Ipru 1:13 - Chuukese Bible

¹³ Kot esap fokun apasa ngeni eman nöün kewe chon läng, “Kopwe mottiu lepelifichi tori üpwe anomu chon oputom, pwe repwe lenien puun pecheöm.”

Ipru 1:13 Iomraidhean Croise

Kölfel 110:1

Ewe Samol mi Lapalap a kapas ngeni ai samol ewe king, “Kopwe mot lepelifichi tori üpwe anomu chon oputom pwe repwe lenien puun pecheöm.”

Kölfel 132:18

Iwe, üpwe awora säw ngeni chon oputan, nge won möküren ewe mi kepit epwe wor epa mwärämwär mi ling.”

Mateus 22:44

‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Markus 12:36

Nge Ngünmifel a amefi ngeni Tafit pwe epwe apasa: ‘Ewe Samol a kapas ngeni ai Samol: Kopwe mot lepelifichi tori üpwe anomu chon oputom fän pecheöm.’

Lukas 19:27

Nge chokewe mi oputaei resap mochen ai üpwe nöür king, oupwe emweniireto ikei o niirela me mwei.’”

Lukas 20:42

Pun Tafit a püsin apasa lon ewe puken Kölfel, ‘Ewe Samol a kapas ngeni ai Samol: Kopwe mot lepelifichi,

Föför 7:55

Nge Stefanus a uren Ngünmifel, a anetai mesan ngeni läng o a küna lingen Kot me Jesus mi ütä lepelifichin Kot.

Ipru 1:3

A lingeni lingen Kot o wesewesen lapalapeni lapalapen Kot. A anükünüköchü mettoch meinisin ren an kapas mi manaman. Mürin an awesala amusamusen än chon fanüfan tipis, a mottiu lepelifichin Kot lon läng, i ewe mi manaman seni meinisin.

Josua 10:24

Nge lupwen ra emwenireto ren, Josua a körato ekewe re Israel meinisin o üreni ekewe samolun sounfiu mi eti le maun, “Oupwe kanoto o ipwetä won üwen ekei king.” Mürin ra kanoto o ipwetä won üwer.

Pwärätä 20:15

Iö esap mak itan lon ewe puken iten chon manau a koturulong lon ewe nomun ekkei.