Ipru 1:2 - Chuukese Bible

² Nge lon ekei ränin sopolan a kapas ngenikich ren Nöün we. I ätewe Kot a föri fanüfan me läng ren, ätewe Kot a filätä pwe epwe eäni mettoch meinisin.

Ipru 1:2 Iomraidhean Croise

Keneses 49:1

Iwe, Jakop a köri nöün kewe mwän o üreniir, “Oupwe mwicheto rei pwe üpwe asile ngenikemi mine epwe torikemi lon ekewe fansoun repwe feito.

Aisea 2:2

Iwe, lon fansoun sopolan, ewe chuk ia a nom ie imwenfelin ewe Samol mi Lapalap epwe fefeitä o nükünük, epwe pwal tekia seni chuk meinisin. Chon ekewe mwü won fanüfan repwe mwicheto ren.

Aisea 44:24

Iei alon ewe Samol mi Lapalap om Chon Amanau a föruk, “Ngang ewe Samol mi Lapalap, üa föri mettoch meinisin. Ngang chök üa ameresala läng, üa pwal oletala fanüfan, nge esap wor eman a alisiei.

Aisea 45:12

Ngang üa föri fanüfan, üa pwal föri aramasen won. Iwe, ren ai manaman üa ameresala läng, üa pwal nemeni akkar, maram me fü kana.

Aisea 45:18

Iwe, ewe Samol mi Lapalap a föri läng, i ewe Kot a pwal föri fanüfan o anüküchara. Esap föri pwe epwe kotongau, nge a föri pwe lenien aramas. Iwe, a apasa, “Ngang ewe Samol mi Lapalap, esap wor eman Kot lüki.

Jeremaia 30:24

Än ewe Samol mi Lapalap song mi watte esap kul tori epwe afisätä o awesala mine a ekieki lon lelukan. Lon ekewe fansoun mürin oupwap weweiti usun ekei mettoch.

Jeremaia 48:47

Nge lon kan fansoun mwach, üpwe aliwinisefäli ekewe chon Moap mi oola. Ngang ewe Samol mi Lapalap üa kapas.” Iei ükütiuen ewe apwüng won Moap.

Isikiel 38:16

Iwe, kopwe maun ngeni nei aramasen Israel o feitiu wor usun eu mölümöl mi tori ewe fanü. Lon kan fansoun repwe feito üpwe tinukela, Kok, pwe kopwe maun ngeni fanüei, pwe chon ekewe mwü repwe sileei, lupwen üpwe pwärala womw me fän meser pwe üa pin.

Taniel 10:14

Iei üa feito pwe üpwe aiti ngonuk mine epwe fis ngeni aramasom lon kan fansoun repwe feito, pun künaom a pwärätä usun.”

Taniel 2:28

Nge mi wor eman Kot won läng a pwäri mine a monomon, a pwal pwäri ngonuk, en king Nepukatnesar, mine epwe fis me mürin. Iei usun om we tan me künaom, lupwen ka annut.

Osea 3:5

Mürin, ekewe chon Israel repwe kul o kütta ewe Samol mi Lapalap ar we Kot, pwal eman mwirimwirin Tafit ar we king. Repwe feito ren ewe Samol mi Lapalap fän chechech o angei an feiöch lon fansoun epwe feito.

Mika 4:1

Iwe, lon ewe fansoun epwe feito, ewe chuk ia a nom ie imwen ewe Samol mi Lapalap epwe fefeitä o nükünük, epwe pwal tekia seni chuk meinisin, nge chon ekewe mwü won fanüfan repwe mwicheto ren.

Numperis 24:14

Iei üpwe liwinla ren aramasei kewe. Nge üpwe asile ngonuk mine ekewe aramasen Israel repwe föri ngeni noum aramas lon ekan rän mwach.”

Mateus 13:39

nge ewe chon oput mi amworafeili ewe pötöwölingau, iei i Tefil. Ewe fansoun kinikinin räs, iei ewe fansoun lesopolan, nge ekewe chon angangen räs, ir ekewe chon läng.

Mateus 17:5

Lupwen Petrus a chüen kakapas, eu kuchu mi saramaram a anürürela o eu mangüngü seni lon ewe kuchu a apasa, “Iei i nei mi achengicheng üa fokun pwapwa ren, oupwe aüselinga!”

Mateus 21:38

Nge lupwen ekewe chon mälämäl ra küna ewe nau, ra kapasfengen lefiler, ‘Iei i alemürin ätewe mine an ei tanipi. Ou etto, ousipwe niela, pwe sipwe angei mine an me ren saman!’

