Ipru 1:7 - Chuukese Bible

⁷ Iwe, Kot a apasa usun ekewe chon läng, “Kot a föri pwe nöün kewe chon läng ra usun asepwäl, pwal nöün kewe chon angang ra usun pulopulen ekkei.”

Ipru 1:7 Iomraidhean Croise

Keneses 3:24

Mürin än Kot asüela ewe aramas, a anomu Keropim ötiuen ewe tanipi Eten, pwal efoch ketilas mi pulopulen ekkei o märäkul, pwe repwe mamasa ewe al a ale ngeni ewe irän manau.

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

2. King 2:11

Lupwen ra chüen mwinela o kapasfengen, nengeni, efoch woken mi pulopulen ekkei me oris mi pulopulen ekkei ra aimwüfeseni ekewe ruoman, nge Elias a feitä läng lon eu ewiniär.

2. King 6:17

Mürin, Elisa a iotek, “Ai Samol mi Lapalap, üa tüngor ngonuk, kopwe aneneloi mesen nei ei chon angang pwe epwe küna.” Iei mine ewe Samol mi Lapalap a aneneloi mesen ewe alüal. Iwe, a küna pwe ewe chuk a kula ren oris me woken mi pulopulen ekkei, ra nom pwelin ünükün Elisa.

Kölfel 104:4

Ka akünöü ekewe asepwäl pwe noum chon künö, o nöüni chon angang ngetengeten ekkei.

Aisea 6:2

Serafim ra ütä pwelin ünükün, nge eman me eman leir a wor wonofoch pöükässin. Ruofoch ra pwölü ngeni won meser, ruofoch ngeni pecher, nge ruofoch ra äs won.

Taniel 7:10

Iwe, eu ekkei mi watte a ngetewu seni, ngeröün chon angang ra angang ngeni, nge eu mwichen millionun aramas ra ütä mwan. Iwe, ekewe souapwüng ra mottiu o suki puk kana pwe repwe eäni kapwüng.

Sekaraia 6:5

Nge ewe chon läng a pälüeniei, “Ikkeiir ekewe föman ngün seni läng mi towu seni fän mesen ewe Samolun unusen fanüfan.

Ipru 1:14

Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.