Ipru 10:19 - Chuukese Bible

¹⁹ Iei mine ämi pwii kana, esap fokun wor och mine epwe epetikich ach sipwe tolong lon ewe Leni mi Unusen Pin ren chaan Jesus.

Ipru 10:19 Iomraidhean Croise

Nöün Paulus Toropwe ngeni ekewe Souläng lon Rom 5:2

Ren ach lükülük, Kraist a emwenikichelong lon än Kot ümöümöch, iei sia manau lon. Iei mine sia pwapwaäsini ach apilükülüköch ngeni ewe ling Kot epwe ngenikich.

Nöün Paulus Toropwe ngeni ekewe Souläng lon Rom 8:15

Pun ewe Ngün Kot a ngenikemi esap nöünikemi chon angang pwe oupwe niuokus, nge ewe Ngün a atolongakemi lon tettelin nöün Kot. Iwe, ren atufichien ewe Ngün sia kökkö ngeni Kot, “Sam! Semei!”

Efisos 2:18

Pun ren Kraist kich meinisin, chon Juta me chon lükün Israel, sia tongeni feito mwen mesen Samach ren eman chök Ngün.

Efisos 3:12

Lon Kraist pwal ren ach lükü i sia pwora o apilükülük lon ach churi Kot.

2. Timoty 1:7

Pun ewe Ngünmifel Kot a ngenikich esap afisi ngenikich ach sipwe pireir, nge a ngenikich Ngünün mi aurakich ren pwora, chen me ewe tufichin püsin nemeni inisich.

Ipru 10:18

Iei mine lupwen ar kewe tipis a musala, esap chüen wor lomoten an epwe fis asoren amusamusen tipis.

Ipru 10:35

Ousap pöütala ämi apilüköch, pun epwe atoto ngenikemi eu liwin mi watte.

Ipru 12:28

Iei mine ousipwe kilisou, pun sia mwüni eu mwü esap tongeni siwil. Ousipwe kilisou o fel ngeni Kot fän suföl me menin lon eu lapalap i epwe pwapwa ren,

Ipru 3:1

Iei mine ämi pwii kana souläng mi pwal kö me ren Kot, oupwe fokun ekieki usun Jesus, ewe Soukünö me Souasor mi Lap sia pwärätä usun.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 4:16

Iei mine sipwe arap ngeni än Kot we lenien mot fän apilüköch, ia sia küna ümöümöch me ie. Ikenan sipwe angei tong o küna ümöümöch, pwe epwe alisikich lon fansoun ach osupwang.

Ipru 7:25

Iei mine a tongeni amanaua chokewe meinisin mi arap ngeni Kot ren i fansoun meinisin, pun a manau tori feilfeilachök pwe epwe tüngor ngeni Kot fänäsengesiir.

Ipru 9:12

Lupwen Kraist a tolong lon ewe imwenfel seni mangaku, a tolong lon ewe Leni mi Unusen Pin fän eu chök, nge a naf ngeni fansoun meinisin. Iwe, esap uwalong chaan kuuch me chaan ätemwänin kow, pwe epwe eäni asor, nge a uwalong püsin chaan, pwe epwe angasakich seni ach tipis tori feilfeilachök.

Ipru 9:3

Pekilongen ewe aruachön cheech mangaku a wor eu leni mi iteni Unusen Pin.

1. Johannes 4:17

Ren ei chen a unusöchüla loch, pwe sia apilükülüköch lon ewe Ränin Kapwüng. Ewer, sipwe eäni apilükülüköch, pun manauach won ei fanüfan a usun chök manauen Kraist.