Ipru 10:22 - Chuukese Bible

²² Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 10:22 Iomraidhean Croise

1. King 15:3

Apia a föri ekewe tipis meinisin saman we a föri me mwan, lelukan esap pwal unus ngeni ewe Samol mi Lapalap an we Kot usun leluken Tafit an we lewo.

1. Kronika 12:33

Seni ewe ainangen Sepulon ükükün limengeröü sounfiu mi sipeöch le maun, a wor ar sokopaten pisekin maun, pwe repwe alisi Tafit fän allükülük.

1. Kronika 28:9

Nge en Salomon nei mwän, kopwe lükü än semom we Kot, kopwe pwal angang ngeni ren unusen lelukom me mochenin letipom. Pun ewe Samol mi Lapalap a etittina letip meinisin o weweiti iteiten akot me ekiek. Are ka kul ngeni Kot, i epwe etiwok, nge are ka likitala i, i epwe pöütukela tori feilfeilachök.

1. Kronika 29:17

Ai Kot, üa silei pwe en ka sotuni leluken aramas, ka pwal efich wenechar. Fän wenecharen lelukei üa fangafangöch ekei mettoch meinisin. Nge iei üa küna noum aramas mi nom ikei, pwe ra pwal fangafangöch ngonuk fän pwapwa.

Kölfel 111:1

Ousipwe mwareiti ewe Samol mi Lapalap. Üpwe kilisou ngeni ewe Samol mi Lapalap ren unusen lelukei lon ewe mwichen chon wenechar, pwal lein ewe mwichen aramas.

Kölfel 119:10

Üa küttok ren unusen lelukei. Kosap mwüt ngeniei pwe üpwe aleasolap ngeni om kewe allük.

Kölfel 119:145

Üa siö ngonuk ren unusen lelukei. Ai Samol mi Lapalap, kopwe pälüeniei. Ngang üpwe aleasochisi om kewe allük.

Kölfel 119:2

Ra feiöch chokewe mi tümwünü an kewe allük. chokewe mi kütta i ren unusen leluker,

Kölfel 119:34

Kopwe fang ngeniei silelap, pwe ngang üpwe aleasochisi om kewe allük o apwönüretä ren unusen lelukei.

Kölfel 119:58

Üa tüngor seni unusen lelukei om kopwe kirikiröch ngeniei. Kopwe ümöümöch ngeniei usun ka pwon.

Kölfel 119:69

Ekewe mi lamalamtekia ra aitengauaei ren ar chofana, nge üa aleasochisi om kewe öüröür ren unusen lelukei.

Kölfel 119:7

Üpwe mwareituk fän wenecharen lelukei, lupwen üa kaiö pwüngün om kewe pwüüng.

Kölfel 119:80

Amwo üpwe fokun aleasochisi om kewe allük, pwe üsap säw.

Kölfel 32:11

Ämi chon pwüng, oupwe pwapwa o meseik ren mine ewe Samol mi Lapalap a föri. Oupwe mweireir fän pwapwa, ämi meinisin mi wenechar lelukemi.

Kölfel 51:10

Ai Kot, kopwe föri loi eu leluk mi limöch o fangelong loi eu ngün mi fö o pos.

Kölfel 73:28

Nge me rei, a mürina pwe üpwe kan ngeni Kot. Üa filätä Kot ewe Samol mi Lapalap pwe epwe ai lenien op, pwe üpwe apworausa an kewe föför meinisin.

Kölfel 84:11

Pun Kot ewe Samol mi Lapalap i ai saram, a apetiei seni ei feiengau. A fangela ngenikich ümöümöch me iteüöch. Ewe Samol mi Lapalap esap amwöchü och mi mürina seni chokewe mi föri mine a pwüng.

Kölfel 9:1

Üpwe kilisou ngonuk, ai Samol mi Lapalap, ren unusen lelukei, üpwe apworausa usun om kewe föför meinisin mi amwarar.

Kölfel 94:15

Angangen kapwüng epwe longolongsefäl won pwüng, nge meinisin mi wenechar lon leluker repwe tipeeu ngeni.

Ekistos 29:4

Kopwe pwal emwenato Aaron me nöün kewe mwän ren asamalapen ewe imw mangaku ia aramas ra churiei ie o atütüür.

Än Salomon Fos 23:26

Nei, kopwe fokun aüselingaei o apirüei lon ai föför.

