Ipru 1:14 - Chuukese Bible

¹⁴ Iwe, nge met ren ekewe chon läng? Ir meinisin ngün mi angang ngeni Kot. Kot a tiniirela pwe repwe alisi chokewe repwe küna manau.

Ipru 1:14 Iomraidhean Croise

Keneses 32:24

Nge Jakop a chök alemanüla. Mürin, eman mwän a feito o aülap ngeni tori a tö mallen rän.

1. King 22:19

Mikaia a sopwela le kapas, “Iei kopwe aüselinga alon ewe Samol mi Lapalap: Üa küna ewe Samol mi Lapalap pwe a mot won an lenien motun king, nge unusen ewe mwichen chon läng ra ütä ünükün.

Hiop 1:6

Iwe, a tori eu rän, lupwen ekewe chon läng ra feito o ütä fän mesen ewe Samol mi Lapalap, Satan a pwal nonom lefiler.

Kölfel 104:4

Ka akünöü ekewe asepwäl pwe noum chon künö, o nöüni chon angang ngetengeten ekkei.

Kölfel 34:7

Nöün ewe Samol mi Lapalap chon läng a nom pwelin ünükün chokewe mi niueiti i o angaseer seni feiengau.

Taniel 3:28

Iwe, Nepukatnesar a apasa, “Üpwe mwareiti än Satrak, Mesak me Apetneko we Kot. A tinato nöün chon läng pwe epwe angasa nöün chon angang mi lükü i. Iwe, ra purätiu ai kewe allük o fangela inisir, pun resap mochen chapetiu o fel ngeni eman kot lükün ar we Kot.

Taniel 6:22

Ai Kot a tinato eman chon läng pwe epwe pinei awen ekei laion. Iwe, resap tongeni afeiengauaei, pokiten esap wor ai tipis ngeni Kot pwal ngonuk ai king.”

Taniel 7:10

Iwe, eu ekkei mi watte a ngetewu seni, ngeröün chon angang ra angang ngeni, nge eu mwichen millionun aramas ra ütä mwan. Iwe, ekewe souapwüng ra mottiu o suki puk kana pwe repwe eäni kapwüng.

Mateus 1:20

Iwe, lupwen a chüen ekieki usun, eman nöün ewe Samol chon läng a pwä ngeni lon an tan o üreni, “Josef, mwirimwirin Tafit, kosap niuokus om kopwe pwülüeni Maria, pun mine a pwopwo ren a pop seni ewe Ngünmifel.

Mateus 13:41

Ewe Nöün Aramas epwe tinala nöün kewe chon läng pwe repwe amwichafengeni seni lon Mwün chokewe meinisin mi emweni aramas ngeni tipis, pwal chokewe meinisin mi föri ekewe föför mi ngau.

Mateus 18:10

“Oupwe tümwünüfichi pwe ousap aücheangauei eman ekei kükün. Pun üpwe ürenikemi, pwe nöür chon läng ra nom mwen Semei lon läng fansoun meinisin.

Mateus 2:13

Mürin än ekewe souürür feila, eman nöün ewe Samol chon läng a pwä ngeni Josef lon an tan o üreni, “Herotes epwe kütta ewe mönükol pwe epwe niela. Iei mine kopwe pwätä, kopwe angei ewe mönükol me inan we o süla Isip. Oupwe nonom ikenan tori inet üpwe ürenuk pwe oupwe liwin.”

Mateus 24:31

Iwe, epwe tinala nöün kewe chon läng fän tikin rappwa mi leüömong, pwe repwe amwichafengeni afilian kana seni lepelien fanüfan me rüanü, seni esopun läng tori esopun.

Mateus 25:34

Mürin ewe king epwe üreni ekewe aramas mi nom lepelifichin, ‘Oupwe feito ämi mi feiöch me ren Semei! Oupwe mwüni ewe mwü mi molotä fän itemi seni lepoputän fanüfan.

Mateus 4:11

Mürin ewe Tefil a likitala Jesus, nge nengeni, ekewe chon läng ra feito ren o tümwünü.

Markus 10:17

Iwe, lupwen a popuetasefäli an sai, eman mwän a säto ren, a fotopwäsuk mwan o tüngor ngeni, “Sense mi mürina, met ngang üpwe föri pwe üpwe manaueni manau esemüch?”

Lukas 1:19

Iwe, ewe chon läng a pölüeni, “Ngang Kapriel, ewe mi ü mwen mesen Kot. Kot a tinieito pwe üpwe kapas ngonuk o asile ngonuk ei pworaus allim.

Lukas 1:23

Lupwen fansoun an angang lon ewe imwenfel a wes, a liwiniti lenian.

Lukas 16:22

Iwe, a fis pwe ewe mi wöüngau a mäla, nge ekewe chon läng ra uweatä o amota lewon pechen Apraham. Iwe, ewe mwän mi pisekisek a pwal mäla o peias.

