Ipru 10:26 - Chuukese Bible

²⁶ Pun are sia chök sopwela le föri tipis mürin ach sia fen silei ewe let, esap chüen wor och asor fänäsengesin ach tipis.

Ipru 10:26 Iomraidhean Croise

Lifitikos 4:13

Iwe, are unusen ewe mwichen aramasen Israel epwe tipisin chechengau, nge resap mefi pwe ra föri mine ewe Samol mi Lapalap a allük ngeniir pwe resap föri, ra atoto tipis wor.

Lifitikos 4:2

pwe epwe üreni ekewe aramasen Israel: Are eman a tipisin chechengau le föri mine ewe Samol mi Lapalap a allük pwe esap föri, iei usun mine epwe föri:

Lukas 12:47

Ewe chon angang mi silei letipen nöün we masta, nge esap molotä ika föri mine a mochen, epwe angei wichiwich mi chomong.

Johannes 13:17

Iei oua silei ekei mettoch, oupwe feiöch are oupwe apwönüretä.

Johannes 9:41

Jesus a pölüeniir, “Are ämi oupwe chun, esap wor ämi tipis. Nge iei ämi oua apasa pwe oua tongeni küna mwemi, iei popun ämi tipis a chök nonom womi.”

Tuteronomi 17:12

Nge are eman a aücho pwe esap aleasochis ngeni mine a kapwüngüla me ren ewe soukapwüng ika souasor mi angang ngeni ewe Samol mi Lapalap ämi we Kot, ewe aramas epwe fokun ninnila. Iei usun oupwe limetawu mine a ngau seni lon Israel.

2. Tesalonika 2:10

epwe aea sokopaten angangen atuputup mi ngau ngeni chokewe repwe pöütmwälila. Repwe pöütmwälila pokiten resap fokun mochen etiwa o aücheani ewe kapas mi let pwe repwe küna manau ren.

1. Timoty 1:13

Inamwo ika me lom üa kapasingau usun i, üa ariaföüü o turunufaseei. Nge Kot a eäni tong ngeniei, pun esap mwo wor ai lükülük, iei mine üsap silei mine üa föri.

1. Timoty 2:4

i ewe mi mochen pwe aramas meinisin repwe küna manau, repwe pwal silei ewe let.

James 4:17

Iei mine eman aramas mi silei mine a mürina, nge esap föri, a tipis.

1. Johannes 5:16

Are eman a küna pwiin we pwe a föri och tipis esap emweni i ngeni mäla, epwe iotek ngeni Kot, pwe epwe ngeni i manau. Iei met epwe fis fän iten chokewe ar tipis esap emweniir ngeni mäla. Nge mi wor tipis mi emweni aramas ngeni mäla, üsap apasa pwe epwe iotek ngeni Kot usun ei.

1. Samuel 2:25

Are eman aramas a tipis ngeni eman aramas, Kot epwe aför lefiler. Nge are eman aramas a tipis ngeni ewe Samol mi Lapalap, iö epwe tüngor fän itan?” Nge ekewe alüal resap aüselinga alon semer we, pun a fen letipen ewe Samol mi Lapalap pwe epwe nirela.