Aisea 29:13

Iwe, ewe Samol a apasa, “Ekei aramas ra kan ngeniei ren kapasen awer chök, ra pwal asamoluei ren tinawer chök, nge leluker a fokun toau seniei. Ar fel ngeniei a chök fis ren allük me örünien aramas.

Aisea 52:15

Ina usun chomong mwü won fanüfan repwe pwal mairü ren, nge king kana repwe fanafanala fän mesan. Pun repwe küna mine eman esap asile ngeniir, nge mine resamwo rongorong repwe ekieki usun o wewe ren.”

Jeremaia 24:7

Üpwe ngeniir eu leluk mi silei pwe ngang ewe Samol mi Lapalap. Ir repwe nei aramas, nge ngang üpwe ar Kot, pun repwe liwinsefälitiei ren unusen leluker.

Jeremaia 3:10

Nge mine a ngau seni kei, pwe ekewe chon Juta mi kirikiringau ra chök pwomweni pwomwen ar liwinitiei, nge sap seni unusen letiper. Ngang ewe Samol mi Lapalap üa kapas.”

Jeremaia 30:21

Nöür souemwen epwe eman seni püsin leir, nge ar samol epwe ütä me leir. Epwe kaneto rei lupwen üpwe köri, pun iö a tongeni püsin kaneto rei, nge üsap köri? Ngang ewe Samol mi Lapalap üa kapas.

Isikiel 16:9

“Mürin üa atütuk ren koluk, üa talü senuk chaom o epiti ngonuk noppuk.

Isikiel 36:25

Üpwe äsupu ngenikemi koluk mi fat pwe oupwe limöch. Üpwe alimöchükemi seni ämi limengauen tipis meinisin, pwal seni ämi kewe uluulun anümwäl meinisin.

Lifitikos 14:7

Iwe, epwe äsupu ewe cha fän fisu won ewe aramas, pwe epwe limöch seni an kilingau mi afeiengau. Mürin, ewe souasor epwe anomu ewe aramas lon tettelin chon limöch, epwe pwal ässala ewe machang mi chüen manau lemäl.

Lifitikos 16:4

Iwe, epwe üföüf ewe üf mi pin o pwechepwech, pwal ewe rauesesin lon mi pwechepwech, epwe peliti ngeni ewe pelit mi pwechepwech o imweimw ewe akkau mi pwechepwech. Ikkei ekewe üf mi pin. Iwe, epwe tütü, mürin epwe üföüfolong ekewe üf mi pin.

Lifitikos 8:6

Mürin, Moses a emwenato Aaron me nöün kewe mwän o atütüür.

Sekaraia 13:1

Lon ena fansoun eu puächen koluk epwe puächetä fän iten ekewe mwirimwirin Tafit me chon Jerusalem, pwe epwe limetiir seni ar tipis me limengau.”

Numperis 8:7

Iei usun angangen om kopwe limetiir: Kopwe äsupu wor ewe kolukun limelim, nge ir repwe räisöü ülöülen unusen inisir, repwe pwal sopuni üfer o püsin limetiir.

Mateus 3:11

Ngang üa papataisikemi ren koluk pwe asisilen ämi aier. Nge ewe eman epwe war me müri epwe papataisikemi ren Ngünmifel me ekkei. I a lap seniei, pwe ngang üsap fich ngeni ai üpwe mwo nge uwou ipwan sus.

Lukas 1:1

Achengicheng en olowe Teofilus: Chomong aramas ra achocho le makkei pworausen ekewe mettoch mi fisitä lefilach.

Johannes 3:5

Iwe, Jesus a üreni, “Enlet, üpwe wesewesen ürenuk: Esap wor eman a tongeni tolong lon Mwün Kot are esap up ren koluk me Ngün.

Johannes 8:9

Iwe, lupwen ar rong ekei kapas, ra chök feila eman mürin eman, nge ekewe chinlap ra akom. Iwe, Jesus chök a nom ikenan, pwal ewe fefin mi ükütä ren.

Föför 22:16

Nge met ka witiwiti iei? Kopwe ütä o papatais, nge ren om iotek ngeni i om tipis kana repwe musala.’

Föför 8:21

Esap wor wisom are kinikinum lon ei angang, pun lelukom esap pwüng mwen mesen Kot.

