Ipru 10:3 - Chuukese Bible

³ Nge ekewe asor mi fis iteiten ier ra achema ngeni ekewe aramas ar tipis.

Ipru 10:3 Iomraidhean Croise

1. King 17:18

Iwe, neminewe a üreni Elias, “En aramasen Kot, pwota ka föri iei usun ngeniei? Ka feito pwe kopwe achema ngeni Kot ai kewe tipis pwe nei we ät a mäla.”

Ekistos 30:10

Fän eu lon eu ier Aaron epwe föri ewe angangen elimelima ewe rongen asoren ötüöt ren an tofi ngeni mächän kewe chan ewe mönün asoren amusamusen tipis. Ei epwe fis iteiten ier seni eu täppin aramas tori eu täppin. Ei rongen asoren ötüöt a unusen pin fän itei ngang ewe Samol mi Lapalap.”

Lifitikos 16:34

Ei epwe eu allük oupwe apwönüetä fansoun meinisin, pwe epwe fis asoren amusamusen tipis fän eu lon eu ier fän äsengesin aramasen Israel pokiten ar tipis kana.” Iwe, Moses a föri usun mine ewe Samol mi Lapalap a allük ngeni.

Mateus 26:28

Pun iei chai a allükülükü än Kot we pwon mi fö ngenikemi, a ninnila fänäsengesin chomong aramas, pwe amusamusen ar tipis kana.

Johannes 2:17

Iwe, nöün kewe chon kaiö ra chechemeni pwe a mak lon ekewe Toropwe mi Pin, “Ai Kot, ai ekipwichi imwom mi pin a küküri le üti usun eu ekkei.”

Ipru 9:7

Nge ewe Souasor mi Lap echök a tolong lon ewe Leni mi Unusen Pin fän eu chök lon eu ier. A uwei chaan ewe mönün asor a eäni asor ngeni Kot fän püsin itan pwal fän iten än ekewe aramas tipis ra föri lon ar chechengau.