Ipru 10:1 - Chuukese Bible

¹ Pun ekewe Allük ra chök ngünüen ekewe mettoch mi mürina repwe feito, nge esap wesewesen iei inisin ekewe mettoch. Ra eäni ekewe chök sokun asor fansoun meinisin iteiten ier me ier. Epwe ifa usun än ekewe aramas mi feito ren Kot repwe tongeni unusöchüla ren ar apwönüetä ekewe allük usun ekewe asor?

Ipru 10:1 Iomraidhean Croise

Lifitikos 9:16

A pwal uwato ewe mönün asoren kek o eäni asor lon pwüngün angangen allükün.

Nöün Paulus Toropwe ngeni ekewe Souläng lon Rom 8:3

Iwe, mine ewe Allük esap tongeni föri pokiten fitukach a apwangapwang, Kot a föri: A ngeni tipis liwinin lon fituken Nöün we, ren an tinato püsin Nöün lon lapalapen aramas usun eman aramas tipis, pwe epwe eu asoren tipis.

Kolose 2:17

Ekei mettoch meinisin ngünüen chök ekewe mettoch repwe feito me mürin, nge ewe mi wesewesen enlet, iei i Kraist.

Ipru 10:22

Iei mine ousipwe arap ngeni Kot ren wenecharen letipach, pwal fän lükülük mi nüküchar, ren letipach mi limöch seni mengiringirin ach tipis, pwal ren inisich mi limelim ren koluk mi limöch.

Ipru 7:11

Kot a ngeni ekewe aramasen Israel ekewe Allük, nge ra longolong won angangen ekewe souasor, ir mwirimwirin Lefi. Iwe, are angangen ekewe souasor, ir mwirimwirin Lefi, epwe unusöch, esap wor lomoten än pwal eman souasor epwe wareto seni lon tettelin Melkisetek, nge sap eman seni lon tettelin Aaron.

Ipru 8:5

Ewe angang ra föri lon wiser wisen souasor a chök eu lios me ngünüen ekewe mettoch mi wor lon läng. Pwal iei chök usun mine a fis ren Moses. Me mwen an epwe aüetä ewe imwenfel seni mangaku, Kot a üreni, “Kopwe tümwünüfichi pwe kopwe föri meinisin lon lapalapen ewe lios ka küna me won ewe chuk.”

Ipru 9:11

Nge Kraist a feito lon ewe wisen Souasor mi Lap fän iten ekewe mettoch mi mürina ra fen nom ikei. Ewe imwenfel seni mangaku i a angang lon a lap o fokun unusöch. Esap för ren pöün aramas, pun esap eu kinikinin minen fanüfan.

Ipru 9:23

Ekei mettoch, aramas ra wisen limeti lon ei chök lapalap, liosun ekewe mettochun lon läng. Nge fän iten limelimen ekewe mettochun lon läng epwe fokun wor sokun asor mi mürina seni.

Ipru 9:25

Ewe Souasor mi Lap a tolong lon ewe Leni mi Unusen Pin iteiten ier ren chaan eman man. Nge Kraist esap tolong läng pwe epwe asor inisin fän chomong,