Lukas 2:13

Lon ewe chök otun eu mwichen chomong chon läng ra nom ren ewe chon läng, ra mwareiti Kot o apasa,

Lukas 2:9

Iwe, nöün ewe Samol we chon läng a pwä ngeniir o lingen ewe Samol a tinetiu wor, iwe, ra fokun niuokus.

Föför 11:22

Ewe pworaus usun mine a fis a tori ewe mwichefel lon Jerusalem, iei mine ra tinala Parnapas Antiokia.

Föför 12:23

Lon ewe chök otun nöün ewe Samol chon läng a ni Herotes, pun esap ngeni Kot lingan. Iwe, moso ra äni fitukan pwe a mäla.

Föför 12:7

Lon ei chök otun eman nöün ewe Samol chon läng a ü ikenan o eu saram a asarama lon ewe ruum. Iwe, ewe chon läng a pisiri won afaren Petrus, a apwökätä o üreni, “Kopwe müttir pwätä!” Lon ei chök otun ekewe sein seni mächä ra turutiu seni won pöün Petrus.

Föför 13:2

Lupwen ar fel ngeni ewe Samol me echikefel, Ngünmifel a üreniir, “Oupwe aimwüela fän itei Parnapas me Saul pwe repwe föri ewe angang üa köriir ngeni.”

Föför 16:26

Iwe, a müttir fis eu chechen fanü mi fokun watte, pwe ewe imwen fötek tori longolongun a mwökütüküt. Lon ewe chök otun ekewe asamalap meinisin ra sukula, nge ekewe selimächä mi föfö ngeni ekewe chon fötek ra pichila.

Föför 27:23

Pun lepwin ewe eman nöün Kot chon läng, ewe Kot üa nonom fän nemenian o üa angang ngeni, a feito rei

Föför 5:19

Nge lepwin eman nöün ewe Samol chon läng a suki asamen ewe imwen fötek o emwenawu ekewe soukünö me lon. Iwe, a üreniir,

Nöün Paulus Toropwe ngeni ekewe Souläng lon Rom 11:14

Eli üpwe tongeni föri, pwe püsin aramasei repwe lolloletä, pwe lupwen üpwe angang ngeniir, Kot epwe amanaua ekoch me leir.

Nöün Paulus Toropwe ngeni ekewe Souläng lon Rom 13:6

Iei pwal popun pwe ämi oupwe mönätiu ämi takises, pun ekewe nöüwis ra angang fän iten Kot lupwen ra apwönüetä wiser.

Nöün Paulus Toropwe ngeni ekewe Souläng lon Rom 15:16

pwe üpwe eman chon angangen Kraist Jesus ai üpwe angang ngeni ekewe chon lükün Israel. Üa angang usun eman souasor lon ai afalafala ewe Pworausen Manau seni Kot, pwe ekewe chon lükün Israel repwe wiliti eu asor mi tiw me ren Kot, a pin ren Ngünmifel.

Nöün Paulus Toropwe ngeni ekewe Souläng lon Rom 15:27

Ei ekiek püsin ir ra filätä ar repwe föri. Nge wesewesen pwüngün mi wor wiser pwe repwe alisi ekewe chon wöüngau. Ekewe chon Juta ra fangala ar kewe feiöchün ngün ngeni ekewe chon lükün Israel, iei mine ekewe chon lükün Israel repwe alisi ekewe chon Juta ren ar kewe feiöchün inis.

Nöün Paulus Toropwe ngeni ekewe Souläng lon Rom 8:17

Nge pokiten sia nöün Kot, sipwe feiöchüni ekewe feiöch i a amolätä fän iten nöün kana, sipwe pwal eti Kraist le wöüni ekewe wöün Kot a amolätä fän itan. Pun are sia eti Kraist lon an riaföü, sipwe pwal eti i lon an ling.

1. Korint 1:21

Pun lon än Kot tipachem, a föri pwe aramas resap tongeni silei i ren püsin ar tipachem. Nge Kot a akota pwe epwe amanaua chokewe mi lükü ewe kapas aia afalafala, iei ewe kapas ekoch aramas ra aita ngeni pwe och kapasen umwes.

2. Korint 9:12

Pun ei angangen alilis oua föri esap chök awesi än ekewe chon pin osupwang, nge a pwal efisätä pwe chomong aramas repwe iotekin kilisou ngeni Kot ren.

Kalatia 3:29

Are ämi oua nöün Kraist, mürin oua mwirimwirin Apraham, iwe, oupwe angei ewe mine Kot a fen pwonei.

Kalatia 3:7

Iei mine oupwe silei, pwe ekewe wesewesen mwirimwirin Apraham, ir ekewe aramas mi wor ar lükülük.

Kalatia 3:9

Apraham a lükü Kot o a feiöch ren, iei usun chokewe mi lükü Kot repwe pwal feiöch usun Apraham.

