Ipru 1:9 - Chuukese Bible

⁹ Ka efich pwüng, nge ka oput mine a ngau. Iei mine Kot, om we Kot a filuketä, a fang ngonuk pwapwan om iteüöch lap seni an fang ngeni chiechiom kewe.”

Ipru 1:9 Iomraidhean Croise

Kölfel 11:5

Ewe Samol mi Lapalap a sotuni ekewe aramas mi pwüng me ekewe aramasangau, a oput ätewe mi föri föförün mwäneson.

Kölfel 119:104

Üa angei ai mirit seni om kewe öüröür, iei mine üa oput ekewe föför mi ngau meinisin.

Kölfel 119:128

Iei mine üa apwönüetä om kewe öüröür meinisin, nge üa oput ekewe föför mi mwäl.

Kölfel 2:2

Ekewe king won fanüfan ra ütä, ekewe sounemenem ra pwüngüpwüngfengen usun ar repwe ü ngeni ewe Samol mi Lapalap, pwal ngeni nöün we mi kepit.

Kölfel 2:6

Iwe, a apasa, “Üa seikätä ai king lon wisan me won Sion chuki we mi pin.”

Kölfel 23:5

Ka amolätä eu chepelin mongö fän itei me fän mesen ekewe chon oputaei, ka epiti ngeni mökürei lö, ka alölöü ai kap tori a urela.

Kölfel 33:5

Ewe Samol mi Lapalap a sani pwüng me let, fanüfan a ur ren an tong ellet.

Kölfel 37:28

Pun ewe Samol mi Lapalap a efich mine a pwüng, esap likitala nöün kewe mi allükülük. Ewe Samol mi Lapalap a tümwünü ekewe chon pwüng tori feilfeilachök, nge mwirimwirin ekewe aramasangau repwe kärila.

Kölfel 40:8

Üa pwapwa le föri letipom, ai Kot, om allük a nom lon lelukei.”

Kölfel 45:6

Om lenien motun king a usun chök än Kot lenien mot, a nom tori feilfeilachök. Ka nemeni noum kewe aramas fän pwüng.

Kölfel 45:7

Ka efich pwüng, nge ka oput mi ngau. Iei mine Kot, om we Kot a filuketä, a fang ngonuk pwapwa lap seni an fang ngeni chienom kewe.

Kölfel 89:20

Üa awisa nei we chon angang Tafit pwe epwe king. Üa epiti ren ai lö mi pin.

Kölfel 89:26

Iwe, epwe apasa ngeniei, ‘En semei me ai Kot, en ewe chon tümwünüei me ai Chon Amanau.’

Än Salomon Fos 8:13

Eman mi niuokusiti ewe Samol mi Lapalap a oput mine a ngau. Üa oput lamalamtekia me sikesik, pwal föför mi ngau me kapasen atuputup.

Aisea 61:1

Iwe, Ngünün Kot ewe Samol mi Lapalap a nonom woi, pun a awisaei pwe üpwe aronga ngeni chon mwelele pworausen manau. A tinieito pwe üpwe achipa chon luketatakis, üpwe asile ngeni chon oola ar repwe ngasala, pwal ngeni chon fötek pwe epwe suk lenien ar fötek.

Aisea 61:3

Üpwe ngeni chokewe mi letipeta lon Sion epa mwärämwär siwilin falangen won mökürer, pwapwa siwilin kechü, pwal kölün mwareiti siwilin letipeta. Iwe, repwe wewe ngeni irä ewe Samol mi Lapalap a püsin fotuki, repwe föri mine a pwüng pwe Kot epwe küna ling ren.

Aisea 61:8

Iwe, ewe Samol mi Lapalap a apasa, “Ngang üa efich pwüng, nge üa oput solä me föföringau. Üpwe ngeni nei aramas liwinir fän allükülük, üpwe pwal föri ngeniir eu pwon esemüch.

Amos 5:15

Oupwe oput mine a ngau o efich mine a pwüng. Oupwe eäni wenechar me lon kapwüng. Eli Kot ewe Samol mi Unusen Manaman epwe ümöümöch ngeni chokewe mi chüen manau me lein chon Israel.

Sekaraia 8:17

Ousap ekiekin sorongau lon lelukemi eman ngeni eman, ousap pwal sani akapelmwäl. Pun ekei föför meinisin üa oput,” iei alon ewe Samol mi Lapalap.

Numperis 7:43

A eäni asor eu peleich seni silifer ükükün choun ülüngat eu lerüanü paun, pwal eu sepi seni silifer ükükün choun eu ülüngat lerüanü paun, a för won ewe kilo ra aea le aükük lon ewe imw mi pin. Nge ir me ruu ra ur ren pilawa mi amas o mürina, a nofit ngeni apüra pwe asoren mongö.