Mateus 26:63

Nge Jesus a chök fanafanala. Iwe, ewe Souasor mi Lap a pwal apasa ngeni Jesus, “Kopwe pwon fän akapel iten ewe Kot mi manau o ürenikem ika en ewe Kraist, Nöün Kot.”

Mateus 28:18

Nge Jesus a kan ngeniir o üreniir, “Nemenem meinisin won läng me fanüfan a toriei.

Mateus 3:17

Mürin eu möngüngü a möngüngüwu seni läng a apasa, “Iei i nei mi achengicheng, üa unusen pwapwa ren.”

Markus 1:1

Iei poputän ewe Pworausen Manau usun Jesus Kraist ewe Nöün Kot.

Markus 12:6

Iwe, a chüen wor eman lusun, iei püsin nöün we a fokun echeni. Amüchülan a tinala nöün we ren ekewe chon mälämäl, pun a üra, ‘Üa lükü, pwe repwe meniniti nei we mwän.’

Markus 12:7

Nge ekewe chon mälämäl ra kapasfengen lefiler, ‘Iei i alemürin, ätei mine an ei tanipi. Oule feito, sipwe niela, pwe sipwe eäni mine an me ren saman.’

Johannes 1:10

A nom lon fanüfan o fanüfan a för ren, nge fanüfan esap silei i.

Johannes 1:14

Ewe Kapas a wiliti aramas o nonom lefilach. Sia nengeni an we ling, ewe ling Saman a ngeni, pun i Nöün Aleman, a uren ümöümöch me let.

Johannes 1:3

Kot a föri mettoch meinisin ren ewe Kapas, esap wor och lein förian kewe a för lükün i.

Johannes 13:3

Jesus a silei pwe Saman a fen atolonga mettoch meinisin fän nemenian. A silei pwe a feito seni Kot, nge epwe pwal liwinsefäl ngeni Kot.

Johannes 13:32

Are lingen Kot a pwäla ren i, mürin Kot epwe pwal pwäri lingen Nöün Aramas lon püsin i, nge epwe müttir alingala.

Johannes 15:15

Üsap chüen aita ngenikemi nei chon angang, pun eman chon angang esap silei mine an samol a föri. Nge üa aita ngenikemi chiechiei, pun üa asile ngenikemi meinisin mine üa rongorong me ren Semei.

Johannes 16:15

Mettoch meinisin mine än Semei, iei pwal ai. Iei popun üpwe ürenikemi pwe ewe Ngünmifel epwe angei seni mine ai o aronga ngenikemi.

Johannes 17:2

Pun ka ngeni nemenem won aramas meinisin, pwe epwe ngeni chokewe en ka ngeni manau esemüch.

Johannes 3:16

Pun iei usun Kot a echeni chon fanüfan, pwe a fangala Nöün Aleman, pwe meinisin mi lükü i resap pöütmwälila, pwe repwe eäni manau esemüch.

Johannes 3:25

Iwe, ekoch nöün Johannes kewe chon kaiö ra popuetä le anini ngeni eman re Juta usun ar limeti inisiir me mettochur lon pwüngün ar lamalam.

Johannes 5:26

Usun chök ewe Sam i popun manau, iei usun a föri pwe Nöün we pwal i popun manau.

Johannes 5:27

Iwe, a ngeni ewe Nau ewe wis pwe epwe souapwüng, pun i ewe Nöün Aramas.

Johannes 9:29

Äm aia silei pwe Kot a kapas ngeni Moses me lom, nge enan mwän äm aise fen mwo nge silei ia a feito me ie.”

Föför 10:36

Oua silei ewe kapas Kot a tinala ngeni ekewe aramasen Israel, a arongafeili ewe Pworausen Manau pwe sipwe kinamwefengen me Kot ren Jesus Kraist, i ewe Samol mi nemeni aramas meinisin.

Föför 2:17

‘Kot a apasa: Iei usun met üpwe föri lon ekewe ränin sopolan. Ngang üpwe tinato Ngüni won aramas meinisin. Nöümi mwän me fefin repwe osuni, nöümi alüal epwe wor künaer, ekewe chinlap mwän me leimi repwe soutatan.

Nöün Paulus Toropwe ngeni ekewe Souläng lon Rom 1:4

Nge lon pekin ngünün mi fel a pwä fän manaman mi lapalap pwe i Nöün Kot, ren an manausefäl seni mäla, i Jesus Kraist ach Samol.

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

1. Korint 2:7

Ewe tipachem sia arongafeili, iei än Kot we tipachem mi monomon, a monola seni aramas, nge Kot a fen amolätä me mwen än fanüfan esamwo wor, pwe sipwe küna ling ren.

