Ipru 1:6 - Chuukese Bible

⁶ Nge lupwen Kot ekärän tinato Nöün mwänichi lon ei fanüfan, a apasa, “Nöün Kot kewe chon läng meinisin repwe fokun fel ngeni.”

Ipru 1:6 Iomraidhean Croise

Kölfel 97:7

Aramas meinisin mi fel ngeni ekewe uluulun anümwäl repwe küna säw, pwal chokewe mi aingaing won ekewe anümwäl esap wor aüchear. Ekewe kot meinisin ra chapetiu me mwen ewe Samol mi Lapalap.

Mateus 24:14

Iwe, aramas repwe afalafalafeili ewe Pworausen Manau usun ewe Mwün Kot won unusen fanüfan, pwe epwe eu minen pwärätä ngeni aramas meinisin. Mürin epwapw tori fansoun sopolan.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 1:18

Esap wor eman aramas a küna Kot fän eu. Nge Nöün Kot Aleman mi nom ren ewe Sam a fen pwäri ngeni aramas usun Kot.

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Nöün Paulus Toropwe ngeni ekewe Souläng lon Rom 8:29

Iwe, chokewe Kot a fen filiiretä me lom a pwal aimwürela pwe repwe wewe ngeni Nöün we lon lapalapan, pwe i ewe epwe mwänichi lein pwiin kewe mi chomong.

Tuteronomi 32:43

Ämi chon ekewe mwü, oupwe fiti nöün ewe Samol mi Lapalap kewe aramas le meseik, pun epwe apwüngü chokewe meinisin mi niela nöün chon angang o ngeni chon ü ngeni chappen ar föför, epwe pwal limeti fanüen nöün aramas seni tipis.”

Kolose 1:15

Kraist, ätewe sia tongeni küna, a lapalapeni lapalapen Kot, ewe sisap tongeni küna. I Nöün we mwänichi, a tekia seni förien Kot meinisin.

Kolose 1:18

I möküren inisin we, iei ewe mwichefel. I popun pwe ewe inis a manau. I Nöün Kot, ewe mwänichi, Kot a amanauasefäli seni mäla, pwe i chök epwe tekia mwen mettoch meinisin.

Ipru 1:5

Pun Kot esamwo apasa ngeni eman nöün kewe chon läng, “En nei, ikenai üa wiliti Semom.” Kot esap pwal apasa usun eman chon läng, “Ngang üpwe Saman, nge i epwe Nei.”

Ipru 10:5

Iei mine, lupwen Kraist epwele feito fanüfan a üreni Kot, “Kosap mochen ekewe asor me lifang, nge ka ngeniei eu inis.

1. Petrus 3:22

i ewe mi feitä läng, a nonom lepelifichin Kot o a nemeni ekewe chon läng meinisin, pwal ekewe ngün mi wor ar nemenem me manaman.

1. Johannes 4:9

Iwe, Kot a pwäri an echenikich ren an tinato Nöün Aleman lon fanüfan, pwe kich sipwe manau ren.

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,