1. Korint 6:11

Iwe, ekoch me leimi ra föri ekei sokun föför me lom. Nge oua fen küna limöch seni ämi tipis, oua küna pin, oua küna pwüng fän iten ach Samol Jesus Kraist, pwal ren ewe Ngünün ach Kot.

2. Korint 7:1

Ämi chiechiei kana mi achengicheng, Kot a fen ngenikich ekei kapasen pwon meinisin, iei mine sipwe püsin limetikich seni sokun limengauen inis me ngün, o sipwe manaueni eu manau mi unusen pin lon ach niuokusiti Kot.

Efisos 3:12

Lon Kraist pwal ren ach lükü i sia pwora o apilükülük lon ach churi Kot.

Efisos 5:26

A föri ei pwe epwe apini mwichefel fän iten Kot, a limeti mwichefel ren koluk, iei an kapas,

Efisos 6:5

Ämi amanau, oupwe aleasochisi ämi samol lon ei fanüfan fän niuokus me chechech. Oupwe föri ei fän wenecharen lelukemi usun chök nge oupwe aleasochisi Kraist.

1. Timoty 4:2

Ekei sokun kapasen kait ra chöüfeil ren ekewe chon chofona mi atuputup, mwelien letiper a mä, ra usun itä nge ra kar ren efoch mächä mi fokun sarara.

Titus 3:5

i a amanauakich, esap pokiten föriach föförün pwüng, nge pokiten an tong. A amanauakich ren ewe Ngünmifel, ewe mi aupusefälikich o ngenikich eu manau mi fö ren an limetikich.

Ipru 10:1

Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 10:19

Iei mine ämi pwii kana, esap fokun wor och mine epwe epetikich ach sipwe tolong lon ewe Leni mi Unusen Pin ren chaan Jesus.

Ipru 11:28

Ren an lükü a föri ewe Pasofer o a allük pwe repwe äsupu chaan ewe mönün asor ngeni penkasamen imwer, pwe ewe chon läng mi ni aramas esap niela mwänichien nöün ekewe chon Israel.

Ipru 12:24

Oua feito ren Jesus ewe chon afförün eu pwon mi fö, pwal ren ewe cha ra aea le käsup, a eäni kapas mürina seni chaan Epel.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

Ipru 6:11

Äm aia fokun mochen, pwe eman me eman leimi epwe chök achocho tori sopolan, pwe ekewe mettoch oua apilükülükü repwe pwönüetä.

Ipru 7:19

Pun ekewe Allük resap tongeni aunusöchüela och mettoch. Nge iei eu apilükülüköch mi mürina seni a fen molotä fän itach, pwe sipwe arap ngeni Kot ren.

Ipru 9:10

Pun ekei sokun asor ra chök masoueni mongö, minen ün me sokopaten angangen limelim. Ekei mettoch allük fän iten chök inisich, ra chök pöchökül tori ewe fansoun lupwen Kot epwe akotasefäli me asöföü mettoch meinisin.

Ipru 9:19

Akomwan Moses a asile ngeni ekewe aramas masouen ekewe allük meinisin. Mürin a angei chaan ekewe ätemwänin kow me chaan ekewe kuuch mi nofitfengen me koluk o aea ülün ewe irä isop me ülen sip mi parapar le äsupu ngeni ewe puken allük pwal ngeni ekewe aramas meinisin.

James 1:6

Nge lupwen epwe tüngor, epwe tüngor fän lükülük, nge esap tipemwaramwar. Pun eman mi tipemwaramwar a wewe ngeni eu noon lematau, a mwökütüküt o nono ren asepwäl.

James 4:8

Oupwe arap ngeni Kot, iwe, epwe arap ngenikemi. Oupwe limeti pöümi, ämi chon tipis kana, oupwe limeti lelukemi, ämi chon tipekinikin kana.

1. Petrus 1:2

Ämi oua fil me ren Samach Kot, pun iei usun letipan, Ngünmifel a apinikemi pwe oupwe aleasochisi Jesus Kraist o küna limöch ren chaan. Ümöümöch me kinamwe epwe chomongola remi.

1. Petrus 3:21

Ei koluk eu liosun papatais mi amanauakemi iei. Esap limetala pwülün inis, nge eu pwon ngeni Kot oua eäni seni eu mwelien letipemi mi limöch. Iwe, a amanauakemi ren än Jesus Kraist manausefäl,

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,