1. Korint 8:6

nge fän itach mi wor eman chök Kot, i ewe Sam mi föri mettoch meinisin, nge kich sia manau fänäsengesin. Sia pwal eäni eman chök Samol, Jesus Kraist, mettoch meinisin ra för ren o kich sia manau ren.

Kalatia 4:4

Nge lupwen a war ewe fansoun mi kapwüngüla, Kot a tinato püsin Nöün. A uputiu seni eman fefin o a nonom fän ekewe Allük,

Efisos 1:10

Ei ekiek Kot epwe aunusöchü lupwen epwe tori ewe fansoun mi afat pwe epwe achufengeni förian meinisin lon läng me fanüfan, pwe repwe nonom fän nemenien Kraist.

Efisos 3:9

üpwe pwal afataöchü ngeni aramas meinisin usun än Kot we ekiek mi monomon epwe pwönüetä. Kot ewe mi föri mettoch meinisin a amonomona an we monomon lon ekewe fansoun lomlom,

Tuteronomi 18:15

“Iwe, ewe Samol mi Lapalap ämi we Kot epwe awora eman soufos me leimi usun ngang, nge ämi oupwe aleasochisi.

Tuteronomi 31:29

Pun üa silei pwe mürin ai mäla oupwe fokun föri föför mi ngau o aleasolap ngeni mine üa allük ngenikemi. Iwe, lon kan rän mwach feiengau epwe torikemi, pun oupwe föri mine a ngau me fän mesen ewe Samol mi Lapalap o asonga ren ämi uluulun anümwäl oua föriir.

Tuteronomi 4:30

Iwe, lupwen oua nom lon riaföü, nge ekei mettoch meinisin repwe torikemi lon kan rän mwach, mürin oupwe liwiniti ewe Samol mi Lapalap ämi we Kot o aleasochis ngeni.

Ipru 1:5

Pun Kot esamwo apasa ngeni eman nöün kewe chon läng, “En nei, ikenai üa wiliti Semom.” Kot esap pwal apasa usun eman chon läng, “Ngang üpwe Saman, nge i epwe Nei.”

Ipru 1:8

Nge usun Nöün we Kot a apasa, “O Kot, mwum epwe nonom tori feilfeilachök. Ka nemeni noumw aramas fän pwüng.

Ipru 11:3

Ren ach lükü sia tongeni weweiti pwe läng me fanüfan ra för ren än Kot kapas, pwe mine sia tongeni küna a fisitä ren mine sisap tongeni küna.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

Ipru 3:6

Nge Kraist a allükülük lon wisen eman nau o nemeni imwen Kot. Iwe, kich imwen Kot are sia likitü lon ach tipepwora me ach apilükülük lon met sia apilükülük ngeni.

Ipru 4:14

Iei mine ousipwe kamwöchünük won ewe lükü sia pwärätä usun. Pun a nom rech eman Souasor mi Lap, Jesus ewe Nöün Kot, a feitä läng o a nonom mwen mesen Kot.

Ipru 5:8

Iwe, inamwo are i Nöün Kot, nge a kaiö aleasochis ren ekewe riaföü a tolong lon.

Ipru 7:28

Lon pwüngün ekewe Allük, aramas resap unusöch ra kefilitä lon ewe wisen souasor mi lap. Nge än Kot pwon mi fis fän akapel a tapweto me mürin ekewe Allük, a filätä ewe Nau mi unusöch tori feilfeilachök.

Ipru 7:3

Esap wor uruwon saman ika inan ika an lewo, esap pwal wor uruwon an uputiu ika an mäla. Iwe, a usun ewe Nöün Kot, a nonom lon wisen souasor tori feilfeilachök.

Ipru 9:26

pun are epwe iei usun, epwe riaföü fän chomong seni ewe fansoun Kot a föri fanüfan. Nge iei lupwen a arapakan sopolan fansoun fanüfan, Kraist a wareto fän eu chök, nge a naf ngeni fansoun meinisin, pwe epwe amorala tipis ren an asor püsin inisin.

1. Petrus 1:20

Kraist a fen fil me ren Kot mwen esamwo fis fanüfan, nge a pwä lon fansoun sopolan fänäsengesimi.

2. Petrus 3:3

Me mwen mettoch meinisin oupwe fokun weweöchiti pwe lon ekewe ränin lesopolan ekoch aramas repwe pwä, manauer a nonom fän nemenien püsin ar mocheniangau. Repwe takirikemi

Jutas 1:18

Ra ürenikemi, “Lon ekewe ränin lesopolan epwe wor aramas repwe takirikemi, aramas mi chei mocheniangauen letiper.”