokopaten asor me ekewe asoren man aramas ra uwato pwe ar asor ngeni Kot, resap tongeni aunusöchüela letipen chokewe mi fel ngeni Kot.

1. Johannes 3:5

Ämi oua silei pwe Kraist a war an epwe angeala ach tipis kana. Iwe, oua silei pwe esap wor an tipis.