Efisos 3:6

Iei ewe monomon: Ren ewe Pworausen Manau ekewe chon lükün Israel repwe eti ekewe chon Juta le feiöchüni än Kot kewe feiöch, repwe chufengen lon ewe eu chök inis o aeafengen ewe feiöchün pwon Kot a föri ren Kraist Jesus.

Filipi 2:17

Nge inamwo ika chai epwe ninnila usun eu asoren ün won ewe asor me ewe angang mi fis ren ämi lükülük, ngang üpwe chök pwapwa o ämi meinisin oupwe etiei lon ai pwapwa.

Filipi 2:25

Ngang üa ekieki pwe epwe öch ai üpwe tinsefäliela remi pwiich Epafrotitus, ätei a etiei le angang pwal le maun, ätewe ämi oua akünöü pwe epwe alisiei.

2. Tesalonika 1:7

epwe pwal angasakemi ämi mi riaföü, epwe pwal angasakem. Ei epwe fis lupwen ach Samol epwe feito seni läng fiti nöün kewe chon läng mi pöchökül,

Titus 3:7

pwe ren an ümöümöch sipwe küna pwüng me ren Kot o eäni ewe manau esemüch sia apilükülük ngeni.

Ipru 10:11

Ekewe souasor meinisin ra föri ar angang iteiten rän o eäni asor ekewe chök sokun asor fän chomong. Nge ekei asor resap tongeni amorala än aramas tipis.

Ipru 2:3

Epwe ifa usun ach sipwe tongeni sü seni ach küna liwiningau are sisap aüseling ngeni ekewe kapas usun ach küna manau mi fokun aüchea. Ewe Samol a akomwen asile ngeni aramas usun ei küna manau, nge chokewe mi rongorong ngeni ra alletätä ngenikich pwe a let.

Ipru 5:9

Iwe, lupwen a unusöchüla manauan won fanüfan, a wiliti ewe popun küna manau esemüch fän iten chokewe mi aleasochis ngeni.

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

Ipru 6:17

Kot a mochen afata ngeni chokewe repwe angei mine a eäni pwon pwe esap fokun siwili ekiekin letipan, iei mine a apacha an akapel ngeni mine a eäni pwon.

Ipru 8:6

Nge iei Jesus a angei ewe wisen souasor mi tekia seni wisen ekewe souasor mi lap, usun chök ewe pwon i a föri lefilen Kot me nöün kewe aramas a fokun aüchea seni ewe pwonen lom, pun a longolong won ekewe pwon mi fokun mürina.

Ipru 9:28

Iei usun Kraist a fangala püsin inisin pwe eu asor fän eu chök, pwe epwe amorala tipisin chomong aramas. Iwe, lupwen epwe wareto fän aruan, esap chüen föri och fänäsengesin tipis, nge epwe amanaua chokewe mi witiwiti.

James 2:5

Ämi pwii kana mi achengicheng, oupwe aüseling! Ifa usun, Kot esap filätä ekewe aramas mi wöüngau won ei fanüfan pwe repwe pisekisek lon ar lükülük o feiöchüni feiöchün ewe Mwün Kot, i a pwon ngeni chokewe mi echeni?

1. Petrus 1:12

Kot a pwäri ngeni ekei soufos, pwe ar angang esap fän iten püsin ar feiöch, nge fän iten ämi feiöch, lupwen ar kapas usun ekewe mettoch oua rongorong iei seni ekewe chon künö mi aronga ngenikemi ewe Pworausen Manau ren manamanen Ngünmifel mi titito seni läng. Ikkei ekewe mettoch ekewe chon läng mwo nge ra mochen weweiti.

1. Petrus 1:4

pwe sipwe feiöchüni och feiöch esap morola, esap tikipwül, esap pwal aiolol, a iseis lon läng fänäsengesimi.

1. Petrus 3:7

Ina usun pwal ämi mwän kana, oupwe nonom ngeni pwülüemi kana fän mirit, pun inisiir a apwangapwang mwen inisimi. Oupwe meninitiir, pun pwal ir repwe angei än Kot we lifangen manau usun chök ämi. Oupwe föri iei usun, pwe esap wor och mine epwe epeti ämi iotek.

Jutas 1:14

Iwe, Enok ewe afümanün täppin aramas seni Atam a osuni usur me lomlom, “Ewe Samol epwe feito fiti ngeröün chon läng mi pin

Pwärätä 5:6

Mürin üa küna eman Lam a ütä lukalapan mwen ewe lenien motun king, nge ekewe föman mönümanau me ekewe rüwe me föman souakom ra pweli ünükün. Ewe Lam a usun itä nge a ninnila. A wor füfoch mächän me füföü föün mesan, ir ekewe füman Ngünün Kot ra titila won unusen fanüfan.