Lukas 4:18

“Ngünün ewe Samol a nonom woi, pun a afiliei pwe üpwe afalafala ewe Pworausen Manau ngeni ekewe chon mwelele. A tiniei, pwe üpwe aronga ngeni ekewe chon fötek pwe repwe ngasala, ekewe chon chun pwe repwe küna mwer, üpwe pwal angasala chokewe aramas ra ariaföüür.

Johannes 1:41

Andru a müttir küna pwiin we Simon o üreni, “Äm aia küna ewe Messaia.” (Wewen ei kapas Messaia ‘Kraist’.)

Johannes 10:17

“Iwe, Semei a echeniei, pun üa fangala manauei pwe üpwe angeesefäli.

Johannes 20:17

Jesus a üreni, “Kosap atapaei, pun üsamwo feitä ren Semei. Nge kopwe feila ren pwii kewe o üreniir, pwe üpwe feitä ren Semei pwal Semer, ren ai Kot pwal ar Kot.”

Johannes 3:34

Iwe, ewe eman Kot a tinato a apasatä än Kot kewe kapas, pun Kot a aunusa ngeni Ngünün.

Föför 10:38

Oua silei usun Jesus Kraist seni Nasaret, pwal usun än Kot tinatiu won ewe Ngünmifel o ngeni an manaman. A fetalfeil ekis meinisin, a föri föför mürina o apöchöküla meinisin mi nom fän nemenien ewe Tefil, pun Kot a eti.

Föför 4:26

Ekewe kingen fanüfan ra amoleeretä, nge ekewe samol ra chufengen pwe repwe ü ngeni ewe Samol me nöün we Kraist.’

Föför 4:27

Pun iei usun mine a fis: Herotes me Pontius Pilatus ra mwichfengen me ekewe chon lükün Israel me ekewe aramasen Israel lon ei telinimw ar repwe ü ngeni Jesus noumw Chon Angang mi pin, ätewe en ka epiti.

Nöün Paulus Toropwe ngeni ekewe Souläng lon Rom 12:9

Ämi chen epwe fokun wenechar. Oupwe oput mine a ngau o kamwöchünük won mine a mürina.

Nöün Paulus Toropwe ngeni ekewe Souläng lon Rom 15:13

Nge ewe Kot, i popun ämi apilükülük, epwe aurakemi ren watten pwapwa me kinamwe ren ämi lükü i, pwe ämi apilükülüköch epwe säsewu ren manamanen Ngünmifel.

1. Korint 1:9

Kot a allükülük, i ewe a körikemi pwe oupwe chiechi ngeni Nöün we Jesus Kraist ach Samol.

2. Korint 11:31

Ewe Kot, i Semen ach Samol Jesus a silei pwe üsap chofona. Itan epwe feiöch tori feilfeilachök!

Kalatia 5:22

Nge iei ekewe uän Ngün: chen, pwapwa, kinamwe, mosonotam, kirikiröch, aramasöch, allükülük,

Efisos 1:3

Sipwe kilisou ngeni Kot Semen ach Samol Jesus Kraist, pun a afeiöchükich lon Kraist ren ekewe feiöchün ngün meinisin ra nonom lon läng.

Filipi 2:9

Iei mine Kot a atekiatai won eu leni mi fokun tekia, a pwal ngeni eu it mi iteföüla seni it meinisin.

Ipru 2:11

Jesus a alimöchü aramas seni ar tipis, iwe, i me chokewe mi küna limöch ra semeni eman chök Sam. Iei popun Jesus esap säwäsini an aita ngeniir pwiin.

Ipru 2:9

Nge sia küna Jesus, ewe Kot a föri pwe epwe kis fän ekewe chon läng lon fansoun mochomoch, pwe ren än Kot ümöümöch epwe mäla fänäsengesin aramas meinisin. Iwe, iei sia küna i, pwe a mwärini ling me iteüöch pokiten an riaföü me mäla.

Ipru 7:26

Iei usun Jesus ewe Souasor mi Lap a alisikich lon ach osupwang meinisin. I ewe mi pin, esap wor an mwäl ika an tipis. Kot a aimwüela i seni chon tipis o atekiatai seni ekewe läng.

1. Petrus 1:3

Ousipwe mwareiti Kot ewe Semen ach Samol Jesus Kraist! Pun lon an tong mi lapalap a aupusefälikich ren än Jesus Kraist manausefäl seni mäla. Ei a aurakich ren eu apilükülük mi manau,

1. Johannes 1:3

Mine aia fen küna o rongorong aia pwal asile ngenikemi, pwe ämi oupwe etikem lon äm chiechifengen me ewe Sam me Jesus Kraist Nöün we.

Pwärätä 2:15

Ina chök usun a pwal wor reöm aramas mi aleasochis ngeni aitien ekewe chon Nikolaus.